കരുത്തൻ ലാപ്ടോപ്പ് വേണോ, 50,000 രൂപയിൽ താഴെ വിലയുള്ള മികച്ച ലാപ്ടോപ്പുകൾ

മികച്ച പ്രോസസ്സറുകൾ, ഗ്രാഫിക്സ്, സ്റ്റോറേജ് ​​ഓപ്ഷനുകൾ എന്നിവയുള്ള ലാപ്ടോപ്പുകൾ 50,000 രൂപയിൽ താഴെ വിലയുള്ള വിഭാഗത്തിൽ ലഭ്യമാണ്. നിങ്ങളൊരു ലാപ്ടോപ്പ് സ്വന്തമാക്കാൻ ആഗ്രഹിക്കുന്നുണ്ടെങ്കിൽ ഈ വില വിഭാഗത്തിലെ ലാപ്ടോപ്പ് തിരഞ്ഞെടുക്കുന്നതാകും നല്ലത്. നിരവധി ഡിവൈസുകൾ ഈ വിഭാഗത്തിൽ ഇന്ന് ലഭ്യവുമാണ്. 50,000 രൂപയിൽ താഴെ വിലയുള്ള ഇന്ത്യൻ വിപണിയിലെ മികച്ച ലാപ്ടോപ്പുകളാണ് നമ്മളിന്ന് പരിചയപ്പെടുന്നത്.

എംഐ നോട്ട്ബുക്ക് 14

വില: 46,999 രൂപ

ഷവോമിയുടെ എംഐ നോട്ട്ബുക്ക് 14 ലാപ്ടോപ്പ് പല വേരിയന്റുകളിൽ പുറത്തിറങ്ങിയിട്ടുണ്ട്. 46,999 രൂപ വിലയുള്ള മോഡൽ 10th ജനറേഷൻ ഇന്റൽ കോർ ഐ 5 പ്രൊസസറിന്റെ കരുത്തലാണ് പ്രവർത്തിക്കുന്നത്. ഇതിനൊപ്പം എൻവിഡിയയുടെ ജിഫോഴ്‌സ് എംഎക്സ് 250 ഗ്രാഫിക്സ് കാർഡ്, 512 ജിബി എസ്എസ്ഡി, 8 ജിബി ഡിഡിആർ 4 റാം, 14 ഇഞ്ച് ഫുൾ എച്ച്ഡി ആന്റി-ഗ്ലെയർ ഡിസ്‌പ്ലേ എന്നിവയും ഉണ്ട്. 14. 1.5 കിലോഗ്രാമാണ് ഈ ലാപ്ടോപ്പിന്റെ ഭാരം.

വീടിനെ സിനിമ തിയ്യറ്ററാക്കാൻ സഹായിക്കുന്ന ഇന്ത്യയിലെ മികച്ച 75 ഇഞ്ച് സ്മാർട്ട് ടിവികൾ

എച്ച്പി 15എസ്

വില: 38,999 രൂപ

എച്ച്പി 15എസ് ക്വാഡ് കോർ എഎംഡി റൈസൺ 3 പ്രോസസറിന്റെ കരുത്തിലാണ് പ്രവർത്തിക്കുന്നത്. ലാപ്‌ടോപ്പിന് 1920 x 1080 റെസല്യൂഷനുള്ള 15.6 ഇഞ്ച് എഫ്എച്ച്ഡി ഡിസ്പ്ലെയാണ് ഉള്ളത്. എഎംഡി റേഡിയൻ വേഗ 3 ഗ്രാഫിക്സും 8 ജിബി ഡിഡിആർ 4 റാം, 1 ടിബി എച്ച്ഡിഡി, 256 ജിബി എസ്എസ്ഡി എന്നിവയും ഈ ഡിവൈസിൽ നൽകിയിട്ടുണ്ട്.

അസൂസ് വിവോബുക്ക് 14

വില: 49,990 രൂപ

വിവോബുക്ക് 14 സീരീസ് അസൂസിന്റെ മികച്ച ലപ്ടോപ്പുകൾ പുറത്തിറങ്ങിയ സീരിസാണ്. ഇതിൽ എഎംഡി റൈസൺ 5 3500യു പ്രോസസറുള്ള മോഡലിനാണ് 49,990 രൂപ വില വരുന്നത്. 8 ജിബി റാമും 512 ജിബി എസ്എസ്ഡിയും ഈ ലാപ്ടോപ്പിൽ ഉണ്ട്. 1920x1080 റെസല്യൂഷനും 200 നിറ്റ്സ് ബ്രൈറ്റ്നസുമുള്ള 14 ഇഞ്ച് ഫുൾ എച്ച്ഡി എൽഇഡി ബാക്ക്‌ലിറ്റ് ആന്റി-ഗ്ലെയർ ഡിസ്‌പ്ലേയാണ് ലാപ്ടോപ്പിൽ ഉള്ളത്. ഫിംഗർപ്രിന്റ് സെൻസർ, വിൻഡോസ് 10 ഹോം, മൈക്രോസോഫ്റ്റ് ഓഫീസ് 365 സബ്‌സ്‌ക്രിപ്‌ഷൻ എന്നിവയും ഈ ലാപ്ടോപ്പിൽ ഉണ്ട്.

അസൂസ് വിവോബുക്ക് ഫ്ലിപ്പ് 14

വില: 46,990 രൂപ

4 ജിബി റാമും 512 ജിബി എസ്എസ്ഡിയും ഉള്ള അസൂസ് വിവോബുക്ക് ഫ്ലിപ്പ് 14 ലാപ്ടോപ്പിന് കരുത്ത് നൽകുന്നത് 10th ജനറേഷൻ ഇന്റൽ കോർ ഐ3 പ്രോസസറാണ്. വിൻഡോസ് 10 ഹോമിൽ പ്രവർത്തിക്കുന്ന ഈ ലാപ്ടോപ്പ് വാങ്ങുമ്പോൾ എം‌എസ് ഓഫീസ് സബ്‌സ്‌ക്രിപ്‌ഷൻ സൌജന്യമായി ലഭിക്കും. 1.5 കിലോ ഭാരമുള്ള ഈ ലാപ്ടോപ്പിൽ 14 ഇഞ്ച് ഫുൾ എച്ച്ഡി എൽഇഡി ഐപിഎസ് ലെവൽ ടച്ച് ഡിസ്പ്ലേ, 250 നിറ്റ്സ് ബ്രൈറ്റ്നെസ് എന്നിവയും ഉണ്ട്. ഫിംഗർപ്രിന്റ് സെൻസറും ഈ ഡിവൈസിൽ നൽകിയിട്ടുണ്ട്.

50,000 രൂപയിൽ താഴ വിലയുള്ള മികച്ച പ്രീമിയം സ്മാർട്ട്ഫോണുകൾ

ലെനോവോ ഐഡിയപാഡ് ഫ്ലെക്സ്

വില: 49,990 രൂപ

ലെനോവോയുടെ 2 ഇൻ 1 ലാപ്‌ടോപ്പാണ് ഇത്. ഒരു ടാബ്‌ലെറ്റായും ഉപയോഗിക്കാവുന്ന ഈ ലാപ്ടോപ്പിന് 1.5 കിലോ ഭാരമാണ് ഉള്ളത്. ഇന്റൽ കോർ ഐ3 11 ജനറേഷൻ പ്രോസസറിനൊപ്പം 8 ജിബി റാമും 256 ജിബി എസ്എസ്ഡിയും വിൻഡോസ് 10 ഹോമും ഉണ്ട്. 14 ഇഞ്ച് ഫുൾ എച്ച്ഡി എൽഇഡി ബാക്ക്‌ലിറ്റ് ഐപിഎസ് മൾട്ടി-ടച്ച് ഡിസ്‌പ്ലേയാണ് ഈ ഡിവൈസിൽ ഉള്ളത്. ഈ ഡിസ്പ്ലെയ്ക്ക് 250 നിറ്റ്സ് ബ്രൈറ്റ്നെസും ഉണ്ട്. ഫിംഗർപ്രിന്റ് സെൻസറും എം‌എസ് ഓഫീസ് സബ്‌സ്‌ക്രിപ്‌ഷനും ലാപ്‌ടോപ്പിൽ നൽകിയിട്ടുണ്ട്.