വാട്സ്ആപ്പിൽ എല്ലാ മെസേജുകളും ഡിസപ്പിയറാവുന്ന പ്രത്യേക മോഡ് വരുന്നു

എല്ലാ ചാറ്റുകളിലും ഒരേ സമയം ഡിസപ്പിയറിങ് മെസജസ് ഫീച്ചർ ഓൺ ചെയ്യാൻ പുതിയ ഫീച്ചർ സഹായിക്കുന്നു. നിലവിൽ ഓരോ ചാറ്റുകൾക്കും ഗ്രൂപ്പുകൾക്കും പ്രത്യേകം പ്രത്യേകം ഡിസപ്പിയറിങ് മെസേജസ് ഓൺ ചെയ്യേണ്ടതുണ്ട്. എല്ലാ ചാറ്റുകളിലും ഒരേസമയം ഡിസപ്പിയറിങ് മെസജസ് ഫീച്ചർ ഓൺ ചെയ്യാൻ നിലവിൽ സംവിധാനം ഇല്ല. വാബെറ്റാഇൻഫോയുടെ റിപ്പോർട്ട് അനുസരിച്ച് ആൻഡ്രോയിഡ് ആപ്പിനായുള്ള ഏറ്റവും പുതിയ വാട്സ്ആപ്പ് ബീറ്റാ അപ്‌ഡേറ്റിൽ ഡിസപ്പിയറിങ് മോഡ് ഫീച്ചർ പരീക്ഷിക്കുന്നുണ്ട്.

വാട്സ്ആപ്പിന്റെ പുതിയ ഫീച്ചറിന്റെ ചില സ്ക്രീൻഷോട്ടുകൾ പ്രസിദ്ധീകരിച്ചതിനുശേഷം മാർക്ക് സക്കർബർഗ്, വിൽ കാത്ത്കാർട്ട് എന്നിവർ ഇക്കാര്യം സ്ഥിരീകരിച്ചതായും റിപ്പോർട്ടിൽ പറയുന്നു. ചാറ്റുകൾക്കും ഗ്രൂപ്പുകൾക്കുമായുള്ള ഡിസപ്പിയറിങ് മോഡ് പുറത്തിറക്കാനുള്ള ശ്രമങ്ങളിലാണ് കമ്പനി എന്നും റിപ്പോർട്ട് വ്യക്തമാക്കുന്നുണ്ട്. ഡിസപ്പിയറിങ് മോഡ് ഒരു പുതിയ പ്രൈവസി സെറ്റിങ്സ് ആണ്. ഇത് ബീറ്റ ടെസ്റ്ററുകളിൽ മാത്രമേ നിലവിൽ ലഭ്യമാകുന്നുള്ളു. ഇതിലൂടെ പുതിയ ചാറ്റ് ത്രെഡുകൾ ഓട്ടോമാറ്റിക്കായി ഡിസപ്പിയറിങ് ചാറ്റുകളായി മാറും.

വാട്സ്ആപ്പിൽ നിങ്ങൾ ഡിസപ്പിയറിങ് മോഡ് എനേബിൾ ചെയ്താൽ നിലവിൽ ഉള്ള ചാറ്റുകളിലേക്ക് പുതുതായി അയക്കുന്ന മെസേജുകളും പുതുതായി നിങ്ങളുടെ ഫോണിലേക്ക് വരുന്ന മെസേജുകളുള്ള ചാറ്റുകളോ ഡിസപ്പിയറിങ് ആയിരിക്കും. നിശ്ചിത സമയം കഴിഞ്ഞാൽ അവ തനിയെ ഡിലീറ്റ് ആയിപോകുമെന്നും റിപ്പോർട്ടിൽ പറയുന്നു. ഈ ഫീച്ചർ എപ്പോഴായിരിക്കും എല്ലാ ഉപയോക്താക്കൾക്കുമായി ലഭ്യമാകുക എന്ന കാര്യം വ്യക്തമല്ല. ബീറ്റ ടെസ്റ്റിങിൽ ആയതിനാൽ തന്നെ അധികം വൈകാതെ ഫീച്ചർ പുറത്തിറങ്ങിയേക്കും.

വോയ്‌സ് മെസേജുകൾക്കായി വാട്സ്ആപ്പ് രണ്ട് പുതിയ സവിശേഷതകൾ കൂടി പുറത്തിറക്കുന്നു. വാട്സ്ആപ്പ് ആൻഡ്രോയിഡ്, ഐഒഎസ് ബീറ്റ ടെസ്റ്ററുകൾക്കായി ലഭ്യമാകുന്ന ഈ ഫീച്ചറുകളിൽ ആദ്യത്തേത് വോയ്‌സ് വേവ്ഫോംസ് എന്ന ഫീച്ചറാണ്. ഇതിലൂടെ ഒരു വോയ്‌സ് മെസേജ് റെക്കോർഡ് ചെയ്യുമ്പോൾ ഉപയോക്താക്കൾ തരംഗരൂപങ്ങൾ കാണും. ലൈവ് തരംഗ രൂപങ്ങൾക്കൊപ്പം വാട്സ്ആപ്പ് ഒരു പുതിയ സ്റ്റോപ്പ് ബട്ടണും ചേർക്കുന്നു. ഉപയോക്താക്കൾക്ക് അവരുടെ റെക്കോർഡിങ് പാതിവഴിയിൽ നിർത്തി സെന്റ് ബട്ടൺ അമർത്തുന്നതിന് മുമ്പ് അത് കേൾക്കാനാകും.

വാട്സ്ആപ്പ് ബീറ്റയിലെ പുതിയ രണ്ട് ഫീച്ചറുകളിൽ ആദ്യത്തേത് തത്സമയ ശബ്ദ തരംഗങ്ങൾ കാണിക്കുന്നതും രണ്ടാമത്തേത് വോയ്‌സ് മെസേജ് റെക്കോർഡ് ചെയ്യുന്നത് നിർത്തി കഴിഞ്ഞ് അയക്കുന്നതിന് മുമ്പ് കേൾക്കാനുള്ള ഫീച്ചറുമാണ് നൽകുന്നത്. വാട്സ്ആപ്പ് ബീറ്റയിൽ ചേർത്ത പുതിയ സ്റ്റോപ്പ് ബട്ടൺ ഉപയോക്താക്കൾക്ക് റെക്കോർഡിങ് സ്റ്റോപ്പ് ചെയ്തതിന് ശേഷം വീണ്ടും റെക്കോർഡ് ചെയ്യാൻ സഹായിക്കുന്നു. ഇതിനൊപ്പം ഡിലീറ്റ് ബട്ടണും ഉണ്ട്. ഈ ബട്ടൺ ഉപയോഗിച്ച് നിങ്ങൾക്ക് വേണ്ട എന്ന് തോന്നിയാൽ ആ വോയിസ് മെസേജ് ഡിലീറ്റ് ചെയ്യാൻ സാധിക്കും.