ഡെൽ പ്രിസിഷൻ 3561, 5560, 5760, 7560, 7760, ഏലിയൻവെയർ എം15 ആർ6 ലാപ്ടോപ്പുകൾ ലോഞ്ച് ചെയ്തു

ഏലിയൻവെയർ എം15 ആർ6: സവിശേഷതകൾ

360 ഹെർട്സ് റിഫ്രഷ് റേറ്റ്, 1 എം‌എസ് റസ്പോൺസ് ടൈം, 300 നിറ്റ് പീക്ക് ബ്രൈറ്റ്നെസ്, 100 ശതമാനം എസ്‌ആർ‌ജിബി കളർ ഗാമറ്റ് എന്നിവയുള്ള 15.6 ഇഞ്ച് ഫുൾ എച്ച്ഡി ഡിസ്‌പ്ലേയാണ് ഏലിയൻ‌വെയർ എം15 ആർ6 ലാപ്ടോപ്പിൽ ഉള്ളത്. 240 ഹെർട്സ് റിഫ്രഷ് റേറ്റ്, 2 എം‌എസ് റസ്പോൺസ് ടൈം, 400 നിറ്റ് പീക്ക് ബ്രൈറ്റ്നെസ്, 100 ശതമാനം ഡിസിഐ-പി 3 കളർ ഗാമറ്റ്, എൻ‌വിഡിയ ജി-സിങ്ക്, അഡ്വാൻസ്ഡ് ഒപ്റ്റിമസ് സപ്പോർട്ട് എന്നിവയുള്ള ക്യുഎച്ച്ഡി വേരിയന്റിലും ഡിവൈസ് ലഭ്യമാകും.

എൻ‌വിഡിയ ജിഫോഴ്‌സ് ആർ‌ടി‌എക്സ് 3080 ജിപിയു വരെ ജോടിയാക്കിയ ഇന്റൽ 11th ജനറേഷൻ കോർ i9-11900 എച്ച് പ്രോസസറിലാണ് ഈ ഡിവൈസ് പ്രവർത്തിക്കുന്നത്. ലാപ്ടോപ്പിൽ 32 ജിബി വരെ ഡിഡിആർ 4 റാമും 4 ടിബി വരെ പിസിഐ എം 2 എസ്എസ്ഡി സ്റ്റോറേജും ഉണ്ട്. മൈക്രോസോഫ്റ്റിന്റെ വിൻഡോസ് 10 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഈ ഡിവൈസിൽ 86Whr ബാറ്ററിയും ഉണ്ട്. കണക്റ്റിവിറ്റി ഓപ്ഷനുകളായി വൈ-ഫൈ 6 എഎക്സ് 1650, ബ്ലൂടൂത്ത് വി 5.2, മൂന്ന് യുഎസ്ബി 3.2 ജെൻ 1 ടൈപ്പ്-എ പോർട്ടുകൾ, തണ്ടർബോൾട്ട് 4 പോർട്ട്, എച്ച്ഡിഎംഐ 2.1 പോർട്ട്, 3.5 എംഎം ഹെഡ്‌ഫോൺ ജാക്ക്, ആർ‌ജെ -45 ഇഥർനെറ്റ് പോർട്ട് എന്നിവയും ഈ ഡിവൈസിൽ നൽകിയിട്ടുണ്ട്.

ഡെൽ പ്രിസിഷൻ 3561: സവിശേഷതകൾ

3840 × 2160 പിക്‌സൽ റെസല്യൂഷനുള്ള 15.6 ഇഞ്ച് യുഎച്ച്ഡി ഡിസ്‌പ്ലേയാണ് ഡെൽ പ്രിസിഷൻ 3561 ലാപ്ടോപ്പിൽ ഉള്ളത്. 60 ഹെർട്സ് റിഫ്രഷ് റേറ്റ്, 16: 9 അസ്പാക്ട് റേഷിയോ, 400 നിറ്റ് പീക്ക് ബ്രൈറ്റ്നസ്, 100 ശതമാനം എസ്ആർജിബി കവറേജ് എന്നിവയുമായാണ് ഈ ഡിസ്പ്ലെ വരുന്നത്. ഇന്റൽ 11th ജനറേഷൻ കോർ i9-11950 എച്ച് പ്രോസസർ, എൻവിഡിയ ടി 600 ജിപിയു എന്നിവയുള്ള ലാപ്ടോപ്പിൽ ഇന്റൽ സിയോൺ ഡബ്ല്യു -11855 എം പ്രോസസറും ഉണ്ട്.

64 ജിബി വരെ ഡിഡിആർ 4 റാമും 2 ടിബി വരെ എം 2 പിസിഐ എൻവിഎം എസ്എസ്ഡി സ്റ്റോറേജുമുള്ള ഈ ലാപ്ടോപ്പിൽ വേവ്സ് മാക്സ് ഓഡിയോ പ്രോ ട്യൂൺ ചെയ്ത ഡ്യുവൽ സ്പീക്കറുകളും ഉണ്ട്. 96Whr ബാറ്ററിയും ലാപ്ടോപ്പിൽ നൽകിയിട്ടുണ്ട്. കണക്റ്റിവിറ്റി ഓപ്ഷനുകളായി ഇന്റൽ വൈ-ഫൈ 6 എഎക്സ് 210 2 × 2.11 ആക്സ്, ബ്ലൂടൂത്ത് വി 5.1, രണ്ട് തണ്ടർബോൾട്ട് 4 പോർട്ടുകൾ, രണ്ട് യുഎസ്ബി 3.2 ജെൻ 1 ടൈപ്പ്-എ പോർട്ടുകൾ, എച്ച്ഡിഎംഐ 2.0, ആർ‌ജെ -45, യു‌എസ്‌ഡി കാർഡ് റീഡർ, ഓപ്ഷണൽ സ്മാർട്ട് കാർഡ് എന്നിവ നൽകിയിട്ടുണ്ട്.

ഡെൽ പ്രിസിഷൻ 5560: സവിശേഷതകൾ

ഡെൽ പ്രിസിഷൻ 5560ൽ 15.6 ഇഞ്ച് വരെ യുഎച്ച്ഡി + ഇൻഫിനിറ്റി എഡ്ജ് ഡിസ്‌പ്ലേ, 60 ഹെർട്സ് റിഫ്രഷ് റേറ്റ്, 500 നിറ്റ് പീക്ക് ബ്രൈറ്റ്നസ്, 100 ശതമാനം അഡോബ്ആർജിബി സപ്പോർട്ട്, 99 ശതമാനം ഡിസിഐ-പി 3 സപ്പോർട്ട്, ഗോറില്ല ഗ്ലാസ് പ്രോട്ടക്ഷൻ. എൻ‌വിഡിയ ആർ‌ടി‌എക്സ് എ 2000 ജിപിയു ഉള്ള ഇന്റൽ 11th ജനറേഷൻ കോർ ഐ 9-11950 എച്ച് പ്രോസസർ അതല്ലെങ്കിൽ ഇന്റൽ സിയോൺ ഡബ്ല്യു -11955 എം പ്രോസസർ എന്നിവയും ഡിവൈസിൽ ഉണ്ട്. 64 ജിബി വരെ ഡിഡിആർ 4 റാമും 2 ടിബി വരെ എം 2 പിസിഐ എൻവിഎം എസ്എസ്ഡി സ്റ്റോറേജും ഈ ഡിവൈസിൽ ഉണ്ട്. 86Whr ബാറ്ററിയും സ്മാർട്ട്ഫോണിൽ നൽകിയിട്ടുണ്ട്.

ഡെൽ പ്രിസിഷൻ 5760: സവിശേഷതകൾ

ഡെൽ പ്രിസിഷൻ 5760 ലാപ്ടോപ്പിൽ ടച്ച് പാനലുള്ള 17 ഇഞ്ച് ഡബ്ല്യുഎൽഇഡി യുഎച്ച്ഡി + ഡിസ്പ്ലേയാണ് ഉള്ളത്. 60 ഹെർട്സ് റിഫ്രഷ് റേറ്റ്, 100 ശതമാനം അഡോബ്ആർജിബി, 99 ശതമാനം ഡിസിഐ-പി 3, 500 നിറ്റ് പീക്ക് ബ്രൈറ്റ്നസ്, ഡിസ്‌പ്ലേ എച്ച്ഡിആർ 400 സർട്ടിഫിക്കേഷൻ, ഗോറില്ല ഗ്ലാസ് പ്രോട്ടക്ഷൻ എന്നിവയാണ് ഈ ഡിസ്‌പ്ലേയിലുള്ളത്. എൻ‌വിഡിയ ആർ‌ടി‌എക്സ് എ3000 ജിപിയു ഉള്ള ഇന്റൽ 11th ജനറേഷൻ കോർ ഐ9-11950 എച്ച് പ്രോസസറോ ഇന്റൽ സിയോൺ ഡബ്ല്യു -11955 എം പ്രോസസറോ ആണ് ലാപ്ടോപ്പിൽ ഉള്ളത്. 64 ജിബി വരെ ഡിഡിആർ 4 റാമും 4 ടിബി എം 2 വരെ പിസിഐഇ എൻവിഎം എസ്എസ്ഡി സ്റ്റോറേജും ഈ ഡിവൈസിൽ ഉണ്ട്. 97Whr വരെ ബാറ്ററിയും ലാപ്ടോപ്പിൽ നൽകിയിട്ടുണ്ട്.

ഡെൽ പ്രിസിഷൻ 7560: സവിശേഷതകൾ

ഡെൽ പ്രിസിഷൻ 7560 ലാപ്ടോപ്പിൽ എച്ച്ഡിആർ 600 സർട്ടിഫിക്കേഷനും 100 ശതമാനം അഡോബ് ആർ‌ജിബിയും 800 നിറ്റ് പീക്ക് ബ്രൈറ്റ്നസുമുള്ള 15.6 ഇഞ്ച് യു‌എച്ച്‌ഡി ഡിസ്‌പ്ലേയാണ് ഉള്ളത്. എൻ‌വിഡിയ ആർ‌ടി‌എക്സ് എ 5000 ജിപിയു ജോടിയാക്കിയ ഇന്റൽ 11th ജനറേഷൻ കോർ ഐ9-11950 എച്ച് പ്രോസസറോ ഇന്റൽ സിയോൺ ഡബ്ല്യു -11955 എം പ്രോസസറോ ആണ് ലാപ്ടോപ്പിൽ ഉള്ളത്. 128 ജിബി വരെ ഡി‌ഡി‌ആർ 4 റാമും 4 ടിബി എം 2 പി‌സി‌ഐ എൻ‌വി‌എം എസ്എസ്ഡി സ്റ്റോറേജുമുള്ള ഡിവൈസിൽ 95Whr ബാറ്ററിയുണ്ട്.

ഡെൽ പ്രിസിഷൻ 7760: സവിശേഷതകൾ

ഡെൽ പ്രിസിഷൻ 7760 ലാപ്ടോപ്പിൽ 17.3 ഇഞ്ച് യുഎച്ച്ഡി ഡിസ്പ്ലേയാണ് ഉള്ളത്. 120 ഹെർട്സ് റിഫ്രഷ് റേറ്റ്, 500 നിറ്റ് പീക്ക് ബ്രൈറ്റ്നസ്, എച്ച്ഡിആർ 400 സർട്ടിഫിക്കേഷൻ എന്നിവയും ഈ ഡിസ്പ്ലെയിൽ ഉണ്ട്. സിപിയു, ജിപിയു, റാം, സ്റ്റോറേജ് ഓപ്ഷനുകൾ ഡെൽ പ്രിസിഷൻ 7560ന് സമാനമാണ്. ബാറ്ററിയുടെ കാര്യവും സമാനം തന്നെയാണ്.