ടച്ച് ഡിസ്‌പ്ലേയുമായി ഏസർ സ്പിൻ 7 കൺവേർട്ടിബിൾ 5 ജി അപ്‌ഗ്രേഡഡ് ലാപ്‌ടോപ്പ് അവതരിപ്പിച്ചു

ഏസർ സ്പിൻ 7 ഇന്ത്യയിലെ വിലയും, ലഭ്യതയും

1,34,999 രൂപ വില വരുന്ന ഏസർ സ്പിൻ 7 ലാപ്ടോപ്പ് ഏസർ എക്സ്ക്ലൂസീവ് സ്റ്റോറുകൾ, ഏസർ ഓൺലൈൻ സ്റ്റോർ, മറ്റ് പാർട്ണർ സ്റ്റോറുകൾ എന്നിവ വഴി നിങ്ങൾക്ക് വാങ്ങാവുന്നതാണ്. ഒരൊറ്റ സ്റ്റീം ബ്ലൂ നിറത്തിൽ മാത്രമാണ് വിപണിയിൽ നിന്നും ഈ ലാപ്ടോപ്പ് ലഭിക്കുന്നത്.

ഏസർ സ്പിൻ 7 ലാപ്ടോപ്പിൻറെ സവിശേഷതകൾ നമുക്ക് പരിശോധിക്കാം

വിൻഡോസ് 10 പ്രോ ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഏസർ സ്പിൻ 7 ലാപ്‌ടോപ്പിന് 14 ഇഞ്ച് ഫുൾ എച്ച്ഡി (1,920x1,080 പിക്‌സൽ) ഐപിഎസ് ടച്ച് ഡിസ്‌പ്ലേയുമായാണ് വരുന്നത്. ഇത് 250 നിറ്റ്സ് പീക്ക് ബുറൈറ്നെസ്സും നൽകുന്നു. ക്വാൽകോം സ്‌നാപ്ഡ്രാഗൺ 8 സിഎക്‌സ് ജെൻ 2 5 ജി കമ്പ്യൂട്ട് പ്ലാറ്റ്‌ഫോമാണ് കൺവേർട്ടിബിൾ ലാപ്‌ടോപ്പിന് കരുത്ത് പകരുന്നത്. ക്വാൽകോം അഡ്രിനോ 685 ജിപിയു ആണ് ഗ്രാഫിക്സ് കൈകാര്യം ചെയ്യുന്നത്. 8 ജിബി എൽ‌പി‌ഡി‌ഡി‌ആർ 4 എസ്‌ഡി‌ആർ‌എമ്മും 512 ജിബി യു‌എഫ്‌എസ് ഹൈ-പെർഫോമൻസ് സ്റ്റോറേജും ഏസർ സ്പിൻ 7 നൽകുന്നു.

സ്റ്റീരിയോ സ്പീക്കറുകളും 720 പിക്‌സൽ റെസല്യൂഷനുള്ള എച്ച്ഡി വെബ്‌ക്യാമും ഇതിലുണ്ട്. ഡീസൽ സ്പിൻ 7 ലും ഫിംഗർപ്രിന്റ് റീഡർ ഉണ്ട്. എംഎം വേവ്, സബ്-6 ജിഗാഹെർട്സ് ഫ്രീക്യുൻസി, 4 ജി, വൈ-ഫൈ 6, ബ്ലൂടൂത്ത് 5.0, ഡിസി-ഇൻ, പവർ-ഓഫ് ചാർജിംഗ് എന്നിവയുള്ള യുഎസ്ബി ടൈപ്പ്-സി പോർട്ടിന് പിന്തുണയോടെ നിങ്ങൾക്ക് 5 ജി ലഭിക്കും. 56Whr ബാറ്ററി നിങ്ങൾക്ക് 29 മണിക്കൂർ വരെ ബാറ്ററി ലൈഫ് നൽകുന്നു. ഏസർ സ്പിൻ 7 ലെ ടച്ച്പാഡ് മൾട്ടി-ടച്ച് സവിശേഷതകളെ സപ്പോർട്ട് ചെയ്യുന്നു, പ്രത്യേക നമ്പർ പാഡ് ഇതിൽ വരുന്നില്ല. 15.9 മില്ലിമീറ്റർ കട്ടിയുള്ള ലാപ്‌ടോപ്പിന് 1.4 കിലോഗ്രാം ഭാരമുണ്ട്. എന്തുകൊണ്ടും നിങ്ങൾക്ക് വാങ്ങുവാൻ പറ്റിയ ഒരു മികച്ച ലാപ്‌ടോപ്പാണ് ഏസർ സ്പിൻ 7 എന്ന് തന്നെ പറയാം.