അടുത്ത ഫെബ്രുവരിയില്‍ പുറത്തിറക്കാന്‍ ലക്ഷ്യമിട്ട് ഷവോമി മി 7

ഷവോമി ഈ വര്‍ഷം നിരവധി സ്മാര്‍ട് ഫോണുകള്‍ അവതരിപ്പിച്ചു കഴിഞ്ഞു. എന്നാല്‍ ഇതില്‍ പലതും ഇന്ത്യന്‍ വിപണിയിലേക്ക് ഇനിയും എത്തിയിട്ടില്ല. അതേസമയം ഷവോമിയുടെ മറ്റൊരു സുപ്രധാന സ്മാര്‍ട് ഫോണായ മി 7 പുറത്തിറക്കുന്നത് സംബന്ധിച്ച് പുതിയ വിവരങ്ങള്‍ ലഭ്യമായി തുടങ്ങിയിട്ടുണ്ട്.

അടുത്ത വര്‍ഷം ആദ്യത്തോടെ ഷവോമി മി 7 പുറത്തിറക്കും എന്നാണ് ഏറ്റവും പുതിയ വാര്‍ത്ത. 2018 ഫെബ്രുവരിയോടെ മി 7 അവതരിപ്പിച്ചേക്കും എന്നാണ് ജിസ്‌ചൈനറിപ്പോര്‍ട്ട് ചെയ്യുന്നത്.

ഈ ആഴ്ചയുടെ തുടക്കത്തില്‍ വണ്‍പ്ലസ് 6 സ്മാര്‍ട് ഫോണ്‍ നേരത്തെ പുറത്തിറക്കുന്നത് സംബന്ധിച്ചുള്ള വിശദാംശങ്ങള്‍ വെബില്‍ വന്നതിന് തൊട്ടു പിന്നാലെയാണ് ഈ റിപ്പോര്‍ട്ട് എത്തിയത്.

ഫെബ്രുവരി തിരഞ്ഞെടുത്തിരിക്കുന്നതിനാല്‍ അടുത്ത വര്‍ഷത്തെ മൊബൈല്‍ വേള്‍ഡ് കോണ്‍ഗ്രസ്സില്‍(എംഡബ്ല്യുസി) ആയിരിക്കും സ്മാര്‍ട് ഫോണ്‍ അവതരിപ്പിക്കുന്നതെന്ന് പ്രതീക്ഷിക്കാം.

അടുത്ത വര്‍ഷം പുറത്തിറക്കുന്ന സ്മാര്‍ട് ഫോണുകളില്‍ ഉപയോഗിക്കുന്ന ചിപ് സെറ്റായ സ്‌നാപ്ഡ്രാഗണ്‍ 845 എസ്ഒസി മെച്ചപ്പെടുത്തുന്നതിനായി ഷവമോമിയും ക്വാല്‍ക്കമും ചേര്‍ന്ന് പ്രവര്‍ത്തിക്കുന്നതായി മുമ്പ് റിപ്പോര്‍ട്ടുകള്‍ ഉണ്ടായിരുന്നു. മി 7 ല്‍ ഇതായിരിക്കും ഉപയോഗിക്കുക. ഈ വര്‍ഷം നവംബറില്‍ അടുത്ത തലമുറ സ്മാര്‍ട് ഫോണിന്റെ ടെസ്റ്റിങ് ഷവോമി തുടങ്ങുമെന്നാണ് പ്രതീക്ഷ. അങ്ങനെയെങ്കില്‍ 2018 ഫെബ്രുവരിയില്‍ അവസാന ടെസ്റ്റിങ് നടത്താന്‍ കഴിയും.

18: 9 ആസ്‌പെക്ട് റേഷ്യോയോട് കൂടിയ വലിയ ഒഎല്‍ഇഡി ഡിസ്‌പ്ലെ ആയിരിക്കും ഷവോമി മി 7 ല്‍ എന്നാണ് നിലവിലെ അഭ്യൂഹങ്ങളില്‍ നിന്നും അറിയാന്‍ കഴിയുന്നത്. ഒഎല്‍ഇഡി പാനല്‍ സാംസങ് ആണ് നിര്‍മ്മിക്കുന്നത്. ഡിസ്‌പ്ലെ നീളമുള്ളതായതിനാല്‍ മുന്‍ വശത്ത് ഫിംഗര്‍പ്രിന്റ് സെന്‍സര്‍ ഉണ്ടാവില്ല. ഇന്‍-ഡിസ്‌പ്ലെ ഫിംഗര്‍പ്രിന്റ് സെന്‍സറിനുള്ള സാധ്യതയും കുറവാണ്.

10എന്‍എംഫിന്‍എഫ്ഇടി പ്രോസസ് ഉപയോഗിച്ചായിരിക്കും സ്‌നാപ്ഡ്രാഗണ്‍ 845 എസ്ഒസി നിര്‍മ്മിച്ചിരിക്കുക. ഈ ചിപ് സെറ്റ് 1.2ജിബിപിഎസ് ഡൗണ്‍ലോഡ് സ്പീഡ് സപ്പോര്‍ട്ട് ചെയ്യും മി 7 വയര്‍ലെസ്സ് ചാര്‍ജിങ് സപ്പോര്‍ട്ട് ചെയ്‌തേക്കും. ഗ്ലാസ്സ് സിറാമിക് റിയര്‍ പാനല്‍ സ്മാര്‍ട് ഫോണിനുണ്ടാകുമെന്ന് മുമ്പ് റിപ്പോര്‍ട്ടുകള്‍ ഉണ്ടായിരുന്നു.

6ജിബി റാം, 8ജിബി റാം എന്നിങ്ങനെ രണ്ട് പതിപ്പുകള്‍ ആയിരിക്കും പുറത്തിറക്കുക. മി 6 ലേത് പോലെ മി 7 ലും ഡ്യുവല്‍ റിയര്‍ ക്യാമറയും പ്രതീക്ഷിക്കാം.