വീട്ടിലെ ഇന്റർനെറ്റിന് മാക്സിമം സ്പീഡ് വേണോ? ജിയോയുടെ ഈ 'മാക്സ്' പ്ലാനുകൾ അ‌തിനുള്ളതാണ്!

വീടുകളിലെ ഇന്റർനെറ്റ് ആവശ്യങ്ങൾ വർധിച്ച ഇക്കാലഘട്ടത്തിൽ, നല്ലൊരു ഇന്റർനെറ്റ് കണക്ഷൻ മികച്ച വേഗത സഹിതം ലഭ്യമാകണമെന്ന് ആഗ്രഹിക്കുന്നവർക്കായി ജിയോ തങ്ങളുടെ ജിയോഎയർ​ഫൈബർ പ്ലാനുകൾ ലഭ്യമാക്കിയിരിക്കുന്നു. ഇന്ത്യയിലെ പ്രധാന ഇന്റർനെറ്റ് സർവീസ് പ്രൊ​വൈഡർമാരിൽ (ISP) ഒന്നായ ജിയോ ​ഇന്റർനെറ്റ് കണക്ഷനായി ജിയോ ​ഫൈബർ, ജിയോ എയർ​ഫൈബർ സേവനങ്ങൾ വാഗ്ദാനം ചെയ്യുന്നുണ്ട്. ജിയോയുടെ ഫിക്സഡ് വയർലെസ് ആക്‌സസ് (FW) സേവനമായ ജിയോ എയർ​ഫൈബർ ഇപ്പോൾ രാജ്യവ്യാപകമായി ലഭ്യമായിട്ടുണ്ട്. കൂടിക്കുഴഞ്ഞ് കിടക്കുന്ന കേബിളുകളുടെ ശല്യമില്ലാതെ ഇന്റർനെറ്റ് കണക്ഷൻ വാഗ്ദാനം ചെയ്യുന്നു എന്നതാണ് എയർ​ഫൈബറിന്റെ പ്രത്യേകത.

ഭൂമിശാസ്ത്രപരമായ പ്രത്യേകതകൾ മൂലവും മറ്റ് പല കാരണങ്ങളാലും ഫൈബർ ബ്രോഡ്ബാൻഡ് കണക്ഷൻ ലഭ്യമല്ലാത്ത ഇടങ്ങളിലും എത്തിപ്പെടാൻ കഴിയും എന്നതാണ് വയർലെസ് സേവനമായ ജിയോ എയർ​​ഫൈബറിന്റെ പ്രത്യേകത. ​മികച്ച വേഗതയിൽ ഇന്റർനെറ്റ് ലഭ്യമാക്കുക മാത്രമല്ല, 800+ ഡിജിറ്റൽ ചാനലുകളും ഒടിടി സബ്സ്ക്രിപ്ഷനും ​വൈ​ഫൈ സൗകര്യവും വാഗ്ദാനം ചെയ്യുന്നു എന്നതും ജിയോ എയർ​ഫൈബറിന്റെ പ്രത്യേകതയാണ്.

പ്രധാനമായും ജിയോഎയർ​ഫൈബർ പ്ലാനുകളെ രണ്ട് വിധത്തിൽ തരംതിരിച്ചിരിക്കുന്നു. 30 Mbps മുതൽ 1Gbps വരെ വേഗതയാണ് ജിയോ എയർ​ഫൈബർ പ്ലാനുകൾ വാഗ്ദാനം ചെയ്യുന്നത്. ഇതിൽ 30Mbps മുതൽ 100 Mbps വരെയുള്ള പ്ലാനുകൾ എയർ​ഫൈബർ പ്ലാനുകളാണ്. 300 Mbps മുതൽ 1 Gbps വരെയുള്ള ഉയർന്ന വേഗതയുള്ള പ്ലാനുകൾ എയർ​ഫൈബർ മാക്സ് പ്ലാനുകൾ എന്ന് അ‌റിയപ്പെടുന്നു.

അ‌തിനാൽ വീട്ടിലേക്ക് ഏറ്റവും മികച്ച വേഗതയിൽ തന്നെ ഇന്റർനെറ്റും ഒപ്പം ഒടിടി സബ്സ്ക്രിപ്ഷനുകളും ലഭ്യമാകണമെങ്കിൽ ജിയോ എയർ​ഫൈബർ മാക്സ് പ്ലാനുകളാണ് അ‌നുയോജ്യം. ആകെ മൂന്ന് മാക്സ് പ്ലാനുകളാണ് ജിയോ എയർ​ഫൈബറിന് ഉള്ളത്. അ‌വ 1499 രൂപ, 2499 രൂപ, 3999 രൂപ വിലകളിലാണ് ലഭ്യമാകുക. ഇത് ജിഎസ്ടി കൂടാതെയുള്ള ചാർജാണ്. ഇവയിലെ ആനുകൂല്യങ്ങൾ വിശദമായി പരിചയപ്പെടാം.

1,499 രൂപയുടെ ജിയോ എയർ​ഫൈബർ മാക്സ് പ്ലാൻ: 300Mbps വേഗത വാഗ്ദാനം ചെയ്യുന്ന ജിയോ എയർ​ഫൈബർ പ്ലാനാണ് ഇത്. ജിയോയുടെ എയർ​ഫൈബർ മാക്സ് പ്ലാനുകളിൽ ഏറ്റവും വില കുറഞ്ഞ പ്ലാൻ ഇതാണ്. 1000 ജിബി ഡാറ്റയാണ് ഈ പ്ലാൻ പ്രതിമാസം വാഗ്ദാനം ചെയ്യുന്നത്. ​ഇതോടൊപ്പം 800+ ടിവി ചാനലുകളും ഒടിടി സബ്സ്ക്രിപ്ഷനുകളും ഉണ്ട്.

നെറ്റ്ഫ്ലിക്സ് (ബേസിക്), യൂട്യൂബ് പ്രീമിയം, ആമസോൺ ​പ്രൈം ​ലൈറ്റ് (രണ്ട് വർഷത്തേക്ക്), ജിയോഹോട്ട്സ്റ്റാർ, സീ5, സോണിലിവ്, സൺനെക്സ്റ്റ്, ഹോയ്ചോയ്, ALTബാലാജി, ഇറോസ് നൗ, ഡിസ്കവറി+, ലയൻസ്ഗേറ്റ് പ്ലേ, ഇടിവി വിൻ, ഷെമാരൂമീ, ഫാൻകോഡ് (JioTV+ വഴി) എന്നിവയാണ് 1499 രൂപയുടെ ജിയോ എയർഫൈബർ മാക്‌സ് പ്ലാനിൽ ലഭ്യമാകുന്ന ഒടിടി സബ്സ്ക്രിപ്ഷനുകൾ.

2,499 രൂപയുടെ ജിയോ എയർ​ഫൈബർ മാക്സ് പ്ലാൻ: 500Mbps വേഗതയാണ് ഈ പ്ലാൻ വാഗ്ദാനം ചെയ്യുന്നത്. 1000GB ഡാറ്റയും 800+ ടിവി ചാനലുകളും ഒടിടി സബ്സ്ക്രിപ്ഷനുകളും ഇതിലുണ്ട്. ഒടിടി ആനുകൂല്യങ്ങളിൽ നെറ്റ്ഫ്ലിക്സ് (ബേസിക്), യൂട്യൂബ് പ്രീമിയം, ആമസോൺ ​പ്രൈം ​ലൈറ്റ്, ജിയോഹോട്ട്സ്റ്റാർ, സീ5, സോണിലിവ്, സൺനെക്സ്റ്റ്, ഹോയ്ചോയ്, ALTബാലാജി, ഇറോസ് നൗ, ഡിസ്കവറി+, ലയൻസ്ഗേറ്റ് പ്ലേ, ഇടിവി വിൻ, ഷെമാരൂമീ, ഫാൻകോഡ് (JioTV+ വഴി) എന്നിവ ഉൾപ്പെടുന്നു.

3999 രൂപയുടെ ജിയോ എയർഫൈബർ മാക്സ് പ്ലാൻ: ജിയോ എയർ​ഫൈബറിന്റെ ഏറ്റവും വേഗത കൂടിയ പ്ലാനാണിത്. 1Gbps വേഗത ഈ പ്ലാൻ വാഗ്ദാനം ചെയ്യുന്നു. 1000ജിബി ഡാറ്റയാണ് ഇതിൽ ലഭിക്കുക. 30 ദിവസമാണ് ഈ പ്ലാനിന്റെ വാലിഡിറ്റി. 3, 6, 12 എന്നിങ്ങനെ നിശ്ചിത കാലയളവുകളിലേക്ക് ഈ ജിയോ ഈ പ്ലാൻ തെരഞ്ഞെടുക്കാനാകും.

നെറ്റ്ഫ്ലിക്സ് (ബേസിക്), യൂട്യൂബ് പ്രീമിയം, ആമസോൺ പ്രൈം ലൈറ്റ്, ജിയോഹോട്ട്സ്റ്റാർ, ZEE5, സോണിലൈവ്, സൺനെക്സ്റ്റ്, ഹോയ്ചോയ്, ലയൺസ്ഗേറ്റ് പ്ലേ, ഡിസ്കവറി+, ഷെമാരൂമി, ALTബാലാജി, ഇറോസ് നൗ, ഇടിവി വിൻ, ഫാൻകോഡ് തുടങ്ങിയ ഒടിടി പ്ലാറ്റ്​ഫോമുകളുടെ സബ്സ്ക്രിപ്ഷൻനും 800+ ടിവി ചാനലുകളും ഈ പ്ലാനിൽ ലഭിക്കും.