ഫോട്ടോഗ്രാഫിയിലെ തുടക്കകാർക്ക് സ്വന്തമാക്കാവുന്ന മികച്ച ക്യാമറകൾ

ധാരാളം ഓപ്ഷനുകളുള്ള പ്രൊഫഷണൽ ക്യാമറകൾക്ക് ലക്ഷങ്ങൾ വില വരും. ഇത്തരം ക്യാമറകൾ സ്വന്തമാക്കുന്നതിന് പകരം തുടക്കകാരായ ആളുകൾക്ക് കുറഞ്ഞ വിലയുള്ള ക്യാമറകൾ വാങ്ങാവുന്നതാണ്. പ്രൊഫഷണൽ ക്യാമറയിൽ ചിത്രമെടുക്കുന്നതിന് സമാനമായ സെറ്റിങ്സ് ഉള്ള ഈ ക്യാമറകൾ ഫോട്ടോഗ്രാഫി സ്കിൽസ് വളർത്താനും മികച്ച ക്വാളിറ്റിയുള്ള ചിത്രങ്ങൾ പകർത്താനും സഹായിക്കുന്നു. ഇന്ന് നമ്മൾ പരിചയപ്പെടുന്നത് മികച്ച ചില ക്യാമറകളാണ്.

കൂടുതൽ വായിക്കുക: സോണി FX6 ഫുൾ ഫ്രെയിം സിനിമാ ക്യാമറ പുറത്തിറങ്ങി; വിലയും സവിശേഷതകളും

കാനൺ EOS 250D

ഇതൊരു ഡിഎസ്എൽആർ ക്യാമറയാണ്. APS-C സെൻസറുള്ള ഈ ക്യാമറയിൽ 24.1 എംപി സെൻസറാണ് ഉള്ളക്. 3.0-ഇഞ്ച് സ്‌ക്രീൻ, പെന്റമിറർ വ്യൂ‌ഫൈൻഡർ‌, കാനൺ ഇഎഫ് ലെൻസ് മൌണ്ട്, 4കെ സപ്പോർട്ട് എന്നിവയോടെയാണ് ഈ ക്യാമറ വിപണിയിലെത്തിച്ചിരിക്കുന്നത്. തുടക്കകാർത്ത് തിരഞ്ഞെടുക്കാവുന്ന മികച്ച ക്യാമറ തന്നെയാണ് ഇത്. 4കെ മൂവി ക്യാപ്‌ചർ ഫീച്ചർ ചെയ്യുന്ന ആദ്യത്തെ എൻ‌ട്രി ലെവൽ ഡി‌എസ്‌എൽ‌ആർ കൂടിയാണ് ഇ‌ഒ‌എസ് 250ഡി. ഡ്യുവൽ പിക്‌സൽ സിഎംഒഎസ് ഓട്ടോഫോക്കസ് സിസ്റ്റംമുള്ള ഈ ക്യാമറ ബോഡിക്കൊപ്പം 18-55 എംഎം കിറ്റ് ലെൻസും ലഭിക്കും.

നിക്കോൺ ഡി3500

നിക്കോൺ ഡി35000 ഡിഎസ്എൽആർ ക്യാമറ 24.2 എംപി എപിസി-സി സെൻസറുമായിട്ടാണ് വരുന്നത്. 3.0 ഇഞ്ച് സ്ക്രീൻ, നിക്കോൺ എഫ് ലെൻസ് മൌണ്ട് എന്നീ ഫീച്ചറുകളുള്ള ഈ ക്യാമറയിൽ ഫുൾ ഓട്ടോമാറ്റിക്ക് മോഡും ഉണ്ട്. മികച്ച ഐ‌എസ്ഒ (സെൻ‌സിറ്റിവിറ്റി), വേഗതയേറിയ 5 എഫ്പി‌എസ് ബർസ്റ്റ് റേറ്റ്, ഉയർന്ന റെസല്യൂഷൻ എൽ‌സിഡി സ്ക്രീൻ എന്നിവ ഈ ക്യാമറയെ മികച്ചതാക്കുന്നു. തുടക്കകാർക്ക് പ്രഫഷണൽ ഡിഎസ്എൽആർ ഉപയോഗിക്കുന്ന അതേ രീതിയിൽ പ്രവർത്തിപ്പിക്കാവുന്ന ക്യാമറ കൂടിയാണ് ഇത്.

കൂടുതൽ വായിക്കുക: ഫ്യൂജിഫിലിം X-S10 മിറർലെസ്സ് ക്യാമറ ഇന്ത്യൻ വിപണിയിലെത്തി

പാനസോണിക് ലൂമിക്സ് ജി100

20.3 എംപി സി‌എസ്‌സി സെൻസറുള്ള ഈ ക്യാമറയിൽ 3-ഇഞ്ച് വേരിയ-ആംഗിൾ ടച്ച്‌സ്‌ക്രീനും ഉണ്ട്. ഇലക്ട്രോണിക് 3,690 കെ വ്യൂഫൈൻഡർ, മൈക്രോ ഫോർ തേർഡ്സ് ലെൻസ് മൌണ്ട്, 4 കെ സപ്പോർട്ട് എന്നിവയാണ് ഈ ക്യാമറയുടെ സവിശേഷതകൾ. സ്റ്റില്ലുകളും വീഡിയോകളും ഒരുപോലെ ക്യാപ്ച്ചർ ചെയ്യാവുന്ന ക്യാമറയാണ് ഇത്. വളരെ കുറഞ്ഞ ഭാരമാണ് ഈ ക്യാമറയുടെ മറ്റൊരു സവിശേഷത.

ഫ്യൂജിഫിലിം എക്സ്-ടി 200

ഈ സി‌എസ്‌സി ക്യാമറയിൽ എപിഎസ്-സി 24.2 എംപി സെൻസറാണ് ഉള്ളത്. 3.5-ഇഞ്ച് സ്ക്രീനും ഇലക്ട്രോണിക്ക് വ്യൂഫൈൻഡറും ഈ ക്യാമറയിൽ ഉണ്ട്. ഫ്യൂജിഫിലിം എക്സ് ലെൻസ് മൌണ്ടാണ് ക്യാമറയിലുള്ളത്. 4 കെ സപ്പോർട്ടും ഈ ക്യാമറയിൽ നൽകിയിട്ടുണ്ട്. എൻട്രി ലെവൽ ഉപയോക്താക്കളുടെ ഫോട്ടോഗ്രാഫി സ്കിൽ വളർത്താനും മികച്ച ചിത്രങ്ങൾ എടുക്കാനും സഹായിക്കുന്ന ക്യാമറയാണ് ഇത്.

കൂടുതൽ വായിക്കുക: സോണി a7C സൂപ്പർ കോംപാക്റ്റ് ക്യാമറ ഇന്ത്യൻ വിപണിയിലെത്തി; വിലയും സവിശേഷതകളും

സോണി എ6000

സോണി എ6000 ഒരു മിറർലസ് ക്യാമറയാണ്. 24.3 എംപി എപിഎസ്-സി സെൻസറുള്ള ഈ ക്യാമറയിൽ 3.0 ഇഞ്ച് സ്ക്രീനാണ് ഉള്ളത്. ഇലക്ട്രോണിക് വ്യൂഫൈൻഡർ, സോണി ഇ ലെൻസ് മൌണ്ട്, ഫുൾ എച്ച്ഡി സപ്പോർട്ട് എന്നിവയും ഈ ക്യാമറയിൽ ഉണ്ട്. വേഗതയേറിയ ഷൂട്ടിംഗ്, ഭാരം കുറഞ്ഞ ബോഡി, എപിഎസ്-സി സെൻസർ, മികച്ച ഓട്ടോഫോക്കസ് സിസ്റ്റം എന്നിവയെല്ലാമാണ് ഈ ക്യാമറയെ തുടക്കകാർക്ക് തിരഞ്ഞെടുക്കാവുന്ന മികച്ച ക്യാമറയാക്കി മാറ്റുന്നത്.