സോണി ആൽഫ 7 IV മിറർലെസ് ക്യാമറ ഇന്ത്യൻ വിപണിയിലെത്തി, വില 242,490 രൂപ

| Published: Thursday, February 10, 2022, 14:32 [IST]

സോണി അതിന്റെ ഏറ്റവും പുതിയ മുൻനിര മിറർലെസ് ക്യാമറയായ ആൽഫ 7 IV ഇന്ത്യൻ വിപണിയിൽ അവതരിപ്പിച്ചു. പുതിയ ബയോൺസ് എക്സ്ആർ പ്രോസസറിന്റെ കരുത്തുള്ള സോണിയുടെ ഫുൾ ഫ്രെയിം ക്യാമറയാണിത്. 33 എംപി റെസല്യൂഷനോടുകൂടിയ പുതിയ എക്സിമോർ ആർ സിഎംഒഎസ് സെൻസറാണ് ഈ ക്യാമറയിൽ ഉള്ളത്. ഈ പ്രൊഫഷണൽ ഫുൾ ഫ്രെയിം ക്യാമറയുടെ വിൽപ്പനയും ആരംഭിച്ചിട്ടുണ്ട്. ഈ ക്യാമറയുടെ വിലയും സവിശേഷതകളും നോക്കാം.

സോണി ആൽഫ 7 IV

സോണി ആൽഫ 7 IV ക്യാമറയ്ക്കും ലെൻസുകൾക്കും ഒപ്പം ജിഎൻ60 വയർലെസ് റേഡിയോ കൺട്രോൾ എക്സ്റ്റേണൽ ഫ്ലാഷും സോണി പുറത്തിറക്കിയിട്ടുണ്ട്. എച്ച്വിഎൽ-എഫ്60ആർഎം2 ഫ്ലാഷാണ് ഇത്. 1/400 സെക്കന്റ് വരെ ഷട്ടർ വേഗതയുള്ള തുടർച്ചയായ ക്ലിക്കിൽ പോലും കൃത്യമായ ഫ്ലാഷ് നൽകുന്ന സംവിധാനത്തോടെയാണ് ഈ ഫ്ലാഷ് വരുന്നത്. ഇത് പ്രൊഫഷണൽ ഫോട്ടോഗ്രാഫർമാരെ സംബന്ധിച്ച് ഏറ്റവും പ്രിയപ്പെട്ട ഫ്ലാഷ് ആകുമെന്ന കാര്യം ഉറപ്പാണ്.

സാംസങ് ഗാലക്സി എസ്22 അൾട്രാ Vs ഐഫോൺ 13 പ്രോ മാക്സ്: ഈ പ്രീമിയം ഫോണുകളിൽ മികച്ചത് ഏത് സാംസങ് ഗാലക്സി എസ്22 അൾട്രാ Vs ഐഫോൺ 13 പ്രോ മാക്സ്: ഈ പ്രീമിയം ഫോണുകളിൽ മികച്ചത് ഏത്

സോണി ആൽഫ 7 IV ക്യാമറയിൽ 10-ബിറ്റ് ഡെപ്‌ത് ഉള്ള 4കെ വീഡിയോ റെക്കോർഡിങ് സപ്പോർട്ട് ഉണ്ട്. 4:2:2 കളർ സാംപ്ലിംഗ് ഡെപ്‌തും ഈ ക്യാമറ നൽകുന്നുണ്ട്. 7596 ഫേസ്-ഡിറ്റക്ഷൻ എഎഫ് പോയിന്റുകളുള്ള ഈ ക്യാമറയിൽ മെച്ചപ്പെട്ട രീതിയിൽ ഫേസ്, ലൈവ് ഐ ട്രാക്കിങ് എന്നിവയുള്ള ഓട്ടോഫോക്കസ് സംവിധാനമാണ് നൽകിയിരിക്കുന്നത്. കൂടുതൽ മികച്ച ഫോക്കസിങ് നൽകാൻ ഈ ക്യാമറയ്ക്ക് സാധിക്കും. വേഗത്തിലും മികച്ച രീതിയിലുമുള്ള ഫോക്കസിങ് ഈ ക്യാമറ ഉറപ്പ് നൽകുന്നു.

ദീർഘ സമയം ക്യാമറ ഉപയോഗിക്കുന്ന പ്രൊഫഷണൽ ഉപയോക്താക്കളെ സഹായിക്കുന്നതിന് സോണി ആൽഫ 7 IV മെച്ചപ്പെട്ട ഹീറ്റ് ഡിസ്‌സിപ്പേറ്റിംഗ് മെക്കാനിസവും നൽകിയിട്ടുണ്ട്. ഇത് മണിക്കൂറുകളോളം തുടർച്ചയായി വീഡിയോ റെക്കോർഡിങ് ചെയ്താലും ക്യാമറ ചൂടാകാതെ നോക്കുന്നു. കൂടുതൽ നേരം ക്യാമറ ഉപയോഗിക്കുമ്പോൾ ചൂടായി റെക്കോഡിങ് അടക്കമുള്ളവ പ്രവർത്തിക്കാത്ത സാഹചര്യം ഈ ക്യാമറ ഉപയോഗിക്കുന്നവർക്ക് അഭിമുഖികരിക്കേണ്ടി വരില്ല. ഫോട്ടോഗ്രാഫിക്കും വീഡിയോഗ്രാഫിക്കും ഒരുപോലെ ഉപയോഗിക്കാവുന്ന രീതിയിലാണ് സോണി ആൽഫ 7 IV വിപണിയിൽ എത്തിച്ചിരിക്കുന്നത്.

30,000 രൂപയിൽ താഴെ വിലയിൽ വാങ്ങാവുന്ന മികച്ച ലാപ്ടോപ്പുകൾ 30,000 രൂപയിൽ താഴെ വിലയിൽ വാങ്ങാവുന്ന മികച്ച ലാപ്ടോപ്പുകൾ

സോണി ആൽഫ 7 IV ക്യാമറ ബോഡി, ആക്‌സസറികൾ എന്നിവയ്‌ക്കൊപ്പം ഇന്ന് മുതൽ തന്നെ വിൽപ്പനയ്ക്ക് എത്തിയിട്ടുണ്ട്. സോണി ഇന്ത്യയുടെ ഔദ്യോഗിക വെബ്‌സൈറ്റ്, ഫ്ലിപ്കാർട്ട്, ആമസോൺ, മറ്റ് പ്രമുഖ ഇലക്ട്രോണിക് റീട്ടെയിൽ സ്റ്റോറുകൾ എന്നിവ വഴിയാണ് ഈ ക്യാമറ ലഭ്യാകുക. ആൽഫ 7 IV (ബോഡി മാത്രം) ക്യാമറയുടെ ഇന്ത്യയിലെ വില 242,490 രൂപയാണ്. 28-70 എംഎം ലെൻസോട് കൂടി ആൽഫ 7 IV വാങ്ങാനായി 262,490 രൂപയാണ് ചിലവ് വരുന്നത്. എച്ച്വിഎൽ-എഫ്60ആർഎം2 ഫ്ലാഷ് യൂണിറ്റിന് 46,000 രൂപയാണ് വില. ഫോട്ടോഗ്രാഫിക്കും വീഡിയോഗ്രാഫിക്കും മികച്ച പ്രകടനം നൽകുന്ന ഒരു ഫുൾ ഫ്രെയിം ക്യാമറയാണ് നിങ്ങൾ തിരയുന്നതെങ്കിൽ, ഇന്ത്യയിൽ ലഭ്യമായ ഏറ്റവും മികച്ച ക്യാമറകളിൽ ഒന്നാണ് സോണി ആൽഫ 7 IV.