എംഐ പ്രോഡക്റ്റുകൾക്ക് ഡിസ്‌കൗണ്ടുകളും ഓഫറുകളുമായി ഷവോമി വാലന്റൈൻസ് ഡേ സെയിൽ

ഈ പ്രോഡക്റ്റുകൾക്ക് കിഴിവുകൾ ലഭ്യമാക്കി ഷവോമി സെയിൽ

സ്മാർട്ട് വാച്ചുകൾ, ഓഡിയോ, സ്മാർട്ട് ടിവികൾ, സ്മാർട്ട് ഐഒടി ഡിവൈസുകൾ തുടങ്ങിയവയിൽ ഷവോമി വാലന്റൈൻസ് ഡേ സെയിൽ കിഴിവുകൾ വാഗ്ദാനം ചെയ്യുന്നു. എന്നാൽ, ഈ വിൽപ്പനയിൽ ഷവോമി സ്മാർട്ട്‌ഫോണുകളോ ലാപ്‌ടോപ്പുകളോ ലഭ്യമാക്കുന്നില്ല. മറ്റ് ഷവോമി ഉൽപ്പന്നങ്ങളിൽ നിങ്ങൾക്ക് ഇപ്പോഴും മികച്ച ഡീൽ നേടാനാകുമെന്ന് പറയുന്നു. ഈ വിൽപ്പനയുടെ ഭാഗമായി 10,999 രൂപയിൽ നിന്ന് 7,999 രൂപയ്ക്ക് ഷവോമി എംഐ വാച്ച് റിവോൾവ് ലഭ്യമാണ്. 200 രൂപ കിഴിവും നൽകിയ ശേഷം ഈ റെഡ്മി ബാൻഡിന് ഇപ്പോൾ 1,399 രൂപയാണ് വില വരുന്നത്.

വാലന്റൈൻസ് ഡേയും എംഐ ടിവിയുടെ മൂന്ന് വർഷത്തെ വാർഷികവും ആഘോഷിക്കുന്നതിനായി ഷവോമി സ്മാർട്ട് ടിവികളുടെ ഒരു വലിയ വിൽപ്പന നടത്തുന്നുണ്ട്. 1,000 രൂപ വില കിഴിവിൽ സ്മാർട്ട് ടിവികളായ എംഐ ടിവി 4 എ പ്രോ (43 ഇഞ്ച്) വില 23, 999 രൂപയാണ്, എംഐ ടിവി 4 എക്സ് (43 ഇഞ്ച്) വില 27,999 രൂപയും, എംഐ ടിവി 4 എക്സ് (50 ഇഞ്ച്) 33,999 രൂപയുമാണ് വില വരുന്നത്. എംഐ ടിവി ഹൊറൈസൺ എഡീഷന് (32 ഇഞ്ച്) 500 രൂപ കിഴിവിൽ ഇപ്പോൾ 15,499 രൂപയ്ക്ക് ലഭ്യമാണ്.

എംഐ ടിവി സ്റ്റിക്ക്, എംഐ ബോക്സ് 4 കെ എന്നിവയിൽ യഥാക്രമം 2,299 രൂപയും 3,299 രൂപയും വില കുറവുണ്ട്. എംഐ ട്രൂ വയർലെസ് ഇയർഫോൺസ് 2 ന് 2,999 രൂപയും എംഐ ട്രൂ വയർലെസ് ഇയർഫോൺസ് 2 സിക്ക് 2,199 രൂപയുമാണ് വില വരുന്നത്. എംഐ ഡ്യുവൽ ഡ്രൈവർ ഇൻ-ഇയർ ഇയർഫോണുകൾ 699 രൂപയ്ക്ക് വിൽക്കുന്നു. റെഡ്മി പവർ ബാങ്കിന് 200 രൂപ വിലക്കുറവിൽ 1,199 രൂപയാണ് വില വരുന്നത്. കൂടാതെ, എംഐ സ്മാർട്ട് വാട്ടർ പ്യൂരിഫയറിന് (ആർ‌ഒ + യുവി) 2,000 രൂപ കിഴിവിൽ 10,999 രൂപയ്ക്കും, എംഐ എയർ പ്യൂരിഫയർ 3 ക്ക് 1,000 രൂപ കിഴിവിൽ 9,999 രൂപയ്ക്കും, എംഐ ബിയേർഡ് ട്രിമ്മർ 1 സി 899 രൂപയ്ക്കും ലഭിക്കുന്നു.