എയർടെൽ സിം ഉണ്ടോ​? ആക്ടിവേറ്റ് ചെയ്യാനും സിം കട്ട് ആകാതിരിക്കാനും പാലിക്കേണ്ട നിയമങ്ങൾ

ഭാരതി എയർടെൽ (Bharti Airtel) ഇന്ത്യയിലെ രണ്ടാമത്തെ വലിയ ടെലിക്കോം കമ്പനിയാണ്. മികച്ച അ‌ഭിപ്രായമാണ് എയർടെലിനെപ്പറ്റിയും അ‌തിന്റെ സേവനങ്ങളുടെ നിലവാരത്തെപ്പറ്റിയും ഭൂരിഭാഗം ഉപയോക്താക്കൾക്കും ഉള്ളത്. നിരവധി പേർ ഇപ്പോൾ എയർടെൽ സിം ഉപയോഗിക്കുന്നുണ്ട്. മാത്രമല്ല പുതിയതായി നിരവധി പേർ എയർടെലിലേക്ക് കടന്നുവരുന്നുമുണ്ട്. പുതിയ സിം ആക്ടിവേറ്റ് ചെയ്യുന്നതിലും സിം കട്ട് ആകാതെ നിലനിർത്തുന്ന കാര്യത്തിലുമൊക്കെ ചില റൂളുകൾ അ‌നുസരിച്ചാണ് എയർടെൽ പ്രവർത്തിക്കുന്നത്. ഉപയോക്താക്കൾ അവരുടെ സിം ആക്ടിവേറ്റ് ചെയ്യാൻ തിരഞ്ഞെടുത്ത പ്രീപെയ്ഡ് പ്ലാനുകൾ മാത്രം ഉപയോഗിച്ച് റീചാർജ് ചെയ്യേണ്ട കാലമൊക്കെ കഴിഞ്ഞു.

ഫസ്റ്റ് റീചാർജ് കൂപ്പണുകൾ (FRC-കൾ) അടിസ്ഥാനപരമായി ഉപയോക്താക്കളുടെ സിം കാർഡുകളിൽ സേവനങ്ങൾ ആക്ടിവേറ്റ് ചെയ്യാൻ കഴിയുന്ന പ്രീപെയ്ഡ് പ്ലാനുകളാണ്. ഇന്ന്, മിക്കവാറും എല്ലാ പ്ലാനുകളും ഏതാണ്ട് ഫസ്റ്റ് റീചാർജ് കൂപ്പണുകളുടെ ഫലം ചെയ്യുന്നവയാണ്. ആക്ടീവ് സിം കാർഡ് സേവനങ്ങൾക്ക്, ഉപയോക്താക്കൾ 128 രൂപയോ അതിൽ കൂടുതലോ വിലയുള്ള ഒരു വൗച്ചർ ഉപയോഗിച്ച് റീചാർജ് ചെയ്താൽ മതിയെന്ന് എയർടെൽ പറഞ്ഞിട്ടുണ്ട്. ഈ നിബന്ധന പാലിക്കുകയാണെങ്കിൽ, സിം ആക്ടിവേറ്റ് ചെയ്യപ്പെടും.

മൊ​ബൈൽ റീച്ചാർജ് നിരക്കുകളുടെ കാര്യത്തിലേക്ക് വന്നാൽ, എയർടെല്ലിന്റെ ഏറ്റവും കുറഞ്ഞ റീചാർജ് പ്ലാനിന് 199 രൂപയാണ് വില. ഇത് ഉപയോഗിച്ചാൽ സിം സ്വാഭാവികമായും ആക്ടിവേറ്റ് ചെയ്യപ്പെടും. ഇനി ഉപഭോക്താവ് തന്റെ സിം കാർഡ് റീചാർജ് ചെയ്യാത്ത സാഹചര്യത്തിൽ എന്ത് സംഭവിക്കും? 2025-ൽ എയർടെൽ സിം കാർഡ് ഡീആക്ടിവേറ്റ് ചെയ്യുന്നതിനുള്ള എയർടെലിന്റെ നിയമങ്ങൾ കൂടി പരിചയപ്പെട്ടിരിക്കാം.

സിം കാർഡ് ഡീആക്ടിവേഷൻ: മിനിമം റീച്ചാർജ് പ്ലാൻ ഉപയോഗിച്ച് സിം കാർഡുകൾ റീചാർജ് ചെയ്യാത്തതോ 90 ദിവസത്തേക്ക് മെയിൻ അക്കൗണ്ടിൽ 20 രൂപ ബാലൻസ് നിലനിർത്താത്തതോ സിമ്മിൽ നിന്ന് ഔട്ട്‌ഗോയിംഗ്, ഇൻകമിംഗ് കോൾ അല്ലെങ്കിൽ എസ്എംഎസ് തുടങ്ങിയ സേവനങ്ങൾ നടക്കാത്തതോ ആയ സിമ്മിലെ സേവനങ്ങൾ താൽക്കാലികമായി നിർത്തിവയ്ക്കാൻ തങ്ങൾക്ക് അവകാശമുണ്ടെന്ന് എയർടെൽ പറയുന്നു.

"വോയ്‌സ്/വീഡിയോ കോൾ (ഔട്ട്‌ഗോയിംഗ് അല്ലെങ്കിൽ ഇൻകമിംഗ്) അല്ലെങ്കിൽ ഔട്ട്‌ഗോയിംഗ് എസ്എംഎസ് അല്ലെങ്കിൽ ഡാറ്റ സെഷൻ (അപ്‌ലോഡ് അല്ലെങ്കിൽ ഡൗൺലോഡ്) അല്ലെങ്കിൽ മൂല്യവർദ്ധിത സേവനങ്ങളുടെ ഉപയോഗം എന്നിവ 90 ദിവസത്തേക്ക് തുടർച്ചയായി ഇല്ലെങ്കിൽ, പ്രധാന അക്കൗണ്ട് ബാലൻസ് 20 രൂപയിൽ കുറവാണെങ്കിൽ, എയർടെല്ലിന്റെ വിവേചനാധികാരത്തിൽ മൊബൈൽ കണക്ഷൻ ഡീആക്ടിവേറ്റ് ചെയ്യപ്പെടും." എന്നാണ് ഇതേപ്പറ്റി എയർടെൽ നൽകുന്ന വിശദീകരണം.

റീച്ചാർജ് ചെയ്യാതെ 90 ദിവസം കഴിഞ്ഞാൽ എന്ത് സംഭവിക്കും: 90 ദിവസത്തിനുശേഷം, എയർടെൽ ഉപഭോക്താക്കൾക്ക് 15 ദിവസത്തെ ഗ്രേസ് പിരീഡ് കൂടി വാഗ്ദാനം ചെയ്യും, ഈ കാലയളവിൽ എയർടെൽ ഉപയോക്താക്കൾക്ക് അവരുടെ സിമ്മിൽ സേവനങ്ങൾ ആക്ടീവ് ആക്കുന്നതിന് ആവശ്യമായ പ്ലാൻ ഉപയോഗിച്ച് റീചാർജ് ചെയ്യാം.

ഈ 15 ദിവസത്തെ ഗ്രേസ് പിരീഡിൽ സിം തിരികെ ലഭിക്കുന്നതിന് ഉപഭോക്താവ് 20 രൂപ അ‌ക്കൗണ്ടിൽ കാണിച്ചാൽ മതി. അക്കൗണ്ടിൽ ആവശ്യത്തിന് ബാലൻസ് ഉണ്ടെങ്കിൽ, ഉപയോക്താവിന് ആ മൊ​ബൈൽ നമ്പർ സൂക്ഷിക്കാൻ എയർടെൽ ഓരോ 30 ദിവസത്തിലും 20 രൂപ ഈടാക്കുന്നത് തുടരും. ഗ്രേസ് പിരീഡിലും ബാലൻസ് സൂക്ഷിക്കാൻ കഴിഞ്ഞില്ല എങ്കിൽ എയർടെലിന് ആ നമ്പർ തിരിച്ചെടുക്കുകയും വേണമെങ്കിൽ പിന്നീട് അ‌ത് മറ്റാർക്കെങ്കിലും നൽകുകയും ചെയ്യാം.