ബ്ലാക്ക് ആൻഡ് വൈറ്റ് സെൻസറുമായി ലൈക ക്യു2 മോണോക്രോം ക്യാമറ ഇന്ത്യയിലെത്തി

ലൈക ക്യു 2 ന് സമാനമായി അതിന്റെ മോണോക്രോം പതിപ്പിലും മികച്ച ലെൻസ് സിസ്റ്റം നൽകിയിട്ടുണ്ട്. കളർ സെൻസറുകൾക്ക് പകരം ഈ ഡിവൈസിൽ ബ്ലാക്ക് ആന്റ് വൈറ്റ് സെൻസറുകളാണ് കമ്പനി നൽകിയിട്ടുള്ളത്. പുതിയ ലൈക ക്യു 2 മോണോക്രോം ക്യാമറയുടെ ബ്ലാക്ക് ആൻഡ് വൈറ്റ് പ്രവർത്തനം ലൈക എം 10 മോണോക്രോം ക്യാമറയ്ക്ക് സമാനമാണ്. ക്യു 2 മോണോക്രോം ക്യാമറ വിപണിയിലെ ഒരു പ്രധാന പ്രൊർക്ടാണ്. ബ്ലാക്ക് ആന്റ് വൈറ്റ് ഫോട്ടോകൾ മാത്രം എടുക്കാൻ സാധിക്കുന്ന ക്യാമറയാണ് ഇത്.

ലൈക ക്യു2 മോണോക്രോം: സവിശേഷതകൾ

ലൈക ക്യു2 മോണോക്രോം ക്യാമറയിൽ 47.3 മെഗാപിക്സൽ സിഎംഒഎസ് മോണോക്രോം സെൻസറാണ് ഉള്ളത്. 3 ഇഞ്ച് ടിഎഫ്ടി ടച്ച് ഡിസ്പ്ലേ, ഒഎൽഇഡി വ്യൂഫൈൻഡർ, 75 മില്ലീമീറ്റർ വരെ ഡിജിറ്റൽ സൂം ഫംഗ്ഷൻ എന്നിവ ഈ ക്യാമറയിൽ നൽകിയിട്ടുണ്ട്. 100,000 വരെ ഐ‌എസ്ഒ സെൻസിറ്റിവിറ്റിയുള്ള ക്യാമറയാണ് ഇത്. വീഡിയോ റെക്കോർഡിങ് പരിശോധിച്ചാൽ, ക്യു 2 മോണോക്രോം ഫുൾ-ഫ്രെയിം ക്യാമറയിൽ 4കെ വീഡിയോകൾ 30, 24 എഫ്പിഎസിലും, ഫുൾ എച്ച്ഡി വീഡിയോകൾ 120, 60, 30, 24 എഫ്പിഎസിലും ഷൂട്ട് ചെയ്യാൻ കഴിയും.

ക്യു2 മോണോക്രോം ക്യാമറയുടെ ഫിക്സഡ് പ്രൈം ലെൻസ് 9 ഗ്രൂപ്പുകളിലായി 11 ഘടകങ്ങൾ ഉപയോഗിച്ച് 3 അസ്പെഹ്രിക്കൽ എലമെന്റ്സ് ഉള്ള 28 എംഎം എഫ് 1.7 ലെൻസാണ്. ലൈക അവകാശപ്പെടുന്നതുപോലെ, "എഫ് / 1.7 ന്റെ അപ്പർച്ചർ ഏറ്റവും ബുദ്ധിമുട്ടുള്ള ലൈറ്റിംഗ് സാഹചര്യങ്ങളിൽ പോലും മികച്ച ഗുണനിലവാരമുള്ള ചിത്രങ്ങൾ പകർത്തുന്നതിന് സഹായിക്കും. മികച്ച ഐഎസ്ഒയും ഇതിന് സഹായിക്കും.

ലൈക ഫോട്ടോസ് ആപ്പ് ഉപയോഗിച്ച് ക്യാമറയുടെ ഇന്റഗ്രേറ്റഡ് വൈഫൈ മൊഡ്യൂൾ ഉപയോക്താക്കൾക്ക് സോഷ്യൽ മീഡിയ വഴി ചിത്രങ്ങൾ ഷെയർ ചെയ്യാനോ സ്മാർട്ട്‌ഫോണിൽ നിന്ന് ക്യാമറ സെറ്റിങ്സ് മാറ്റാനോ ക്യാമറയുടെ ഷട്ടർ റിലീസ് നിയന്ത്രിക്കാനോ സഹായിക്കുന്നു. ഒരു സ്മാർട്ട്‌ഫോൺ ഉപയോഗിച്ച് ക്യാമറ ഇൻസ്റ്റന്റ് ആയി പെയർ ചെയ്യുന്നതിന് ബ്ലൂടൂത്ത് LE (ലോ എനർജി) ഫീച്ചറും ഈ ക്യാമറയിൽ നൽകിയിട്ടുണ്ട്.

ലൈക ക്യു2 മോണോക്രോം: വിലയും ലഭ്യതയും

ലൈക ക്യു2 മോണോക്രോം ക്യാമറയ്ക്ക് ഇന്ത്യയിൽ 4,11,017 രൂപയാണ് വില. ബ്ലാക്ക് ആൻഡ് വൈറ്റ് പതിപ്പിലുള്ള ക്യു 2 ക്യാമറ നവംബർ 20 മുതൽ വിൽപ്പനയ്ക്ക് എത്തും. കമ്പനിയുടെ ഓൺലൈൻ സ്റ്റോറിൽ നിന്നും റീട്ടെയിൽ സ്റ്റോറിൽ നിന്നും ഈ ക്യാമറ സ്വന്തമാക്കാൻ സാധിക്കും. മോണോക്രോം ഫോട്ടോഗ്രാഫിയും വീഡിയോഗ്രാഫിയും ഒരു പ്രധാന മേഖല തന്നെയാണ്. ഇതിനായി പ്രത്യേകം നിർമ്മിച്ച സെൻസറുകൾ മറ്റ് ക്യാമറകളിലെ മോണോക്രോം മോഡുകളെക്കാൾ മികച്ച റിസൾട്ട് നൽകും.