8000 mAh ബാറ്ററി, 2K സൂപ്പര്‍ AMOLED ഡിസ്‌പ്ലേ; കിടിലൻ ടാബ്‌ലെറ്റ് ഒരെണ്ണം വരുന്നുണ്ട്!

സൂപ്പര്‍ AMOLED സ്‌ക്രീനുകള്‍

6.9 മില്ലീമിറ്റര്‍ മാത്രം കനമുള്ള ടാബ്ലറ്റിന്റെ സ്‌ക്രീനിന്റെ വലുപ്പം 10.5 ഇഞ്ചാണ്. 2560X1600 പിക്‌സല്‍ (2K) റെസല്യൂഷന്‍ ദൃശ്യമികവ് ഉറപ്പുനല്‍കുന്നു. എല്‍സിഡി സ്‌ക്രീനുകളെ അപേക്ഷിച്ച് പകുതി പ്രകാശം മാത്രമാണ് സൂപ്പര്‍ AMOLED സ്‌ക്രീനുകള്‍ പുറത്തുവിടുന്നത്. അതുകൊണ്ട് തന്നെ കണ്ണുകള്‍ക്ക് അസ്വസ്ഥത ഉണ്ടാകില്ല.

ഇന്റേണല്‍ മെമ്മറി

6 കോര്‍ മീഡിയടെക് MT8176 സിപിയു, 4GB റാം, 64 GB ഇന്റേണല്‍ മെമ്മറി എന്നിവയും ഓള്‍ഡോക്യൂബ് X-ന്റെ സവിശേഷതകളാണ്. മൈക്രോ എസ്ഡി കാര്‍ഡ് ഉപയോഗിച്ച് മെമ്മറി 128 GB വരെ വികസിപ്പിക്കാന്‍ കഴിയും.

മികച്ച ശ്രവ്യാനുഭവം

ദൃശ്യമികവിന്റെയും സംഭരണശേഷിയുടെയും മികവിനൊപ്പം നില്‍ക്കുന്നതാണ് ടാബ്ലറ്റിന്റെ ശബ്ദമികവും. AKM Hi-Fi ചിപ് മികച്ച ശ്രവ്യാനുഭവം ഉറപ്പുനല്‍കുന്നു. രണ്ട് സ്പീക്കറുകള്‍ ഇല്ലാത്തതിനാല്‍ ഹെഡ്‌ഫോണുകള്‍ ഉപയോഗിക്കുമ്പോള്‍ മാത്രമേ വ്യത്യാസം കൃത്യമായി മനസ്സിലാക്കാനാകൂ.

ഫിംഗര്‍പ്രിന്റ് സെന്‍സര്‍

ഫിംഗര്‍പ്രിന്റ് സെന്‍സര്‍, 8000 mAh ബാറ്ററി, മീഡിയടെക്ക് വികസിപ്പിച്ചെടുത്ത അതിവേഗ ചാര്‍ജിംഗ് സാങ്കേതികവിദ്യ എന്നിവയും എടുത്തുപറയേണ്ട സവിശേഷതകളാണ്. ഇടതടവില്ലാതെ ഉപയോഗിച്ചാല്‍ പോലും ചാര്‍ജ് അഞ്ചരമണിക്കൂര്‍ നില്‍ക്കുമെന്ന് കമ്പനി അവകാശപ്പെടുന്നു.

ആന്‍ഡ്രോയ്ഡ് 8.1

മുന്നിലും പിന്നിലും 8MP ക്യാമറകള്‍ ഉള്‍പ്പെടുത്തിയിട്ടുണ്ട്. ആന്‍ഡ്രോയ്ഡിന്റെ ഏറ്റവും പുതിയ പതിപ്പായ ആന്‍ഡ്രോയ്ഡ് 8.1 ഓപ്പറേറ്റിംഗ് സിസ്റ്റമാണ് ടാബ്ലറ്റില്‍ ഉപയോഗിച്ചിരിക്കുന്നത്. ഓള്‍ഡോക്യൂബ് X വിപണിയില്‍ എത്തിയിട്ടില്ലെങ്കിലും 26 ശതമാനം വിലക്കിഴിവില്‍ മുന്‍കൂര്‍ ബുക്ക് ചെയ്യാന്‍ അവസരമുണ്ട്.