കിടിലൻ ഫീച്ചറുകളുമായി ഏസർ നൈട്രോ 5 ലാപ്ടോപ്പ് ഇന്ത്യൻ വിപണിയിൽ അവതരിപ്പിച്ചു

ഏസർ നൈട്രോ 5: വില

ഏസർ നൈട്രോ 5 ലാപ്ടോപ്പിന്റെ വില 69,999 രൂപയാണ്. ആമസോൺ, ഏസർ ഓൺലൈൻ സ്റ്റോറുകളിൽ നിന്നും ഈ ഗെയിമിങ് ലാപ്ടോപ്പ് വാങ്ങാൻ സാധിക്കും. ഇത് ഇന്റൽ കോർ ഐ5 + 8 ജിബി റാം + 512 ജിബി എസ്എസ്ഡി കോൺഫിഗറേഷൻ ലഭിക്കും. ലാപ്ടോപ്പിന് കറുത്ത കളർ ഫിനിഷാണ് ഉളളത്. മികച്ച സവിശേഷതകൾ ഉള്ള ലാപ്ടോപ്പ് ആയതിനാൽ തന്നെ ഈ വില അധികമാണെന്ന് പറയാനാവില്ല.

ഏസർ നൈട്രോ 5: സവിശേഷതകൾ

വിൻഡോസ് 10 ഹോമിൽ പ്രവർത്തിക്കുന്ന ഏസർ നൈട്രോ 5 ലാപ്ടോപ്പിൽ 15.6 ഇഞ്ച് ഫുൾ എച്ച്ഡി (1,920x1,080 പിക്‌സൽ) ഐപിഎസ് ഡിസ്‌പ്ലേയാണ് ഉള്ളത്. 144 ഹെർട്സ് റിഫ്രഷ് റേറ്റും 300 നിറ്റ്സ് പീക്ക് ബ്രൈറ്റ്നസും ഈ ഡിസ്പ്ലെയിൽ നൽകിയിട്ടുണ്ട്. ഗെയിമിങിന് വേണ്ടി ഇന്റൽ 11th ജനറേഷൻ ടൈഗർ ലേക്ക് കോർ i5-11300 എച്ച് സിപിയു, 4 ജിബി ജിഡിഡിആർ 6 റാമുള്ള എൻവിഡിയ ജിഫോഴ്‌സ് ജിടിഎക്‌സ് 1650 ജിപിയു എന്നിവയാണ് ഈ ലാപ്ടോപ്പിൽ നൽകിയിട്ടുള്ളത്. 8 ജിബി ഡിഡിആർ 4 റാമും 512 ജിബി എസ്എസ്ഡി സ്റ്റോറേജും 2 ടിബി എച്ച്ഡിഡി വരെ അപ്ഗ്രേഡ് ചെയ്യാൻ സാധിക്കുന്ന സ്റ്റോറേജും ഈ ലാപ്ടോപ്പിൽ ഉണ്ട്.

കണക്റ്റിവിറ്റി ഓപ്ഷനുകളായി കില്ലർ വൈ-ഫൈ 6 ആക്സ്, ബ്ലൂടൂത്ത് വി 5.1, ഒരു എച്ച്ഡിഎംഐ പോർട്ട്, രണ്ട് യുഎസ്ബി 3.2 ജെൻ 1 പോർട്ടുകൾ, യുഎസ്ബി 3.2 ജെൻ 2 ടൈപ്പ്-സി പോർട്ട്, യുഎസ്ബി 3.2 ജെൻ 1 പോർട്ട്, RJ45 പോർട്ട്. ഡി‌ടി‌എസ്: എക്സ് അൾട്ര സപ്പോർട്ട് ചെയ്യുന്ന ലാപ്ടോപ്പിൽ സ്റ്റീരിയോ സ്പീക്കറുകളുണ്ട്, വെബ്‌ക്യാമിലൂടെ 1,280x720 പിക്‌സൽ റെസല്യൂഷനിൽ റെക്കോർഡ് ചെയ്യാൻ സാധിക്കും. നൈട്രോ 5ൽ 57.5Whr ബാറ്ററിയാണ് ഏസർ പായ്ക്ക് ചെയ്തിരിക്കുന്നത്. ഇതിൽ 8.5 മണിക്കൂർ വരെ ബാക്ക് അപ്പ് ലഭിക്കുമെന്ന് കമ്പനി അവകാാശപ്പെടുന്നു.

ഫോർ സോൺ ലൈറ്റിങുള്ള ആർ‌ജിബി ബാക്ക്‌ലിറ്റ് കീബോർഡാണ് ഈ ഗെയിമിങ് ലാപ്‌ടോപ്പിൽ ഏസർ നൽകിയിട്ടുള്ളത്. വിൻഡോസ് ജെസ്റ്ററുകളെ സപ്പോർട്ട് ചെയ്യുന്ന മൾട്ടി-ടച്ച് ട്രാക്ക്പാഡ് ഏസർ നൈട്രോ 5ൽ ഉണ്ട്. കൂളിങിനായി ഇതിൽ രണ്ട് ഫാനുകളാണ് ഉള്ളത്. ഇത് പുറകിലും വശങ്ങളിലും ചൂടുള്ള വായു പുറന്തള്ളുന്നു. ഏസർ നൈട്രോ 5ന് 2.2 കിലോഗ്രാം ഭാരമാണ് ഉള്ളത്.