ടിക്ടോക് വീഡിയോകൾ പെർമിനൻറായി ഡിലീറ്റ് ചെയ്യാനുള്ള എളുപ്പ വഴി

ടിക്ടോക് ആപ്പ് ഓപ്പൺ ചെയ്യുക

ആദ്യം നിങ്ങളുടെ സ്മാർട്ട്ഫോണിലുള്ള ടിക്ടോക് ആപ്ലിക്കേഷൻ ഓപ്പൺ ചെയ്യുക. ഓപ്പണായ ടിക്ടോക് ആപ്പിൽ നിങ്ങളുടെ പ്രൊഫൈലിൽ തുറക്കുക. ഇപ്പോൾ നിങ്ങൾ പോസ്റ്റ് ചെയ്ത എല്ലാ വീഡിയോകളും നിങ്ങൾക്ക് കാണാനാകും.

വീഡിയോ തിരഞ്ഞെടുക്കുക

നിങ്ങൾ പോസ്റ്റ് ചെയ്ത വീഡിയോകളിൽ നിന്നും ഡിലീറ്റ് ചെയ്യേണ്ട വീഡിയോ തിരഞ്ഞെടുക്കുക. ഫുൾസ്ക്രിൻ മോഡിൽ ആ വീഡിയോ പ്രിവ്യൂ ചെയ്ത് തുടങ്ങി കഴിഞ്ഞാൽ താഴെ വലതുഭാഗത്ത് മൂന്ന് ഡോട്ടുകൾ കാണാം. ഹാംബർഗർ മെനുവെന്ന് വിളിക്കുന്ന ആ മൂന്ന് ഡോട്ടുകളിൽ ടച്ച് ചെയ്താൽ കൂടുതൽ ഓപ്ഷൻസ് തുറന്നുവരും.

 

സെലക്ട് ഡെലിറ്റ്

ഹാംബർഗർ മെനുവിൽ ടച്ച് ചെയ്താൽ തുറന്നുവരുന്ന മെനുവിൽ ട്രാഷ് ഐക്കൺ കാണാം. ഇ ഐക്കൺ കാണാനായില്ലെങ്കിൽ ഇടത് വശത്തേക്കോ വലത് വശത്തേക്കോ സ്വൈപ്പ് ചെയ്താൽ മതി. ഗാലറിയിൽ നിന്നും വീഡിയോ ഡിലീറ്റ് ചെയ്യാൻ ട്രാഷ് ഐക്കണിൽ ടച്ച് ചെയ്യുക.

കൺഫേം ഡിലീറ്റ്

ട്രാഷ് സ്ക്രീനിൽ ടാപ് ചെയ്താൽ തുറന്നുവരുന്ന പോപ് അപ്പ് വിൻഡോയിൽ ഡിലീറ്റ് ചെയ്യാനുള്ള അനുമതി ആവശ്യപ്പെടും. YES എന്ന ഓപ്ഷനിൽ ടച്ച് ചെയ്ത് വീഡിയോ പെർമനൻറായി നമുക്ക് ടിക്ടോക് പ്രൊഫൈലിൽ നിന്ന് ഡിലീറ്റ് ചെയ്യാം.

മറ്റൊരു പ്രധാനകാര്യം വീഡിയോ അപ്ലോഡ് ചെയ്യുന്ന അവസരത്തിൽ മറ്റുള്ളവർക്ക് അത് ഡൌൺലോഡ് ചെയ്യാൻ സാധിക്കുന്ന ഓപ്ഷനിലാണ് നിങ്ങളുടെ പ്രൊഫൈൽ എങ്കിൽ ആ വീഡിയോ നിങ്ങൾ റിമൂവ് ചെയ്യുന്നതിന് മുൻപ് തന്നെ ആളുകൾ ഡൌൺലോഡ് ചെയ്തിരിക്കാം. അതിനാൽ ടിക്ടോകിൽ വീഡിയോ അപ്ലോഡ് ചെയ്യുമ്പോൾ തന്നെ പ്രൈവസി സെറ്റിങ്സ് അഡ്ജസ്റ്റ് ചെയ്യാൻ മറക്കരുത്.