റിയൽ‌മി സ്മാർട്ട്ഫോണുകളുടെ വില വർധിപ്പിച്ചു: കൂടുതലറിയാം

കമ്പനി ഏറ്റവും പുതിയതായി ലോഞ്ച് ചെയ്ത റിയൽമി 6, റിയൽമി 6 പ്രൊ ഫോണുകളുടെയടക്കം നിരക്ക് കൂട്ടിയിട്ടുണ്ട്. ഇന്ത്യയിൽ റിയൽ‌മി 6 ഫോണിന്റെ 4 ജിബി റാം + 64 ജിബി സ്റ്റോറേജ് മോഡലിന് 13,999 രൂപ മുതലാണ് ഇപ്പോൾ വിലയാരംഭിക്കുന്നത്. 6 ജിബി റാം + 64 ജിബി സ്റ്റോറേജ് വേരിയന്റിന് 15,999 രൂപയാണ് വില. 8 ജിബി റാം + 128 ജിബി സ്റ്റോറേജ് ഓപ്ഷന് 16,999 രൂപയാണ്. റിയൽമി 6 പ്രോയുടെ 6 ജിബി റാം + 64 ജിബി സ്റ്റോറേജ് വേരിയന്റിന് 17,999 രൂപയും 6 ജിബി റാം + 128 ജിബി സ്റ്റോറേജ് ഓപ്ഷന് 18,999 രൂപയും 8 ജിബി റാം + 128 ജിബി സ്റ്റോറേജ് ഓപ്‌ഷന് 19,999 രൂപയുമാണ് വില വരുന്നത്.

ഈ വർഷം ജനുവരിയിൽ ലോഞ്ച് ചെയ്ത റിയൽമി 5i സ്മാർട്ഫോണിന്റെ വില ഇപ്പോൾ 9,999 രൂപയാണ്. റിയൽമി C3 സ്മാർട്ഫോണിന്റെ വിലയിൽ 500 രൂപ കൂടിയിട്ടുണ്ട്. ഇപ്പോൾ 7,499 രൂപ മുതലാണ് ഹാൻഡ്‌സെറ്റിന്റെ വില ആരംഭിക്കുന്നത്. റിയൽമി X2 സ്മാർട്ഫോണിന്റെ വിലയും കൂടിയിട്ടുണ്ട്. റിയൽമി X2 മോഡലിന്റെ വിലയിൽ രണ്ടായിരം രൂപയുടെ വർധനവുണ്ടായി. റിയൽമി X2 പ്രൊ മാസ്റ്റർ എഡിഷൻ ഇപ്പോൾ 36,999 രൂപ വിലയിലാണ് ലിസ്റ്റ് ചെയ്തിരിക്കുന്നത്.

റിയൽമിയുടെ പഴയ ഫോണുകളായ റിയൽമി 5, റിയൽമി 5s, റിയൽമി 5 പ്രൊ, റിയൽമി X, റിയൽമി XT എന്നീ ഫോണുകളുടെ വിലയിൽ 1,000 രൂപയുടെ വർധനവാണുള്ളത്. റിയൽമിക്ക് പുറമെ ആപ്പിള്‍, സാംസങ്, ഷാവോമി, ഓപ്പോ ഉള്‍പ്പടെ എല്ലാ സ്മാര്‍ട്‌ഫോണ്‍ ബ്രാന്റുകളും ഇന്ത്യയിൽ വില്‍പനയിലുണ്ടായിരുന്ന ഫോണുകളുടെ വില വര്‍ധിപ്പിച്ചിട്ടുണ്ട്.