30,000 രൂപയിൽ താഴെ വിലയിൽ വാങ്ങാവുന്ന കിടിലൻ ലാപ്ടോപ്പുകൾ

ഇന്ത്യൻ വിപണിയിലെ 30,000 രൂപയിൽ താഴെ വിലയുള്ള മികച്ച ലാപ്ടോപ്പുകളാണ് നമ്മളിന്ന് പരിചയപ്പെടുന്നത്. ഈ പട്ടികയിൽ ലെനോവോ, ഡെൽ, അവിറ്റ, എച്ച്പി തുടങ്ങിയ മുൻനി ബ്രാന്റുകളുടെ ലാപ്ടോപ്പുകളും ഉണ്ട്. നിലവിൽ ഇന്ത്യയിൽ വാങ്ങാവുന്ന 30,000 രൂപയിൽ താഴെ വിലയുള്ള ലാപ്ടോപ്പുകൾ നോക്കാം.

ലെനോവോ 82C6000KIH

30,000 രൂപയിൽ താഴെ വിലയുള്ള മികച്ച ലാപ്ടോപ്പാണ് ലെനോവോ 82C6000KIH. ഈ ലാപ്ടോപ്പ് നിലവിൽ 26,990 രൂപയ്ക്ക് ലഭ്യമാണ്. ഇതിന് 14 ഇഞ്ച് എച്ച്ഡി ഡിസ്‌പ്ലേയാണ് ഉള്ളത്. റേഡിയൻ ഗ്രാഫിക്സുമായി ജോടിയാക്കിയ എഎംഡി റൈസൺ 3 3250യു ആണ് ഈ ലാപ്ടോപ്പിന് കരുത്ത് നൽകുന്നത്. 4ജിബി ഡിഡിആർ4 റാമുള്ള ലാപ്ടോപ്പിൽ 1 ടിബി സ്റ്റോറേജും ലെനോവോ നൽകിയിട്ടുണ്ട്. മികച്ച ഡിസൈനാണ് ഈ ലാപ്ടോപ്പിൽ നൽകിയിട്ടുള്ളത്.

അവിറ്റ പ്യുറ 9220e

അവിറ്റ പ്യുറ 9220e ലാപ്ടോപ്പ് ഇപ്പോൾ 24,990 രൂപയ്ക്ക് നിങ്ങൾക്ക് സ്വന്തമാക്കാം. 14 ഇഞ്ച് എച്ച്ഡി ടിഎഫ്ടി ഐപിഎസ് ഡിസ്പ്ലേയാണ് ഈ ലാപ്ടോപ്പിൽ ഉള്ളത്. എഎംഡി എപിയു ഡ്യുവൽ കോർ എ6 പ്രോസസറിന്റെ കരുത്തിലാണ് ഈ ലാപ്ടോപ്പ് പ്രവർത്തിക്കുന്നത്. 8 ജിബി റാമുള്ള സ്മാർട്ട്ഫോണിൽ 256 ജിബി സ്റ്റോറേജും കമ്പനി നൽകിയിട്ടുണ്ട്. മൈക്രോസോഫ്റ്റിന്റെ വിൻഡോസ് 10 ഹോം ഓപ്പറേറ്റിംഗ് സിസ്റ്റത്തിലാണ് ഈ ലാപ്ടോപ്പ് പ്രവർത്തിക്കുന്നത്.

ലെനോവോ ഐഡിയപാഡ് D330 10IGM

30,000 രൂപയിൽ താഴെ വിലയുള്ള ലാപ്ടോപ്പുകളുടെ വിഭാഗത്തിലെ ലെനോവോയുടെ മികച്ച പ്രൊഡക്ടാണ് ലെനോവോ ഐഡിയപാഡ് D330 10IGM. ഈ ലാപ്ടോപ്പ് ഇപ്പോൾ 25,990 രൂപയ്ക്ക് ലഭ്യമാണ്. ഇതൊരു കൺവേർട്ടിബിൾ ലാപ്‌ടോപ്പാണ്. 1280x800 റെസല്യൂഷനുള്ള 10.1 ഇഞ്ച് ഐപിഎസ് എൽസിഡി ഡിസ്‌പ്ലേയാണ് ഈ ലാപ്ടോപ്പിൽ ഉള്ളത്. 4 ജിബി റാമുള്ള ലാപ്ടോപ്പിൽ 64 ജിബി ഇഎംഎംസി സ്റ്റോറേജും നൽകിയിട്ടുണ്ട്. ഇന്റൽ സെലറോൺ എൻ 4000 പ്രോസസറാണ് ലാപ്ടോപ്പിന് കരുത്ത് നൽകുന്നത്. മൈക്രോസോഫ്റ്റിന്റെ വിൻഡോസ് 10 ഹോം ഓപ്പറേറ്റിംഗ് സിസ്റ്റത്തിലാണ് ഈ ലാപ്ടോപ്പ് പ്രവർത്തിക്കുന്നത്.

ഡെൽ ഇൻസ്പിറോൺ 15 3000

30,000 രൂപയിൽ താഴെ വിലയുള്ള ഡെല്ലിന്റെ മികച്ച ലാപ്ടോപ്പാണ് ഡെൽ ഇൻസ്പിറോൺ 15 3000. നിലവിൽ കമ്പനിയുടെ ഔദ്യോഗിക വെബ്‌സൈറ്റിൽ ഈ ലാപ്ടോപ്പിന് 27,990 രൂപയാണ് വില. ഈ ലാപ്‌ടോപ്പിന് 15.6 ഇഞ്ച് ആന്റി-ഗ്ലെയർ എൽഇഡി എച്ച്ഡി ഡിസ്‌പ്ലേയാണ് ഉള്ളത്. റേഡിയൻ ഗ്രാഫിക്സുമായി ജോടിയാക്കിയ എഎംഡി അത്‌ലോൺ ഗോൾഡ് 3150യു പ്രോസസറാണ് ഈ ലാപ്ടോപ്പിന് കരുത്ത് നൽകുന്നത്. 256 ജിബി എം.2 പിസിഐe NVMe എസ്എസ്ഡിയും ലാപ്ടോപ്പിൽ ഉണ്ട്. 4 ജിബി ഡിഡിആർ4 റാമുമായി ഈ ഡിവൈസ് വരുന്നു. മൈക്രോസോഫ്റ്റിന്റെ വിൻഡോസ് 10 ഓപ്പറേറ്റിംഗ് സിസ്റ്റത്തിലാണ് ലാപ്ടോപ്പ് പ്രവർത്തിക്കുന്നത്.

എച്ച്പി ക്രോംബുക്ക് 14എ എൻഎ0003ടിയു

എച്ച്പി ക്രോംബുക്ക് 14എ എൻഎ0003ടിയു ലാപ്ടോപ്പിന് 27,990 രൂപയാണ് വില. 1366x768 പിക്‌സൽ റെസല്യൂഷനുള്ള 14 ഇഞ്ച് എച്ച്‌ഡി ഡബ്ല്യുഎൽഇഡി ഡിസ്‌പ്ലേയാണ് ഈ ലാപ്ടോപ്പിൽ ഉള്ളത്. ഇന്റൽ യുഎച്ച്ഡി ഗ്രാഫിക്‌സ് 600 ഉള്ള ലാപ്ടോപ്പിന് കരുത്ത് നൽകുന്നത് ഇന്റൽ സെലെറോൺ എൻ4020 പ്രോസസറാണ്. 4 ജിബി റാമുള്ള ലാപ്ടോപ്പിൽ 64ജിബി ഇഎംഎംസി സ്റ്റോറേജും നൽകിയിട്ടുണ്ട്. ഗൂഗിളിന്റെ ക്രോം ഒഎസിലാണ് ഈ ലാപ്ടോപ്പ് പ്രവർത്തിക്കുന്നത്.