എല്ലാ ടോക്കിയോ ഒളിമ്പിക് 2020 വിജയികൾക്കും ഷവോമി എംഐ 11 അൾട്രാ സ്മാർട്ഫോൺ സമ്മാനിക്കും

നീരജിനെ കൂടാതെ മീരാഭായ് ചാനു, രവികുമാർ ദഹിയ, ലവ്ലിന ബോർഗോഹെയ്ൻ, പിവി സിന്ധു, ബജ്‌റംഗ് പുനിയ എന്നിവരാണ് ടോക്കിയോയിൽ മെഡൽ നേടിയ മറ്റ് അത്‌ലറ്റുകൾ. ഈ എല്ലാ അത്‌ലറ്റുകൾക്കും ഷവോമി ഒരു എംഐ 11 അൾട്രാ യൂണിറ്റ് നൽകും. ഇന്ത്യൻ പുരുഷ ഹോക്കി ടീമിലെ ഓരോ അംഗത്തിനും എംഐ 11എക്‌സ് ആണെങ്കിലും ഒരു സ്മാർട്ട്ഫോൺ നൽകുമെന്ന കാര്യം മനു സ്ഥിരീകരിച്ചു. 1980 ന് ശേഷം ഈ കായികരംഗത്ത് ആദ്യമായി ഇന്ത്യൻ ഹോക്കി ടീം വെങ്കല മെഡൽ നേടി. ടോക്കിയോ ഒളിമ്പിക്സിൽ മികച്ച പ്രകടനം കാഴ്ചവച്ച കായികതാരങ്ങൾക്ക് ഇന്ത്യൻ സർക്കാരും വിവിധ സംസ്ഥാന സർക്കാരുകളും സമ്മാനങ്ങൾ പ്രഖ്യാപിച്ചിട്ടുണ്ട്.

എംഐ 11 അൾട്ര സ്മാർട്ട്ഫോണിൽ 6.81 ഇഞ്ച് ഡബ്ല്യുക്യുഎച്ച്ഡി+ (1,440x3,200 പിക്‌സൽ) ഇ4 അമോലെഡ് ഡിസ്‌പ്ലേയാണ് നൽകിയിട്ടുള്ളത്. ഈ ഡിസ്പ്ലെയ്ക്ക് 20: 9 അസ്പാക്ട് റേഷിയോ, 120 ഹെർട്സ് റിഫ്രഷ് റേറ്റ് എന്നിവയും ഉണ്ട്. ഡിവൈസിന്റെ പിൻഭാഗത്ത് 1.1 ഇഞ്ച് (126x294 പിക്‌സൽ) സെക്കൻഡറി ഡിസ്‌പ്ലേയും നൽകിയിട്ടുണ്ട്. വളരെ ആകർഷകമായ ഡിവൈസിനാണ് ഇത് നൽകിയിട്ടുള്ളത്. ആൻഡ്രോയിഡ് 11 ബേസ്ഡ് എംഐയുഐ 12ലാണ് ഈ സ്മാർട്ട്ഫോൺ പ്രവർത്തിക്കുന്നത്.

സ്മാർട്ട്ഫോണിന്റെ പിന്നിൽ സെക്കന്ററി ഡിസ്പ്ലേയ്ക്ക് അടുത്തായി 50 മെഗാപിക്സൽ പ്രൈമറി സെൻസർ, 48 മെഗാപിക്സൽ അൾട്രാ വൈഡ് ആംഗിൾ ലെൻസ്, 48 മെഗാപിക്സൽ ടെലിഫോട്ടോ ലെൻസ് എന്നിവയുള്ള ട്രിപ്പിൾ റിയർ ക്യാമറ സെറ്റപ്പും ഷവോമി നൽകിയിട്ടുണ്ട്. സെൽഫികൾക്കായി ഹോൾ-പഞ്ച് കട്ടഔട്ടിൽ 20 മെഗാപിക്സൽ പ്രൈമറി സെൻസറാണ് നൽകിയിട്ടുള്ളത്. 12 ജിബി റാമും 256 ജിബി ഓൺ‌ബോർഡ് സ്റ്റോറേജുമുള്ള എംഐ 11 അൾട്ര സ്മാർട്ട്ഫോണിന് കരുത്ത് നൽകുന്നത് ക്വാൽകോം സ്‌നാപ്ഡ്രാഗൺ 888 എസ്ഒസിയാണ്. 5ജി, ഡ്യുവൽ-ബാൻഡ് വൈ-ഫൈ 6, ബ്ലൂടൂത്ത് വി 5.2, ജിപിഎസ്, എജിപിഎസ്, നാവിക് സപ്പോർട്ട്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവയാണ് സ്മാർട്ഫോണിലുളള കണക്റ്റിവിറ്റി ഓപ്ഷനുകൾ. 67W വയർഡ് ഫാസ്റ്റ് ചാർജിങ്, വയർലെസ് ചാർജിങ്, 10W റിവേഴ്‌സ് വയർലെസ് ചാർജിങ് എന്നിവ സപ്പോർട്ട് ചെയ്യുന്ന 5,000 എംഎഎച്ച് ബാറ്ററിയുമുണ്ട്.