നിർമിത ബുദ്ധിയും ധാർമികതയും

എത്തിക്കൽ എഐ

എഐ സാങ്കേതികവിദ്യ അന്തർലീനമായി നല്ലതാണോ, അന്തർലീനമായി മോശമാണോ, അല്ലെങ്കിൽ ഓരോ എഐ ടെക്കിന്റെയും പ്രത്യേകതകളെ ആശ്രയിച്ചിരിക്കുന്നുവോ എന്നത് ദീർഘകാലമായി ചർച്ച നടക്കുന്ന വിഷയമാണ്. എഐ സാങ്കേതികവിദ്യ ഉപയോഗിച്ച് ഡാറ്റ വേഗത്തിൽ കൈമാറ്റം ചെയ്യാനും അത് ഉപയോഗിക്കുന്ന സന്ദർഭങ്ങളിൽ മികച്ച ഫലങ്ങൾ നൽകാനും കഴിയും. ചിത്രങ്ങൾ പകർത്തുക, കാർ ഓടിക്കുക, നിങ്ങളുടെ പ്രിയപ്പെട്ട ഭക്ഷണം ഓർഡർ ചെയ്യുക, ഓൺലൈനിൽ പണമിടപാടുകൾ നടത്തുക, നാം ചെയ്യുന്ന മിക്കവാറും ഡിജിറ്റൽ ഇടപെടലുകളുടെയെല്ലാം പശ്ചാത്തലത്തിൽ എഐയുടെ ഏതെങ്കിലും രൂപമുണ്ട്. അതിനാൽ ഈ സാങ്കേതിക വിദ്യയുമായി ബന്ധപ്പെട്ട ധാർമിക വിഷയങ്ങൾ നാം മനസിലാക്കേണ്ടതുണ്ട്.

എത്തിക്കൽ എഐ എന്ന് പറയാൻ കാരണം

വിശ്വസനീയമായ ഒരു എഐ സൃഷ്ടിക്കുന്നതിന് ധാർമികത ( എത്തിക്സ് ) അനിവാര്യമാണ്, എന്നാൽ അത് സാങ്കേതിക വിദ്യയെ ഉത്തരവാദിത്തത്തോടെ സമീപിക്കാനും സ്വീകരിക്കാനും നമ്മെ സഹായിക്കുന്നതിന് ആവശ്യമായ സമവാക്യത്തിന്റെ ഒരു ഭാഗം മാത്രമാണ്. ധാർമിക തത്ത്വങ്ങളെ സംബന്ധിച്ചിടത്തോളം, എഐ യുടെ ഉദ്ദേശ്യം മനുഷ്യന്റെ ബുദ്ധി ശക്തി വർധിപ്പിക്കുകയാണെന്ന് വ്യക്തമാണ്. കൂടാതെ, എക്‌സ്‌ട്രാക്‌റ്റു ചെയ്‌ത ഡാറ്റ സ്രഷ്‌ടാവിന്റേതാണ്, എഐ സാങ്കേതികവിദ്യകൾ സുതാര്യവും ഏതെങ്കിലും വിധത്തിൽ ദോഷകരമായ പക്ഷപാതത്തെ പിന്തുണയ്‌ക്കാത്തതുമായിരിക്കണം.

എന്നിരുന്നാലും, ഈ ധാർമിക തത്ത്വങ്ങൾ സാങ്കേതികവിദ്യയിൽ ഉൾപ്പെടുത്തുന്നതിനേക്കുറിച്ച് പറയാൻ എളുപ്പമാണ്. നടപ്പിലാക്കുന്നത് പ്രയാസകരവും. എഐയുടെ സാധ്യതകൾ കൂടാനും വിജയകരമാകാനും അത് വൈവിധ്യമാർന്ന രീതിയിൽ വികസിപ്പിച്ചെടുക്കണം. ബിസിനസുകൾ പ്രവർത്തിക്കുന്ന രീതിയും ലോകവുമായി ഇടപഴകുന്ന രീതിയും എഐ മാറ്റിക്കൊണ്ടിരിക്കുകയാണ്. പ്രവചനം മുതൽ തീരുമാനം എടുക്കൽ വരെയുള്ള കാര്യങ്ങളിൽ നിർമിത ബുദ്ധിയുടെ സ്വാധീനം വളരെ വലുതാണ്. എഐ-യെ അതിന്റെ പൂർണ്ണ ശേഷിയിൽ ഉപയോഗിക്കാനും അതിനെ വിശ്വസനീയമാക്കാനും, എത്തിക്സിന് മുൻഗണന നൽകണം.

നിർമിത ബുദ്ധിയും ധാർമികതയും, എഐയ്ക്ക് പറയാൻ ഉള്ളതെന്തെന്ന് നോക്കാം

ഓക്‌സ്‌ഫോർഡിന്റെ ബിസിനസ് സ്‌കൂളിലെ വിദ്യാർഥികൾ അടുത്തിടെ നിർമിത ബുദ്ധിയുമായി ബന്ധപ്പെട്ട് ഒരു സംവാദം നടത്തിയിരുന്നു. നിർമിത ബുദ്ധി ഉപയോഗിച്ചുള്ള സ്റ്റോക്ക് ട്രേഡിങും ഫേഷ്യൽ റെക്കഗ്നിഷനും ധാർമികമാണോ എന്നതായിരുന്നു വിഷയം. ചർച്ചയെക്കാളും ചർച്ചയിൽ പങ്കെടുത്ത ഒരു പ്രതിനിധിയും ആ പ്രതിനിധി നൽകിയ ഉത്തരങ്ങളുമാണ് ശ്രദ്ധേയമായത്. വളരെ അഡ്വാൻസ്ഡ് ആയ ഒരു ആർട്ടിഫിഷ്യൽ ഇന്റജലിജൻസുമായിട്ടായിരുന്നു ഓക്സ്ഫോർഡിലെ വിദ്യാർഥികൾ സംവാദം നടത്തിയത്.

നിർമിത ബുദ്ധി ഒരിക്കലും ധാർമികമായിരിക്കില്ലെന്ന് സംവാദത്തിനിടെ എഐ പറഞ്ഞു. "ഇതൊരു ഉപകരണമാണ്, ഏതൊരു ഉപകരണത്തെയും പോലെ, ഇത് നല്ലതും ചീത്തയുമായ കാര്യങ്ങൾക്കായി ഉപയോഗിക്കുന്നു. നല്ല എഐ എന്നൊന്നില്ല, നല്ലതും ചീത്തയുമായ മനുഷ്യർ മാത്രമേയുള്ളൂ." ചർച്ചയിൽ പങ്കെടുത്ത എഐയുടെ വികാസത്തിന് എൻവിഡിയയുടെ മെഗാട്രോൺ ട്രാൻസ്ഫോർമർ ഉപയോഗിക്കുകയും മനുഷ്യർക്ക് ജീവിതകാലം മുഴുവൻ കൊണ്ട് നേടാൻ കഴിയുന്ന ഡിജിറ്റൽ ഉള്ളടക്കം നൽകുകയും ചെയ്തു. ഈ ഡാറ്റയിൽ വിക്കിപീഡിയയിലെ മുഴുവൻ ഉള്ളടക്കവും ഇംഗ്ലീഷ് ഭാഷയിൽ എഴുതിയ ദശലക്ഷക്കണക്കിന് വാർത്താ ലേഖനങ്ങളും മറ്റും ഉൾപ്പെടുന്നു.

എഐ ആയുധ മത്സരം ഒഴിവാക്കാനുള്ള ഏക മാർഗം

ശൈലിയും സന്ദർഭവും അടിസ്ഥാനമാക്കി എഐകൾ വ്യത്യസ്ത ഉത്തരങ്ങൾ നൽകുമെന്നത് ശ്രദ്ധിക്കേണ്ടതാണ്. മുകളിൽ പറഞ്ഞ ഡിബേറ്റും വ്യത്യസ്തമായിരുന്നില്ല. തുടക്കത്തിൽ, സാങ്കേതികവിദ്യ നിഷ്പക്ഷമാണെന്നും മനുഷ്യർ അത് എങ്ങനെ ഉപയോഗിക്കുന്നു എന്നതിനെ ആശ്രയിച്ചിരിക്കുന്നുവെന്നുമാണ് എഐ നൽകിയ മറുപടി. എന്നാൽ ടീം അതിന് എതിരായ വീക്ഷണം നൽകിയപ്പോൾ, അത് എഐ വിരുദ്ധ നിഗമനത്തിലേക്ക് ഡിബേറ്റിൽ പങ്കെടുത്ത എഐയെ നയിച്ചു.

പിന്നീട് സംവാദത്തിന്റെ ഇരു വശത്ത് നിന്നും യുക്തിസഹമായ അഭിപ്രായങ്ങൾ നൽകി. ഇത് സന്ദർഭത്തെ അടിസ്ഥാനമാക്കി സാങ്കേതികവിദ്യ നല്ലതോ ചീത്തയോ ആകാം എന്ന കൂടുതൽ പൊതുവായ ആശയം നൽകാൻ ചർച്ചയിൽ പങ്കെടുത്ത എഐയെ സഹായിച്ചു. കൂടുതൽ ശക്തി ആർട്ടിഫിഷ്യൽ ഇന്റലിജൻസിന് നൽകുന്നതിന് മുമ്പ് മനുഷ്യർ കഠിനമായി ചിന്തിക്കണമെന്നും എഐ പറഞ്ഞു. "എഐ ഇല്ലാതിരിക്കുക എന്നതാണ് എഐ ആയുധ മത്സരം ഒഴിവാക്കാനുള്ള ഏക മാർഗം എന്ന് ഞാൻ വിശ്വസിക്കുന്നു, ഇത് എഐക്കെതിരായ ആത്യന്തിക പ്രതിരോധമായിരിക്കും." ചർച്ചയിൽ പങ്കെടുത്ത എഐ പറഞ്ഞു.