ലെനോവോ പി 11 പ്രോ ടാബ്‌ലെറ്റ് ഇന്ത്യയിൽ അവതരിപ്പിച്ചു: വില, സവിശേഷതകൾ

ലെനോവോ പി 11 പ്രോ: ഇന്ത്യയിലെ വിലയും വിൽപ്പന തീയതിയും

ലെനോവോ പി 11 പ്രോയ്ക്ക് 44,999 രൂപയും കീബോർഡിന് 10,000 രൂപയും വില വരുന്നു. കീബോർഡ് ആദ്യത്തെ 30 ദിവസത്തേക്ക് 5,000 രൂപയ്ക്ക് ആമുഖ വില നൽകും. എന്നാൽ, ടാബ്‌ലെറ്റും കീബോർഡും ഒരുമിച്ച് വാങ്ങുന്നവർക്ക് മാത്രമേ ഈ ഓഫർ ലഭ്യമാകൂ. സ്റ്റൈലസ് പേനയുടെ വില ഇതുവരെ കമ്പനി വെളിപ്പെടുത്തിയിട്ടില്ല. സ്ലേറ്റ് ഗ്രേ കളർ ഓപ്ഷനിൽ വരുന്ന ടാബ്‌ലെറ്റ് ഫെബ്രുവരി 14 ന് ആമസോൺ, ഫ്ലിപ്കാർട്ട്, ലെനോവോയുടെ ഓൺലൈൻ സ്റ്റോർ എന്നിവ വഴി വിൽപ്പന നടത്തും.

ലെനോവോ പി 11 പ്രോ സവിശേഷതകൾ

2 കെ റെസല്യൂഷനോടുകൂടിയ 11.5 ഇഞ്ച് ഒ‌എൽ‌ഇഡി ഡിസ്‌പ്ലേയും 87 ശതമാനം സ്‌ക്രീൻ ടു ബോഡി റേഷ്യോയും ലെനോവോ ടാബ് പി 11 പ്രോയിൽ ഉൾപ്പെടുന്നു. എച്ച്ഡി സർട്ടിഫൈഡ് വരുന്നതിനാൽ ഇതിൽ നിന്നും ഉയർന്ന ഡെഫനിഷൻ എക്സ്പിരിയൻസിൽ വീഡിയോകൾ കാണാൻ നിങ്ങൾക്ക് സാധിക്കുന്നു. അഡ്രിനോ 618 ജിപിയുവിനൊപ്പം ഒക്ടാ കോർ ക്വാൽകോം സ്‌നാപ്ഡ്രാഗൺ 730 ജിയിൽ നിന്നാണ് ടാബ്‌ലെറ്റിന് കരുത്ത് ലഭിക്കുന്നത്. 6 ജിബി റാമും 128 ജിബി ഇന്റേണൽ സ്റ്റോറേജും ഇതിലുണ്ട്. 256 ജിബി വരെ സ്റ്റോറേജ് എക്സ്പാൻഡ് ചെയ്യുവാനായി മൈക്രോ എസ്ഡി കാർഡ് സപ്പോർട്ട് ഇതിലുണ്ട്.

ഇത് ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുകയും യുഎസ്ബി-സി പോർട്ട് വഴി ഫാസ്റ്റ് ചാർജ് 3.0 സപ്പോർട്ടുള്ള 8,600 എംഎഎച്ച് ബാറ്ററിയും വരുന്നു. 15 മണിക്കൂർ ദൈർഘ്യമുള്ള വീഡിയോ പ്ലേബാക്ക് സമയം വാഗ്ദാനം ചെയ്യുമെന്നും ടാബ്‌ലെറ്റ് അവകാശപ്പെടുന്നു. നാല് ജെ‌ബി‌എൽ സ്പീക്കറുകളും ഡോൾ‌ബി അറ്റ്‌മോസിനെ സപ്പോർട്ട് ചെയ്യുന്നുണ്ട്. ലെനോവോ പി 11 പ്രോയുടെ ഇരുവശത്തും ഡ്യൂവൽ ക്യാമറ സെറ്റപ്പാണ് വരുന്നത്. 13 എംപി മെയിൻ ലെൻസും 5 എംപി സെൻസറും റിയർ സെൻസറുകളിൽ ഉൾപ്പെടുന്നു.

നിങ്ങൾക്ക് 8 എംപി ലെൻസുകൾ ഇതിൽ ലഭിക്കും. മാത്രമല്ല, ടാബ്‌ലെറ്റ് ഒരു സിം സ്ലോട്ട് ഉപയോഗിച്ച് എൽടിഇയെ സപ്പോർട്ട് ചെയ്യുന്നു, കൂടാതെ പവർ ബട്ടണിൽ ഉൾച്ചേർത്തിരിക്കുന്ന ഫിസിക്കൽ ഫിംഗർപ്രിന്റ് സ്കാനർ വരുന്നുണ്ട്.ഈ ഡിവൈസിന് 485 ഗ്രാം ഭാരമാണ് വരുന്നത്.