വാട്ട്‌സ്ആപ്പ്, ഇൻസ്റ്റാഗ്രാം, ഫേസ്ബുക്ക് ഉപയോഗത്തിൽ 40 ശതമാനം വർധനവ്

ഡാറ്റ ആന്റ് കൺസൾട്ടിംഗ് കമ്പനിയായ കാന്തർ നടത്തിയ പഠനത്തിലാണ് ഈ വിവരങ്ങൾ പുറത്ത് വന്നിരിക്കുന്നത്. ജനപ്രിയ സോഷ്യൽ മീഡിയ ആപ്ലിക്കേഷനുകളായ ഫേസ്ബുക്ക്, ഇൻസ്റ്റാഗ്രാം എന്നിവയുടെ ഉപയോഗത്തിലും 40 ശതമാനത്തിലധികം വർദ്ധനവ് രേഖപ്പെടുത്തിയിട്ടുണ്ട്. ആളുകൾ വീട്ടിലിരിക്കുന്നത് കൊണ്ടാണ് അപ്ലിക്കേഷനുകളുടെ ഉപഭോഗം വർദ്ധിച്ചതെന്നും റിപ്പോർട്ട് അനുമാനിക്കുന്നു.

എല്ലാ മെസേജിംഗ് പ്ലാറ്റ്‌ഫോമുകളിലുമുള്ള 18-34 പ്രായപരിധിയിലുള്ള ഉപയോക്താക്കൾക്കിടയിലാണ് ഉപഭോഗം വൻതോതിൽ വർദ്ധിച്ചതെന്ന് റിപ്പോർട്ടിൽ പറയുന്നു. വാട്സ്ആപ്പ് ഉപയോഗത്തിൽ വൻ വർദ്ധനവാണ് നേടിയിരിക്കുന്നത്. സ്‌പെയിനിൽ വാട്സ്ആപ്പ് അപ്ലിക്കേഷന്റെ ഉപയോഗം 76 ശതമാനം വർദ്ധിച്ചു, ഇത് വളരെ വലിയ വർദ്ധനവാണ്. വെചാറ്റ്, വെയ്‌ബോ എന്നിവയുൾപ്പെടെയുള്ള ചൈന പോലുള്ള രാജ്യങ്ങളിലെ പ്രാദേശിക സോഷ്യൽ മീഡിയ ആപ്ലിക്കേഷനുകളുടെ ഉപയോഗം 58 ശതമാനം വർദ്ധിച്ചു.

കോവിഡ് പടർന്ന് പിടിച്ച ആദ്യഘട്ടത്തിൽ വാട്സ്ആപ്പ് ഉപഭോഗത്തിൽ 27 ശതമാനം വർധനവുണ്ടായതായി കാന്തർ കണക്കാക്കുന്നു. നിലവിലെ അവസ്ഥയിൽ 41 ശതമാനം വർദ്ധനവും പകർച്ചവ്യാധിയുടെ അവസാന ഘട്ടത്തിൽ 51 ശതമാനം വർധനവ് വരെ അപ്ലിക്കേഷന് ഉണ്ടാകുമെന്നും റിപ്പോർട്ട് സൂചിപ്പിക്കുന്നുണ്ട്. സോഷ്യൽ മീഡിയയിലൂടെ പ്രചരിക്കുന്ന വിവരങ്ങൾ ഉപയോക്താക്കളുടെ എണ്ണം 11 ശതമാനം മാത്രമാണെന്നും റിപ്പോർട്ട് വ്യക്തമാക്കുന്നു.

സോഷ്യൽ മീഡിയയിലൂടെ പ്രചരിക്കുന്ന വ്യജ വാർത്തകൾക്കെതിരെ കമ്പനികൾ നടപടികൾ എടുക്കുമ്പോഴും വ്യാജ വാർത്തകളെ പൂർണമായും ഒഴിവാക്കാൻ പല പ്ലാറ്റ്ഫോമുകൾക്കും സാധിക്കുന്നില്ല. ഇത്തരമൊരു അവസരത്തിലാണ് പരമ്പരാഗത മാധ്യമങ്ങളയ പത്രത്തെയും ചാനലുകളെയും ആളുകൾ ആശ്രയിക്കുന്നത്. 52 ശതമാനം ആളുകളും ഇവയെ വിശ്വസനീയമായ ഉറവിടമായി കാണുന്നു.

സർക്കാർ ഏജൻസികളുടെ വെബ്‌സൈറ്റുകൾ വിശ്വസനീയമെന്ന് കരുതുന്നത് 48 ശതമാനം ആളുകൾ മാത്രമാണ്. ഇത് സർക്കാർ നടപടികൾ ലോകമെമ്പാടുമുള്ള പൗരന്മാർക്ക് ഉറപ്പും സുരക്ഷയും നൽകുന്നില്ലെന്ന് സൂചിപ്പിക്കുന്നു. പകർച്ചവ്യാധിയുടെ ആദ്യഘട്ടങ്ങളിൽ വെബ് ബ്രൌസിംഗ് 70 ശതമാനം വർദ്ധിച്ചുവെന്നാണ് റിപ്പോർട്ട്. ടിവി കാണൽ 63 ശതമാനവും സോഷ്യൽ മീഡിയ ഇടപെടൽ സാധാരണ ഉപയോഗ നിരക്കിനേക്കാൾ 61 ശതമാനവും വർദ്ധിച്ചിട്ടുണ്ട്.