പായ്ക്ക് റൈസൺ 7, ജിഫോഴ്സ് ആർ‌ടി‌എക്സ് 3070 എന്നിവ ഉൾപ്പെടുന്ന അസ്യൂസ് സ്കൈ സെലക്ഷൻ 2 അവതരിപ്പിച്ചു

ഏറ്റവും പുതിയ എഎംഡി റൈസൺ 5000 സീരീസ് സിപിയു വരുന്ന അസ്യൂസ് സ്കൈ സെലക്ഷൻ 2 ഗെയിമിംഗ് ലാപ്‌ടോപ്പ് ചൈനയിൽ അവതരിപ്പിച്ചു. എൻ‌വിഡിയ ജിഫോഴ്‌സ് ആർ‌ടി‌എക്സ് 30 സീരീസ് ജിപിയുവും ആകർഷകമായ രൂപകൽപ്പനയുമായാണ് ഇത് വരുന്നത്. ഗെയിമിംഗ് ലാപ്‌ടോപ്പ് രണ്ട് വർണ്ണ ഓപ്ഷനുകളിലും ഒരൊറ്റ കോൺഫിഗറേഷനിലുമായി വിപണിയിൽ വരുന്നു. സ്റ്റാൻഡേർഡ് 16: 9 ആസ്പെക്റ്റ് റേഷിയോയിൽ വരുന്ന വ 15.6 ഇഞ്ച് ഡിസ്‌പ്ലേയും ഒരു വലിയ ബാറ്ററിയും ഇതിൽ വരുന്നു. വശങ്ങളിലും പുറകിലും താഴെയുമായി ഉയർന്ന റിഫ്രഷ് റേറ്റും വെന്റിലേഷനും അസ്യൂസ് സ്കൈ സെലക്ഷൻ 2 ലാപ്ടോപ്പിൻറെ സവിശേഷതയാണ്.

അസ്യൂസ് സ്കൈ സെലക്ഷൻ 2: വിലയും, ലഭ്യതയും

എഎംഡി റൈസൺ 7 5800 എച്ച് സിപിയു, 16 ജിബി റാം, എൻവിഡിയ ജിഫോഴ്സ് ആർടിഎക്സ് 3070 ഗ്രാഫിക്സ് എന്നിവ ഉൾപ്പെടുന്ന അസ്യൂസ് സ്കൈ സെലക്ഷൻ 2 സിംഗിൾ കോൺഫിഗറേഷന് സിഎൻ‌വൈ 9,899 വില വരുന്നു. എക്ലിപ്സ് ആഷ്, മാജിക് ബ്ലൂ എന്നീ രണ്ട് കളർ ഓപ്ഷനുകളിലാണ് ഇത് വിപണിയിൽ വരുന്നത്. അസ്യൂസ് സ്കൈ സെലക്ഷൻ 2 ലാപ്ടോപ്പ് ചൈനയിൽ ഇപ്പോൾ വിൽപ്പനയ്ക്ക് എത്തിയിട്ടുണ്ടെങ്കിലും ഇതിൻറെ അന്താരാഷ്ട്ര ലഭ്യതയെക്കുറിച്ച് ഇതുവരെ ഒരു വ്യക്തതയുമില്ല.

Asus Sky Selection 2 gaming laptop with AMD Ryzen 5800 series CPU https://t.co/gZyHMjO4Da via @Tryotec

— Tryotec (@Tryotec) January 28, 2021

#AsusSkySelection2 Gaming Laptop With AMD Ryzen 5000 series CPU, 15.6-inch Full HD Display Announced!https://t.co/BTcieFTfyT

— mysmartprice (@mysmartprice) January 28, 2021

അസ്യൂസ് സ്കൈ സെലക്ഷൻ 2: സവിശേഷതകൾ

വിൻഡോസ് 10 ഹോമിൽ പ്രവർത്തിക്കുന്ന അസ്യൂസ് സ്കൈ സെലക്ഷൻ 2 ലാപ്‌ടോപ്പിന് വരുന്ന 15.6 ഇഞ്ച് ഫുൾ എച്ച്ഡി (1,920x1,080 പിക്‌സൽ) ഡിസ്‌പ്ലേയിൽ 16: 9 ആസ്പെക്റ്റ് റേഷിയോയും 240 ഹെർട്സ് റിഫ്രഷ് റേറ്റുമുണ്ട്. ഡിസ്‌പ്ലേയിൽ എസ്‌ആർ‌ജിബി കളർ സ്‌പെയ്‌സിന്റെ 100 ശതമാനം കവറേജ് ഉണ്ട്. ഒക്ടാകോർ എഎംഡി റൈസൺ 7 5800 എച്ച് സിപിയു, എൻവിഡിയ ജിഫോഴ്‌സ് ആർടിഎക്സ് 3070 ജിപിയു എന്നിവയാണ് 8 ജിബി വിആർ‌എമ്മിനൊപ്പം അസ്യൂസ് ലാപ്‌ടോപ്പിൽ പ്രവർത്തിക്കുന്നത്. 16 ജിബി DDR4 റാം, 512 ജിബി M.2 PCIe3.0x4 എസ്എസ്ഡി എന്നിവയും ഈ ലാപ്ടോപ്പിൽ ഉൾപ്പെടുത്തിയിരിക്കുന്നു.

കൂടുതൽ വായിക്കുക: ഫ്യൂജിഫിലിം GFX 100S ലാർജ് ഫോർമാറ്റ് ക്യാമറ ലോഞ്ച് ചെയ്തു; വിലയും സവിശേഷതകളും

അസ്യൂസ് സ്കൈ സെലക്ഷൻ 2 ഗെയിമിംഗ് ലാപ്‌ടോപ്പിലെ കണക്റ്റിവിറ്റി ഓപ്ഷനുകളിൽ ബ്ലൂടൂത്ത് 5.1, വൈ-ഫൈ 6, ഒരു എച്ച്ഡിഎംഐ 2.0 പോർട്ട്, മൂന്ന് യുഎസ്ബി 3.2 ജെൻ 1 ടൈപ്പ്-എ പോർട്ടുകൾ, യുഎസ്ബി 3.2 ജെൻ 2 ടൈപ്പ്-സി പോർട്ട്, ഹെഡ്‌ഫോൺ ജാക്ക് എന്നിവ ഉൾപ്പെടുന്നു. നിങ്ങൾക്ക് ഡിടിഎസ് എക്സ് അൾട്രാ സാങ്കേതികവിദ്യയും 90Whr ബാറ്ററിയും വരുന്ന സ്റ്റീരിയോ സ്പീക്കറുകൾ ലഭിക്കും. ഈ ഡിവൈസിൻറെ അടിയിലും വശങ്ങളിലും പുറകിലുമായി കൂളിംഗ് വെന്റുകൾ ഉണ്ട്. ചുവടെയുള്ള പോർട്ടുകൾ തണുത്ത വായു എടുക്കുകയും ചൂടുള്ള വായു പുറകിൽ നിന്നും വശങ്ങളിൽ നിന്നും പുറന്തള്ളുകയും ചെയ്യുന്നു. അസ്യൂസ് സ്കൈ സെലക്ഷൻ 2 ലാപ്‌ടോപ്പിന് 2.3 കിലോഗ്രാം ഭാരം വരുന്നു.