8 ജിബി റാമോടു കൂടി ഷവോമി മി മിക്‌സ് 2 വിന്റെ പ്രത്യേക പതിപ്പ് ഉടന്‍ എത്തും

By: Archana V

ഷവോമി വിപണിയില്‍ ബേസെല്‍-ലെസ്സ് സ്മാര്‍ട്‌ഫോണ്‍ മി മിക്‌സ്2 അവതരിപ്പിച്ചിട്ട് ഒരുമാസം ആകുന്നതേയൊള്ളു. ഇന്ത്യയില്‍ ഈ മാസമാണ് സ്മാര്‍ട്‌ഫോണ്‍ എത്തിയത്.എന്നാല്‍, മി മിക്‌സ് 2 എത്തിയതിന്റെ അലകള്‍ ഒടുങ്ങും മുമ്പെ ഷവോമി ഇതിന്റെ പ്രത്യേക പതിപ്പ് ഉടന്‍ പുറത്തിറക്കാന്‍ ഒരുങ്ങുകയാണെന്ന അഭ്യൂഹങ്ങള്‍ വന്നു തുടങ്ങി.

8 ജിബി റാമോടു കൂടി ഷവോമി മി മിക്‌സ് 2 വിന്റെ പ്രത്യേക പതിപ്പ് ഉടന്‍ എത

ചൈനീസ് വെബ്‌സൈറ്റായ വെയ്‌ബോയിലാണ് ഷവോമി മി മിക്‌സ് 2 വിന്റെ പ്രത്യേക പതിപ്പിനെ കുറിച്ചുള്ള ആദ്യ പരാമര്‍ശം ഉണ്ടായത്. പുതിയ പതിപ്പിനെ സംബന്ധിക്കുന്ന ചില വിവരങ്ങള്‍ ഷവോമിയുടെ ക്ലൗഡ് പ്ലാറ്റ്‌ഫോമിന്റെ തലവനാണ് നല്‍കിയിരിക്കുന്നത്.

ഇത് പ്രകാരം ഷവോമി മി മിക്‌സ2 8 ജിബി റാമോടു കൂടിയായിരിക്കും എത്തുക. കൂടാതെ ഹാന്‍ഡ്‌സെറ്റിന്റേത് പൂര്‍ണമായും സിറാമിക് വൈറ്റ് ബോഡി ആയിരിക്കും.

8 ജിബി റാമോടു കൂടി ഷവോമി മി മിക്‌സ് 2 വിന്റെ പ്രത്യേക പതിപ്പ് ഉടന്‍ എത

ഈ വാര്‍ത്തയെ സ്ഥിരീകരിക്കും വിധം ഷവോമി മി മിക്‌സ് 2 സെറാമിക് വൈറ്റ് ഓണ്‍ലൈനില്‍ വീണ്ടും പ്രത്യക്ഷപ്പെട്ടിരുന്നു. പ്രശസ്ത ടെക് അനലിസ്റ്റായ സണ്‍ ചാങ്‌സു ഹാന്‍ഡ്‌സെറ്റ് കൈയിലെടുത്ത് നില്‍ക്കുന്ന ചിത്രമാണ് ഇത്തവണ എത്തിയത്.

8 ജിബി റാമോടു കൂടി ഷവോമി മി മിക്‌സ് 2 വിന്റെ പ്രത്യേക പതിപ്പ് ഉടന്‍ എത

ഇതിന് പുറമെ 8 ജിബി റാമോടു കൂടിയ ഷവോമി മി മിക്‌സ് 2 ഉടന്‍ പുറത്തിറക്കുമെന്ന് ഷവോമിയിലെ ജീവനക്കാരനാകാന്‍ സാധ്യതയുള്ള ഒരു വെയ്‌ബോ ഉപയോക്താവ് സൂചനയും നല്‍കിയിട്ടുണ്ട്. പുതിയ മോഡലിന്റെ സ്റ്റാന്‍ഡേര്‍ഡ് ബ്ലാക് പതിപ്പും പുറത്തിറക്കുന്നുണ്ടെന്ന് അദ്ദേഹം സൂചന നല്‍കിയിട്ടുണ്ട്.

5000 രൂപ മുതല്‍ ആരംഭിക്കുന്ന ക്വിക് ചാര്‍ജ്ജിങ്ങ് ഫോണുകള്‍!

റാമിലും നിറത്തിലും മാറ്റം വരുന്നുണ്ടെങ്കിലും പ്രത്യേക പതിപ്പിന്റെ സവിശേഷതകളും ഹാര്‍ഡ്‌വെയറുകളും 6ജിബി മി മിക്‌സ് 2 വിന്റേതിന് സമാനമായിരിക്കും എന്നാണ് പ്രതീക്ഷിക്കുന്നത്. പ്രത്യേക പതിപ്പ് പുറത്തിറക്കുന്നത് സംബന്ധിച്ച് കമ്പനിയുടെ ഔദ്യോഗി സ്ഥിരീകരണം ഇതുവരെ ലഭ്യമാക്കിയിട്ടില്ല.

ഷവോമി നയിക്കുന്ന 11.11 സെയില്‍സ് പ്രൊമോഷന് മുമ്പായി ഡിവൈസ് സംബന്ധിച്ച് പ്രഖ്യാപനം ഉണ്ടാകുമെന്നാണ് അഭ്യൂഹങ്ങള്‍. മി മിക്‌സ് 2 വിന്റെ പ്രത്യേക പതിപ്പിന് പ്രതീക്ഷിക്കുന്ന വില 4699 യുവാന്‍( 46,208 രൂപ) ആണ്.

പ്രീമിയം ഡിസൈനില്‍ നിലവിലെ സവിശേഷതകളോടെ എത്തുകയാണെങ്കില്‍ മി മിക്‌സ് 2 വിന്റെ പ്രത്യേക പതിപ്പിന്റെ ആകര്‍ഷണീയത കൂടുമെന്നാണ് പ്രതീക്ഷ.



Read more about:
English summary
New rumors have started brewing up stating that Xiaomi will introduce a special edition and more premium variant of Xiaomi Mi Mix 2 in the coming days.
Please Wait while comments are loading...

Social Counting