വാട്സ്ആപ്പ് വെബിലും ഡെസ്ക്ടോപ്പ് ആപ്പിലും ഡാർക്ക് മോഡ്

ഡെസ്ക്ടോപ്പ് അപ്ലിക്കേഷനിലെ ഡാർക്ക് മോഡ് ഇന്റർഫേസ് വെളിപ്പെടുത്തുന്ന രണ്ട് സ്ക്രീൻഷോട്ടുകളാണ് റിപ്പോർട്ടിനൊപ്പം പുറത്ത് വിട്ടിരിക്കുന്നത്. ഇത് തീർച്ചയായും ഇപ്പോഴും പൂർത്തിയാകാത്ത ഒരു സവിശേഷതയാണ്. പ്രാരംഭ ഘട്ടത്തിലുള്ള വാട്സ്ആപ്പ് ഡാർക്ക് മോഡ് വൈകാതെ എല്ലാവർക്കമായി ലഭ്യമാകുമെന്ന് ഉറപ്പാണ്. ഈ സവിശേഷത ഔദ്യോഗികമായി ഒരു പ്ലാറ്റ്ഫോമിൽ പോലും ലഭ്യമാക്കിയിട്ടില്ല.

വാട്സ്ആപ്പ് ഡാർക്ക് മോഡ് ഡെസ്‌ക്‌ടോപ്പ് ആപ്ലിക്കേഷനിൽ എത്തിക്കുമ്പോൾ വളരെയധികം മാറ്റങ്ങൾ വരുത്തേണ്ടതുണ്ടെന്ന് WABetaInfo റിപ്പോർട്ട് അവകാശപ്പെടുന്നു. ഡാർക്ക് മോഡ് ആക്ടിവേറ്റ് ചെയ്യുന്നതിനായി പ്രത്യേക ടോഗിൾ നൽകിയിട്ടില്ലെന്നതാണ് ഇപ്പോൾ വന്നിരിക്കുന്ന ബീറ്റ പതപ്പിലുള്ള പ്രധാന പോരായ്മ. ഇത് റിപ്പോർട്ടിനൊപ്പം ഷെയർ ചെയ്ത സ്ക്രീൻഷോട്ടിൽ വ്യക്തമാണ്.

വാട്സ്ആപ്പ് ഡെസ്ക്ടോപ്പ് ആപ്പിനും വെബ്ബിനുമായി തയ്യാറാക്കിയ പുതിയ സവിശേഷത ഔദ്യോഗികമായി പ്രഖ്യാപിച്ചിട്ടില്ല. എപ്പോൾ ഡാർക്ക് മോഡ് ഔദ്യോഗികമായി പുറത്തിറക്കുമെന്ന കാര്യത്തിലും ഇതുവരെ വിവരങ്ങലൊന്നും ലഭ്യമല്ല. വാട്ട്‌സ്ആപ്പിന്റെ ഡാർക്ക് മോഡ് 2018 മുതൽ ചർച്ചയിലുള്ള വിഷയമാണ്. എല്ലാവർക്കുമായി വാട്സ്ആപ്പ് വെബ്, ഡെസ്‌ക്‌ടോപ്പ് ആപ്ലിക്കേഷൻ എന്നിവയിൽ ഈ ഫീച്ചർ ലഭ്യമാകാൻ ഇനിയും സമയമെടുക്കും.

വാട്ട്‌സ്ആപ്പ് അപ്‌ഡേറ്റ്

ഡാർക്ക് മോഡ് ഉള്ള മൊബൈൽ ആപ്ലിക്കേഷൻവാട്ട്‌സ്ആപ്പ് രണ്ട് ഒഎസിനുമായി കമ്പനി പുറത്തിറക്കിയിട്ടുണ്ട്. ഐഫോണിനായുള്ള ഐഒഎസ് ബീറ്റ പതിപ്പ് 2.29.30.13 ഈ മാസം ആദ്യവും ആൻഡ്രോയിഡിനായുള്ള ബീറ്റ പതിപ്പ് 2.20.13 ജനുവരിയിലുമാണ് കമ്പനി പുറത്തിറക്കിയത്. ഡാർക്ക് മോഡ് സവിശേഷത ഇപ്പോഴും ബീറ്റ പതിപ്പിലാണെങ്കിലും, സ്ഥിരമായി എല്ലാവർക്കും ഇത് ലഭ്യമാകാൻ എത്ര സമയമെടുക്കും എന്ന് വ്യക്തമല്ല.

തീം സെലക്ഷൻ ഇന്റർഫേസിലെ ഓപ്ഷനെയാണ് വാട്സ്ആപ്പ് ഡാർക്ക് എന്ന് വിളിക്കുന്നത്. ടോഗിൾ ചെയ്‌തുകഴിഞ്ഞാൽ, ഇന്റർഫേസ് ഇരുണ്ട പച്ച നിറത്തിലുള്ള പ്രൊഫൈലിൽ കാണിക്കുന്നു. ഒരു താരതമ്യമെന്ന നിലയിൽ ഐഫോൺ ബീറ്റ അപ്ലിക്കേഷനായി ഡാർക്ക് മോഡിന്റെ കൂടുതൽ വ്യാപകമായ റോൾഔട്ട് വാട്ട്‌സ്ആപ്പ് പുറത്തിറക്കി.

വിവാദങ്ങളിൽ വാട്സ്ആപ്പ്

പുതിയ സവിശേഷതകൾ അവതരിപ്പിക്കുന്നതിനൊപ്പം വാട്സ്ആപ്പ് വാർത്തകളിൽ നിറയുന്നത് സുരക്ഷാ പ്രശ്നങ്ങൾ കൂടി കാരണമാണ്. ഗ്രൂപ്പ് ചാറ്റ് ഇൻവൈറ്റ് ലിങ്കുകളെക്കുറിച്ചുള്ള വിവരങ്ങൾ ഗൂഗിൾ സെർച്ചിലൂടെ ലഭിക്കുന്നു എന്ന റിപ്പോർട്ട് കഴിഞ്ഞ ദിവസം പുറത്ത് വന്നിരുന്നു. ഇതിന് മുമ്പ് ജെഫ് ബെസോസിന്റെ ഫോൺ ഹാക്ക് ചെയ്യപ്പെട്ടതിലും വാട്സ്ആപ്പിനെതിരെ വിമർശനം ഉണ്ടായിരുന്നു.