നിക്കോൺ Z FC മിറർലെസ്സ് ക്യാമറയുടെ വിൽപ്പന ജൂലൈ അവസാനം; വില, സവിശേഷതകൾ

| Published: Wednesday, June 30, 2021, 14:29 [IST]

പ്രമുഖ ക്യാമറ നിർമ്മാതാക്കളായ നിക്കോൺ പുറത്തിറക്കിയ ഏറ്റവും പുതിയ ക്യാമറയായ നിക്കോൺ Z FC ജൂലൈ അവസാനത്തോടെ ഇന്ത്യൻ വിപണയിൽ വിൽപ്പനയ്ക്ക് എത്തും. റെട്രോ ഡിവൈസൈനുള്ള ഡിഎക്‌സ് ഫോർമാറ്റ് മിറർലെസ് ക്യാമറയാണ് ഇത്. 1980ൽ പുറത്തിറങ്ങിയ നിക്കോൺ എഫ്എം 2 എസ്‌എൽ‌ആർ ക്യാമറയുടെ ഡിസൈനിൽ നിന്നും പ്രചോദനം ഉൾക്കൊണ്ടാണ് പുതിയ ക്യാമറ ഡിസൈൻ ചെയ്തിരിക്കുന്നത്. പഴയ ക്യാമറകളിൽ കാണുന്ന വിന്റേജ് നിക്കോൺ ലോഗോയും ഈ ക്യാമറയിൽ നിക്കോൺ നൽകിയിട്ടുണ്ട്.

നിക്കോൺ Z50 ക്യാമറകളെ പോലെ നിക്കോൺ Z FCയും Z-മൌണ്ട് സിസ്റ്റത്തെ അടിസ്ഥാനമാക്കിയാണ് പ്രവർത്തിക്കുന്നത്. ക്യാമയുടെ മുഖ്യ ആകർഷണം 20.9 മെഗാപിക്സൽ സെൻസറാണ്. ചിത്രങ്ങളും വീഡിയോകളും ക്യാപ്‌ചർ ചെയ്യുമ്പോൾ സെറ്റിങ്സ് മാനുവലായി നിയന്ത്രിക്കുന്നതിന് നിക്കോൺ Z FCയിൽ മൂന്ന് ഡയലുകൾ നൽകിയിട്ടുണ്ട്. വാഗ്ദാനം ചെയ്യുന്നു. വേരിയബിൾ ആംഗിൾ എൽസിഡി ടച്ച്‌സ്‌ക്രീൻ ഡിസ്‌പ്ലേയും ക്യാമറയിൽ ഉൾപ്പെടുത്തിയിട്ടുണ്ട്.

നിക്കോൺ Z FC: വില, ലഭ്യത

നിക്കോൺ Z FC ക്യാമറ ബോഡിക്ക് മാത്രം ഇന്ത്യയിൽ 84,995 രൂപയാണ് വില. നിക്കോർ Z DX -16 50 എംഎം എഫ് / 3.5-6.3 വിആർ ലെൻസോട് കൂടി ഈ ക്യാമറ വാങ്ങുമ്പേൾ ഇതിന് 97,995 രൂപ വില വരും. നിക്കോർ Z 28 എംഎം എഫ് / 2.8 (എസ്ഇ) ലെൻസോടെയും ഈ ക്യാമറ ലഭിക്കും. ഇതിന്റെ വില 1,05,995 രൂപയാണ്. ജൂലൈ അവസാന ആഴ്ച മുതൽ അംഗീകൃത നിക്കോൺ സ്റ്റോറുകളിൽ നിന്നും ഈ മിറർലെസ്സ് ക്യാമറ സ്വന്തമാക്കാൻ സാധിക്കും. ഈ ക്യാമറയ്ക്ക് മാറ്റ് സിൽവർ ബോഡിയും ടെക്സ്ചർഡ് ലെതർ മെറ്റീരിയലുമാണ് നൽകിയിട്ടുള്ളത്. ലെതർ ഭാഗം അംബർ ബ്രൌൺ, കോറൽ പിങ്ക്, മിന്റ് ഗ്രീൻ, നാച്ചുറൽ ഗ്രേ, സാൻഡ് ബീജ്, വൈറ്റ് എന്നീ ആറ് കളർ ഓപ്ഷനുകളിൽ ലഭ്യമാണ്.

ഡ്രോൺ വാങ്ങുന്നോ? നിങ്ങൾക്ക് തിരഞ്ഞെടുക്കാവുന്ന മികച്ച അഞ്ച് ഡിജെഐ ഡ്രോണുകൾ ഡ്രോൺ വാങ്ങുന്നോ? നിങ്ങൾക്ക് തിരഞ്ഞെടുക്കാവുന്ന മികച്ച അഞ്ച് ഡിജെഐ ഡ്രോണുകൾ

നിക്കോൺ Z FC: സവിശേഷതകൾ

മിറർലെസ്സ് നിക്കോൺ Z FC ക്യാമറയിൽ 20.9 മെഗാപിക്സൽ പ്രൈമറി എപിഎസ്-സി (ഡിഎക്സ്) ക്രോപ്പ്ഡ് സെൻസറാണ് ഉള്ളത്. എക്സ്പീഡ് 6 ഇമേജ് പ്രോസസറുള്ള ഇതിന് 100-51,200 സ്റ്റാൻഡേർഡ് ഐ‌എസ്ഒ സീരിസ് ഉണ്ട്. ഷൂട്ട് ചെയ്യാൻ ബുദ്ധിമുട്ടുള്ള ആംഗിളുകളിൽ നിന്നും ഷൂട്ടിംഗ് എളുപ്പമാക്കുന്നതിന് വേരിയബിൾ ആംഗിൾ ടിഎഫ്ടി എൽസിഡി ടച്ച്സ്ക്രീൻ ഡിസ്പ്ലേയും ക്യാമറയിൽ നൽകിയിട്ടുണ്ട്. ഷട്ടർ സ്പീഡ്, എക്‌സ്‌പോഷർ കോമ്പോസിഷൻ, ഐ‌എസ്ഒ എന്നിവ നിയന്ത്രിക്കുന്നതിന് മൂന്ന് ഡയലുകളും നൽകിയിട്ടുണ്ട്. ഈ ഡയലുകൾക്കൊപ്പം അപ്പർച്ചർ കാണിക്കുന്ന ഒരു ചെറിയ വിൻഡോയും നൽകിയിട്ടുണ്ട്.

യുഎസ്ബി പവർ ഡെലിവറിയും യുഎസ്ബി ചാർജിംഗും നിക്കോൺ Z FC ക്യാമറ സപ്പോർട്ട് ചെയ്യുന്നു. ഈ ക്യാമറ ഓട്ടോ മോഡിലും എക്സ്പോഷർ കോമ്പോസിഷൻ സെറ്റ് ചെയ്യാൻ സഹായിക്കുന്നു. 20 ക്രിയേറ്റീവ് പിക്ചർ കൺട്രോൾ ഇഫക്റ്റുകളും ക്യാമറയിൽ ഉണ്ട്. ക്യാമറയിൽ ഐ-ഡിറ്റക്ഷൻ ഓട്ടോഫോക്കസ് (എഎഫ്), അനിമൽ ഡിറ്റക്ഷൻ എഎഫ് എന്നിവയും ഉണ്ട്. ഇതിനൊപ്പം വൈഡ്-ഏരിയ AF (L) AF- ഏരിയയെ എന്നിവയും ഉണ്ട്. ക്യാമറയിൽ ഫോണുകളിലേക്ക് മീഡിയ ഷെയർ ചെയ്യാൻ സ്നാപ്പ്ബ്രിഡ്ജ് v2.8 ആപ്പ് സപ്പോർട്ടും നൽകിയിട്ടുണ്ട്.

വ്ളോഗുകൾ ചെയ്ത് പണം സമ്പാദിക്കാൻ താല്പര്യം ഉണ്ടോ?, നിങ്ങൾ അറിഞ്ഞിരിക്കേണ്ട മികച്ച ക്യാമറകൾ വ്ളോഗുകൾ ചെയ്ത് പണം സമ്പാദിക്കാൻ താല്പര്യം ഉണ്ടോ?, നിങ്ങൾ അറിഞ്ഞിരിക്കേണ്ട മികച്ച ക്യാമറകൾ