അഞ്ചര ലക്ഷം രൂപ വിലയുള്ള സോണി ആൽഫ 1 മിറർലെസ്സ് ക്യാമറ ഇന്ത്യൻ വിപണിയിലെത്തി

ആൽഫ 1 അതിന്റെ സവിശേഷതകൾ കൊണ്ട് ഇതിനകം ഫോട്ടോഗ്രാഫർമാരുടെ ശ്രദ്ധ നേടിക്കഴിഞ്ഞ ക്യാമറയാണ്. 50.1 മെഗാപിക്സൽ സെൻസർ, 5-ആക്സിസ് ഐബി‌എസ്, 15-സ്റ്റോപ്പ് ഡൈനാമിക് റേഞ്ച്, ഫാസ്റ്റ് എ‌എഫ് സിസ്റ്റം, സൈലന്റ് ഷട്ടർ എന്നീ സവിശേഷതകളുമായാണ് ഈ ക്യാമറ വിപണിയിലെത്തിയിരിക്കുന്നത്. സിനിമാറ്റിക് അനുഭവങ്ങൾക്കായി എസ്-സിനെറ്റോൺ കളർ പ്രൊഫൈലും ക്രിയേറ്റീവ് ലുക്കും ക്യാമറയിൽ ഉൾപ്പെടുത്തിയിട്ടുണ്ട്. 30 കെ‌പി‌എസ് വരെ 8കെ വീഡിയോകൾ ഷൂട്ട് ചെയ്യാൻ ക്യാമറയ്ക്ക് സാധിക്കും.

സോണി ആൽഫ 1: വിലയും ലഭ്യതയും

സോണി ആൽഫ 1 മിറർലെസ് ക്യാമറയ്ക്ക് ഇന്ത്യയിൽ 5,59,990 രൂപയാണ് വില. 2021 മാർച്ച് 12 മുതൽ ഈ ക്യാമറ ഉപയോക്താക്കൾക്കായി ലഭ്യമാകും. സോണി സെന്ററുകൾ, ആൽഫ ഫ്ലാഗ്ഷിപ്പ് സ്റ്റോറുകൾ, കമ്പനിയുടെ ഔദ്യോഗിക വെബ്സൈറ്റ് എന്നിവ വഴി സോണി ആൽഫ 1 ക്യാമറ ലഭ്യമാകും. ക്യാമറയ്ക്ക് ലോഞ്ച് ഓഫറായി ഡിസ്കൌണ്ടുകൾ ലഭിക്കും.

സോണി ആൽഫ 1: സവിശേഷതകൾ

സോണി ആൽഫ 1 മിറർലെസ് ക്യാമറയിൽ 50.1 മെഗാപിക്സൽ ബാക്ക്-ല്യൂമിനേറ്റഡ് എക്സ്മോർ ആർ‌എസ് സി‌എം‌എസ് സെൻസറാണ് നൽകിയിട്ടുള്ളത്. ക്യാമറയിലുള്ളത് ഒരു ബയോൺസ് എക്സ്ആർ പ്രോസസറാണ്. ഈ ക്യാമറയ്ക്ക് 50 എംപി ചിത്രങ്ങൾ 30 എഫ്പി‌എസ് വരെ ബ്ലാക്ക് ഔട്ട് ഇല്ലാതെ പകർത്താനാകും. സോണി ആൽഫ 1ൽ ഇലക്ട്രോണിക് വ്യൂഫൈൻഡറാണ് ഉള്ളത്. ഇത് 9.44 ദശലക്ഷം ഡോട്ട്സുള്ളതാണ്. 240 എഫ്പി‌എസ് വരെ റിഫ്രഷ് റേറ്റുള്ള ഒ‌എൽ‌ഇഡി സ്ക്രീനും ഈ ഡിസ്പ്ലെയിൽ ഉണ്ട്.

759 പോയിന്റ് ഫേസുള്ള 92 ശതമാനം കവറേജോടുകൂടിയ ഓട്ടോഫോക്കസ് സിസ്റ്റമാണ് സോണി ആൽഫ 1ൽ ഉള്ളത്. ഈ ഓട്ടോ ഫോക്കസ് സിസ്റ്റം മനുഷ്യരുടെയും പക്ഷികളുടെയും മൃഗങ്ങളുടെയും ലൈവ് ഐ ഡിറ്റക്ട് ചെയ്യുന്നു. വീഡിയോ റെക്കോർഡിങിനായി സോണി ആൽഫ 1ൽ 30 കെ‌പി‌എസ് വരെ 8കെ വീഡിയോകളും 120 എഫ്പി‌എസ് വരെ 4കെ വീഡിയോകളും ഷൂട്ട് ചെയ്യാൻ സാധിക്കും. സിനിമകൾക്കായി കൂടുതൽ മൂവി ഫംഗ്ഷനുകൾ ക്യാമറയിൽ ഉൾപ്പെടുത്തിയിട്ടുണ്ട്.

സോണി ആൽഫ 1ൽ എസ്-സിനെറ്റോൺ കളർ പ്രൊഫൈലും സിനിമാറ്റിക് എക്‌സ്‌പ്രഷനുകൾക്കായി ക്രിയേറ്റീവ് ലുക്കും ഉണ്ട്. സ്റ്റില്ലുകൾക്കും വീഡിയോകൾക്കുമായി ക്രിയേറ്റീവ് ലുക്ക് എനേബിൾ ചെയ്യാം. ഡ്യൂവൽ സിഫെക്സ്പ്രസ്സ് ടൈപ്പ് എ / യുഎച്ച്എസ് -2 എസ്ഡി കാർഡ് സ്ലോട്ടുകളാണ് ഈ ക്യാമറയിൽ ഉള്ളത്. 15-സ്റ്റോപ്പ് ഡൈനാമിക് റേഞ്ച്, 5-ആക്സിസ് ഒപ്റ്റിക്കൽ ഇൻ-ബോഡി ഇമേജ് സ്റ്റെബിലൈസേഷൻ, ടച്ച് ഓപ്പറേഷനോടുകൂടിയ ഇന്റ്യൂറ്റീവ് യുഐ സിസ്റ്റം, ഡസ്റ്റ്, മോയിസ്റ്ററൈസർ റസിസ്റൻസ് എന്നിവയും ക്യാമറയിൽ ഉണ്ട്.