യൂട്യൂബിൽ ഇനി പുതിയ നിയമങ്ങൾ

 

യൂട്യൂബ്

പുതിയ യൂട്യൂബ് സേവന നിബന്ധനകൾ ഡിസംബർ 10 മുതൽ എല്ലാ പ്ലാറ്റ്ഫോമുകളിലുമുള്ള ഉപയോക്താക്കൾക്കും ബാധകമാണ്. കാര്യങ്ങള്‍ കൂടുതല്‍ കര്‍ശനമാകുന്നതോടെ ഒരു ജി-മെയില്‍ അക്കൗണ്ടുമായി സ്വന്തം വീഡിയോകള്‍ സൂക്ഷിക്കാനുള്ള ഇടമായി ഇനി യൂട്യൂബ് ഉപയോഗിക്കാൻ കഴിയില്ല. മറ്റുള്ളവർ‌ക്ക് പ്രയോജനമില്ലാത്ത ഉള്ളടക്കം നിരീക്ഷിക്കാനും ഫ്ലാഗുചെയ്യാനുമുള്ള അവകാശം യൂട്യൂബിൽ നിക്ഷിപ്തമാണ്. "നിങ്ങൾ സേവനത്തിന് സമർപ്പിക്കുന്ന ഉള്ളടക്കത്തിന്റെ നിയമപരമായ ഉത്തരവാദിത്തം നിങ്ങൾക്കാണ്. സ്‌പാമും മാൽവെയറും ഉൾപ്പെടെയുള്ള ലംഘനങ്ങളും ദുരുപയോഗവും കണ്ടെത്താൻ സഹായിക്കുന്നതിന് നിങ്ങളുടെ ഉള്ളടക്കം വിശകലനം ചെയ്യുന്ന യാന്ത്രിക സംവിധാനങ്ങൾ ഞങ്ങൾ ഉപയോഗിച്ചേക്കാം, "യൂട്യുബ് പറയുന്നു.

പുതിയ യൂട്യൂബ് സേവന നിബന്ധനകൾ

ആര്‍ക്കും സൗജന്യമായി തുടങ്ങാനാകുന്ന വീഡിയോ അപ്‌ലോഡിങ് പ്ലാറ്റ്‌ഫോം എന്ന സവിശേഷത യുട്യൂബ് സ്വയം അവസാനിപ്പിക്കുവാൻ പോവുകയാണ്. ലോകത്തിന്റെ പലയിടത്തു നിന്നും ഇങ്ങനെ അപ്‌ലോഡ് ചെയ്യപ്പെടുന്ന വീഡിയോകള്‍ പലതും പ്രശ്നമായതോടെയാണ് യുട്യൂബ് തങ്ങളുടെ നയങ്ങളില്‍ മാറ്റങ്ങള്‍ വരുത്താന്‍ തിരുമാനിച്ചിരിക്കുന്നത്. യുട്യൂബ് വീഡിയോകള്‍ വഴി വരുമാനം പ്രതീക്ഷിച്ചിരിക്കുന്നവർക്കും സ്വന്തം വീഡിയോകള്‍ യുട്യൂബില്‍ ഇട്ട് ഇരിക്കുന്നവർക്കുമാണ് കമ്പനി എടുത്തിരിക്കുന്ന ഈ പുതിയ തീരുമാനം ഗുരുതരമായി ബാധിക്കുവാൻ പോകുന്നത്. സൗജന്യ സേവനമായതിനാല്‍ യുട്യൂബര്‍മാര്‍ ആഗ്രഹിക്കുന്ന അത്രയും കാലം വീഡിയോകള്‍ സൂക്ഷിക്കാന്‍ തങ്ങള്‍ക്ക് യാതൊരു ബാധ്യതയുമില്ലെന്നാണ് യുട്യൂബ് വ്യക്തമാക്കുന്നത്.

അപ്‌ലോഡ് ചെയ്യപ്പെടുന്ന വീഡിയോകള്‍

ലാഭകരമല്ല എന്ന് തോന്നുന്ന ഏത് അക്കൗണ്ടും പൂട്ടുമെന്ന തീരുമാനമാണ് പുതിയ നയത്തില്‍ യുട്യൂബ് എഴുതി ചേര്‍ത്തത്. സൗജന്യ സേവനമായതിനാല്‍ യുട്യൂബര്‍മാര്‍ ആഗ്രഹിക്കുന്ന അത്രയും കാലം വീഡിയോകള്‍ സൂക്ഷിക്കാന്‍ തങ്ങള്‍ക്ക് യാതൊരു ബാധ്യതയുമില്ലെന്ന പ്രഖ്യാപനം കൂടിയാണ് യുട്യൂബ് ഇപ്പോൾ വ്യക്തമാക്കിയിരിക്കുന്നത്. അക്കൗണ്ട് നീക്കം ചെയ്യുന്നത് സംബന്ധിച്ച് യുട്യൂബിന്റെ തീരുമാനം അവസാനമായിരിക്കുമെന്ന വ്യവസ്ഥ കൂടി അവര്‍ ചേര്‍ത്തിട്ടുണ്ട്. അമേരിക്കയിലെ ഫെഡറല്‍ ട്രേഡ് കമ്മീഷന്‍ അടുത്തിടെ 1200 കോടി രൂപയോളം യുട്യൂബിന് പിഴയിട്ടിരുന്നു. ഇതാണ് നയങ്ങളില്‍ മാറ്റം വരുത്താന്‍ അവര്‍ക്ക് പെട്ടെന്നുള്ള പ്രചോദനമായതെന്നാണ് കരുതപ്പെടുന്നത്.

 

യുട്യൂബ് വീഡിയോകള്‍

എന്നാല്‍ യുട്യൂബ് ഇത് ഔദ്യോഗികമായി സമ്മതിക്കുന്നില്ല കുട്ടികള്‍ മാതാപിതാക്കളുടെ സമ്മതമില്ലാതെ വീഡിയോകള്‍ യുട്യൂബിലിട്ടെന്നും, ആ കുട്ടികളുടെ വിവരങ്ങള്‍ യുട്യൂബ് അനധികൃതമായി ശേഖരിച്ചുവെന്നതുമായിരുന്നു കുറ്റം. ഈ ശിക്ഷ ലഭിച്ചതോടെ ആര്‍ക്കും എപ്പോഴും തുടങ്ങാവുന്ന ഒന്ന് എന്നില്‍ നിന്നും യുട്യൂബ് മാറുകയാണ്. സേവനം സൗജന്യമാണെന്നതിനാല്‍ പലരും യുട്യൂബിനെ സ്വന്തം വീഡിയോകള്‍ സൂക്ഷിക്കുന്ന പ്ലാറ്റ്‌ഫോമായി ഉപയോഗിക്കുന്നുണ്ട്. അപ്‌ലോഡ് ചെയ്യുന്ന വീഡിയോകള്‍ പലതും ഒരു ഹിറ്റ് പോലുമില്ലാതെ പ്രൈവറ്റായിട്ടായിരിക്കും സൂക്ഷിച്ചിരിക്കുക. ഇവര്‍ക്കായിരിക്കും ഈ പുതിയ നയങ്ങൾ തലവേദനയാകുവാൻ പോകുന്നത്. ഇത്തരം അക്കൗണ്ടുകള്‍ മുഴുവനായി ഒഴിവാക്കിയാൽ തന്നെ സര്‍വര്‍ സ്‌പേസിന്റെ കാര്യത്തില്‍ യുട്യൂബിന് വന്‍ നേട്ടമാകും ലഭിക്കുവാൻ പോകുന്നത്.