സാംസങ് ഗാലക്‌സി ടാബ് എ 7 ലൈറ്റ് ജൂൺ 23 ന് ഇന്ത്യയിൽ അവതരിപ്പിക്കും: വിലയും, ലഭ്യതയും

സാംസങ് ഗാലക്‌സി ടാബ് എ 7 ലൈറ്റിന് ഇന്ത്യയിൽ വരുന്ന വിലയും, ലഭ്യതയും

വരാനിരിക്കുന്ന സാംസങ് ഗാലക്‌സി ടാബ് എ 7 ലൈറ്റ് ജൂൺ 23 മുതൽ ഉച്ചയ്ക്ക് കൃത്യം 12:00 മണിക്ക് ആമസോൺ വഴി വാങ്ങാൻ ലഭ്യമാണ്. ഇ-കൊമേഴ്‌സിലെ ലിസ്റ്റിംഗിൽ വരാനിരിക്കുന്ന സാംസങ് ടാബ്‌ലെറ്റിൻറെ വില എത്രയാണെന്ന കാര്യം വെളിപ്പെടുത്തുന്നില്ല. ബേസിക് വൈ-ഫൈ മാത്രമുള്ള മോഡലിനൊപ്പം സാംസങ് ഇന്ത്യയിൽ വൈ-ഫൈ + എൽടിഇ മോഡലും അവതരിപ്പിക്കുമോ എന്ന കാര്യവും വ്യക്തമല്ല. ആഗോളതലത്തിൽ സാംസങ് ഗാലക്‌സി എ 7 ടാബ് ലൈറ്റ് പുറത്തിറക്കിയപ്പോൾ, വൈ-ഫൈ മാത്രമുള്ള വേരിയന്റിന് ജിബിപി 149 (ഏകദേശം 15,400 രൂപ), വൈ-ഫൈ + എൽടിഇ വേരിയന്റിന് ജിബിപി 179 (ഏകദേശം 18, 500 രൂപ) എന്നിങ്ങനെയായിരുന്നു വില നൽകിയിരുന്നത്.

ഇനി മുതൽ സാംസങ് ഗാലക്‌സി എസ്21 പ്ലസ് 10,000 രൂപ വിലക്കിഴിവിൽ സ്വന്തമാക്കാം

സാംസങ് ഗാലക്‌സി ടാബ് എ 7 ലൈറ്റിൻറെ സവിശേഷതകൾ

ആമസോണിലെ ലിസ്റ്റിംഗിൽ നിന്നും ലഭ്യമായിട്ടുള്ള സവിശേഷതകൾ പറയുന്നത്, WUXGA + റെസല്യൂഷനുള്ള 8.7 ഇഞ്ച് ഡിസ്‌പ്ലേയാണ് സാംസങ് ഗാലക്‌സി ടാബ് എ 7 ലൈറ്റിന് നൽകിയിട്ടുള്ളത്. 3 ജിബി റാമും 32 ജിബി ഇന്റേണൽ സ്റ്റോറേജും ജോടിയാക്കി മൈക്രോ എസ്ഡി കാർഡ് ഉപയോഗിച്ച് 1 ടിബി വരെ എക്സ്പാൻഡ് ചെയ്യാമെന്നാണ് പറയുന്നത്. മെറ്റൽ ബോഡിയിൽ നിർമിച്ചിട്ടുള്ള സാംസങ് ഗാലക്‌സി ടാബ് എ 7 ലൈറ്റിന് 366 ഗ്രാം ഭാരമുണ്ടാകും. ഡ്യുവൽ സ്പീക്കറുകൾക്കൊപ്പം ഡോൾബി അറ്റ്‌മോസ് സപ്പോർട്ട് ഇതിലുണ്ടാകും. വരാനിരിക്കുന്ന ടാബ്‌ലെറ്റിന് 5,000 എംഎഎച്ച് ബാറ്ററിയും ഉണ്ടാകും. എന്നാൽ, ഫാസ്റ്റ് ചാർജിംഗ് സവിശേഷതയുണ്ടാകുമോ എന്ന കാര്യം വ്യക്തമല്ല.

2020 ഓഗസ്റ്റിൽ അവതരിപ്പിച്ച സാംസങ് ഗാലക്‌സി ടാബ് എസ് 7, എസ് 7 പ്ലസ് എന്നിവയുടെ ശക്തിയേറിയതും താങ്ങാനാവുന്നതുമായ പതിപ്പായിരിക്കും പുതിയ മോഡൽ എന്നതിൽ സംശയമില്ല, എന്നാൽ, സ്‌ക്രീൻ വലുപ്പവും രൂപകൽപ്പനയും ഒന്നുതന്നെയാണ്. സാംസങ് ഗാലക്‌സി ടാബ് എ 7 ലൈറ്റിൻറെ പൂർണമായ സവിശേഷതകൾ ഇപ്പോൾ ലഭ്യമായിട്ടില്ല. ഒരുപക്ഷെ, വിപണിയിൽ നിന്നും ലഭിക്കുന്നതും നൽകുന്ന വിലയ്ക്ക് മികച്ച സവിശേഷതകൾ നൽകുന്നതുമായ ഒരു ടാബ്‌ലറ്റ് ആയിരിക്കും ഇത് എന്ന കാര്യത്തിൽ സംശയം വേണ്ട.

WWDC 2021: ആപ്പിളിന്റെ ഐഒഎസ് 15, വാച്ച്ഒഎസ് 8, മാക്ഒഎസ് മോന്ററേയ്, ഐപാഡ്ഒഎസ് 15 എന്നിവ പുറത്തിറങ്ങി