5500എംഎഎച്ച് ബാറ്ററിയുമായി ഷവോമിയുടെ പുതിയൊരു സ്മാര്‍ട്ട്‌ഫോണ്‍ എത്തുന്നു

ഈ വര്‍ഷത്തെ സ്മാര്‍ട്ട്‌ഫോണ്‍ പതിപ്പുകളില്‍ പ്രത്യേക ആകര്‍ഷണമായി മാറിയിരുന്നത് വളരെ കട്ടികുറഞ്ഞ ബിസിലെസ് ഫോണുകളായിരുന്നു. ഇത് ഫ്‌ളാബ്ലറ്റുകളുടെ വലുപ്പത്തെ വര്‍ദ്ധിപ്പിക്കുകയും ചെയ്യുന്നു. അതായത് 5.5 ഇഞ്ച് ഡിസ്‌പ്ലേ വലുപ്പമുളള ഷവോമി മീ മാക്‌സ് 2 പോലുളള ഉപകരണങ്ങള്‍ക്ക് കട്ടികുറഞ്ഞ ബെസലുകളുമായി കൂടുതല്‍ സാന്നിദ്ധ്യമുണ്ട്.

ഈയിടെയാണ് ഷവോമി മിഡ്‌റേഞ്ച് മാര്‍ക്കറ്റില്‍ രണ്ട് സ്മാര്‍ട്ട്‌ഫോണുകള്‍ അവതരിപ്പിച്ചത്, ഒന്ന് റെഡ്മി 5ഉും മറ്റൊന്ന് റെഡ്മി 5 പ്ലസും. ഇതു കൂടാതെ 2018ല്‍ ആദ്യം ഷവോമി മറ്റൊരു സ്മാര്‍ട്ട്‌ഫോണ്‍ കൂടി അവതരിപ്പിക്കും എന്നും റിപ്പോര്‍ട്ടുകള്‍ പറയുന്നു.

മീ മാക്‌സ് 3 എന്ന ഈ ഫോണിനു വളരെ നേര്‍ത്ത ബിസില്‍ ഡിസൈനാണ്. ഈ സവിശേഷത ഫോണിന്റെ വലുപ്പത്തെ വര്‍ദ്ധിപ്പിക്കുകയും ചെയ്യുന്നു.

ചൈനീസ് ബ്ലോഗ് CNMO ഗിസ്‌ചൈന (GizChina) വഴി ഷവോമി മീ മാക്‌സ് 3യുടെ സവിശേഷതകള്‍ റിപ്പോര്‍ട്ട് ചെയ്തിട്ടുണ്ട്. ആരേയും ആകര്‍ഷിക്കുന്ന വളരെ ഭീമാകാരമായ 7 ഇഞ്ച് ഡിസ്‌പ്ലേയാണ് ഈ ഫോണിന്റെ ഹൈലൈറ്റ് എന്നാണ് വ്യക്തമാക്കിയിരിക്കുന്നത്. സ്‌ക്രീന്‍ റേഷ്യോ 18:9 ആണെന്നും പറയുന്നു.

ഇതു കൂടാതെ രണ്ട് വ്യത്യസ്ഥ പ്രോസസറുകള്‍ ഉള്‍പ്പെടുത്തിയാണ് ഫോണ്‍ എത്തുന്നത്. സ്റ്റാന്‍ഡേര്‍ഡ് വേരിയന്റിന് സ്‌നാപ്ഡ്രാഗണ്‍ 630SoC ചിപ്‌സറ്റും എന്നാല്‍ പ്രീമിയം വേരിയന്റിന് സ്‌നാപ്ഡ്രാഗണ്‍ 660SoC ചിപ്‌സെറ്റുമാണ്. കൂടാതെ ഈ രണ്ട് വേരിയന്റ് ഫോണുകളും ഡ്യുവല്‍ ക്യാമറ സെറ്റപ്പിലാണ് എത്തുന്നതെന്നും റിപ്പോര്‍ട്ടില്‍ വ്യക്തമാക്കുന്നു.

ഈ ഫോണിന്റെ സ്‌ക്രീന്‍ പോലെ തന്നെയാണ് മറ്റൊരു ആകര്‍ഷകമായ സവിശേഷത ഇൗ ഫോണില്‍ ഉള്‍പ്പെടുത്തിയിരിക്കുന്ന വലിയ ബാറ്ററിയും. 5500എംഎഎച്ച് ബാറ്ററിയാണ് ഈ ഫോണിന്, ക്വിക് ചാര്‍ജ്ജ് 3.0 ഫാസ്റ്റ് ചാര്‍ജ്ജിങ്ങ് സവിശേഷതയും ഇതിലുണ്ട്. ഈ ഫോണിന്റെ മറ്റു സവിശേഷതകള്‍ ഒന്നും തന്നെ റിപ്പോര്‍ട്ടില്‍ വ്യക്തമാക്കിയിട്ടില്ല.