Instagram: ഇൻസ്റ്റാഗ്രാമിലെ മെസേജുകളോടും ഇനി റീയാക്ഷൻ ഇമോജി വഴി പ്രതികരിക്കാം

ഫേസ്ബുക്കിന് സമാനമായി മെസേജുകൾക്ക് റിയാക്ഷൻ നൽകുന്ന സംവിധാനം ഇൻസ്റ്റാഗ്രാം ഡയറക്ട് മെസേജുകളിലേക്ക് വ്യാപിപ്പിക്കുമെന്ന് സൂചന നൽകുന്ന സ്ക്രീൻഷോട്ടുകൾ അടുത്തിടെ റിവേഴ്സ് എഞ്ചിനീയറിംഗ് മാസ്ട്രോ ആയ ജെയ്ൻ മഞ്ചുൻ വോംഗ് ഷെയർ ചെയ്തിരുന്നു. സ്ക്രീൻ ഷോട്ടുകളിലുള്ള റീയാക്ഷനുകളിൽ തംബ്‌സ് അപ്പ്, തംബ്‌സ് ഡൌൺ, സങ്കടം, ചിരി എന്നിവ ഉൾപ്പെടുന്നു. സ്ക്രീൻഷോട്ട് പുറത്ത് വന്നതിനെ തുടർന്ന് ഫേസ്ബുക്ക് ഇഎംഇഎ റീജിയൻ ടെക് കോംസ് മാനേജർ അലക്സാണ്ട്രു വോയിക്ക ഇത് ഒരു പരീക്ഷണമാണെന്ന് സ്ഥിരീകരിച്ചു. ട്വിറ്ററിൽ സമാനമായ ഒരു സവിശേഷത പുറത്തിറക്കി ദിവസങ്ങൾക്കുള്ളിൽ തന്നെ ഈ സ്ക്രീൻഷോട്ടുകൾ പുറത്ത് വന്നു എന്നത് ശ്രദ്ധേയമാണ്.

ഇൻസ്റ്റഗ്രാം മെസേജ് റിയാക്ഷൻ ടെസ്റ്റിങ്

ഇൻസ്റ്റാഗ്രാം ഡയറക്ട് മെസേജ് റീയാക്ഷനായി കുറച്ചുകാലമായി ഫേസ്ബുക്ക് പ്രവർത്തിക്കുന്നുണ്ട്. ഈ സവിശേഷത പരിശോധന ഘട്ടത്തിലാണെന്നും ഇപ്പോൾ കമ്പനിയിലെ ജീവനക്കാർക്ക് മാത്രമേ ലഭ്യമാകൂ എന്നും പറയപ്പെടുന്നു. ഇത് ഔദ്യോഗികമായി പുറത്തിറക്കിയാൽ ഉപയോക്താക്കൾക്ക് ലഭ്യമായ നിരവധി ഓപ്ഷനുകൾ ഉപയോഗിച്ച് അവർക്ക് ലഭിക്കുന്ന സന്ദേശങ്ങളോട് കൃത്യമായ പ്രതികരണം പ്രകടിപ്പിക്കാൻ കഴിയും.

മെസഞ്ചർ, വാട്ട്‌സ്ആപ്പ്, ഇൻസ്റ്റാഗ്രാം എന്നിവയുടെ ഉടമസ്ഥരായ ഫേസ്ബുക്ക് ഈ മെസേജിങ് അപ്ലിക്കേഷനുകളുടെയെല്ലാം ബാക്കെൻഡ് ലയിപ്പിക്കാനുള്ള നീക്കത്തിലാണ്. കൂടാതെ ഈ അപ്ലിക്കേഷനുകൾക്കിടയിൽ ഒരു സവിശേഷത തുല്യതയിലും പരസ്പര പ്രവർത്തനക്ഷമതയിലും ഇത് പ്രവർത്തിക്കുമെന്നാണ് കമ്പനി പ്രതീക്ഷിക്കുന്നത്.

പ്രതീക്ഷിക്കുന്ന സവിശേഷതകൾ

ഫേസ്ബുക്ക് മെസഞ്ചറിലുള്ള റിയാക്ഷന് പുറമെ, ടിക് ടോക്കിലെ പ്രൈമറി ഓപ്പറേഷൻ മോഡിന് സമാനമായ ഒരു പുതിയ റീൽസ് സവിശേഷതയും ഇൻസ്റ്റഗ്രാമിൽ കൊണ്ടുവരാൻ കമ്പനി ശ്രമിക്കുന്നുണ്ടെന്ന് റിപ്പോർട്ടുകൾ ഉണ്ടായിരുന്നു. ഇത് ഇപ്പോൾ ബ്രസീലിൽ മാത്രം ലഭ്യമാണ്. ബൂമറാങ്ങിനും പുതുതായി സമാരംഭിച്ച മറ്റ് ക്യാമറ മോഡുകൾക്കുമൊപ്പം ഇൻസ്റ്റാഗ്രാം ക്യാമറ അപ്ലിക്കേഷനിൽ ഈ സവിശേഷത ലഭ്യമാണ്. ഈ സവിശേഷത ഉപയോഗിച്ച് ഉപയോക്താക്കൾക്ക് സ്റ്റോറികളായി ഷോർട്ട് ലിപ്-സിങ്ക് വീഡിയോകൾ ഉണ്ടാക്കാനും ഹൈലൈറ്റിൽ സേവ് ചെയ്യാനും ബ്രോഡ്കാസ്റ്റ് ചെയ്യാനും സാധിക്കും.

ഡാറ്റ ചോർച്ച

കഴിഞ്ഞ ദിവസം ഇൻസ്റ്റഗ്രാം ഉപയോക്താക്കളുടെ ഡാറ്റ ചോർന്നുവെന്ന് ഒരു റിപ്പോർട്ട് ഉണ്ടായിരുന്നു. ഇൻസ്റ്റാഗ്രാം ഉപയോക്താക്കളെ അവരുടെ ഫോളോവർ ബേസ് വളർത്താൻ സഹായിക്കുന്ന സേവനമായ സോഷ്യൽ ക്യാപ്റ്റൻ വഴിയാണ് ഡാറ്റ ചോർന്നത്. ഈ സേവനം ഉപയോഗിക്കുന്ന ധാരാളം ഇൻസ്റ്റഗ്രാം ഉപയോക്താക്കളുണ്ട്. ഇൻസ്റ്റാഗ്രാം ലോഗിൻ ആക്‌സസിന്റെയും ക്രെഡൻഷ്യലുകളുടെയും ആവശ്യകതയെ മറികടന്ന് ഈ വെബ്‌സൈറ്റിലേക്ക് ആർക്കും എളുപ്പത്തിൽ ആക്‌സസ്സുചെയ്യാൻ സാധിക്കും. ഇതാണ് ഡാറ്റ ചോരാൻ കാരണമായത്.