കുറഞ്ഞ വിലയും മികച്ച ഫീച്ചറുകളുമായി എച്ച്പി ക്രോംബുക്ക് 11എ ലാപ്ടോപ്പ് ഇന്ത്യൻ വിപണിയിലെത്തി

Published: Tuesday, April 6, 2021, 15:21 [IST]

എച്ച്പിയുടെ ഏറ്റവും പുതിയ ലാപ്ടോപ്പായ ക്രോംബുക്ക് 11എ ഇന്ത്യൻ വിപണിയിൽ അവതരിപ്പിച്ചു. ഓൺ‌ലൈൻ ക്ലാസുകളിൽ പങ്കെടുക്കുന്ന കുട്ടികളെയാണ് ഈ ക്രോംബുക്ക് പ്രധാനമായും ലക്ഷ്യമിടുന്നത്. 2 മുതൽ 7 വരെയുള്ള ക്ലാസുകളിലെ കുട്ടികളുടെ പഠനത്തിനാണ് ഈ ലാപ്ടോപ്പ് പ്രാധാന്യം നൽകുകയെന്നാണ് റിപ്പോർട്ടുകൾ. എച്ച്പി ക്രോംബുക്ക് 11എ മീഡിയടെക് എംടി8183 ഒക്ടാ കോർ പ്രോസസറിന്റെ കരുത്തിലാണ് പ്രവർത്തിക്കുന്നത്. ഒരു കിലോയ്ക്ക് മുകളിൽ ഭാരവും ഇതിനുണ്ട്.

വോയ്‌സ് എനേബിൾഡ് ഗൂഗിൾ അസിസ്റ്റന്റ് സപ്പോർട്ടുമായി വരുന്ന ഈ ലാപ്ടോപ്പ് ഒരു വർഷം മുഴുവൻ സൌജന്യ ഗൂഗിൾ വൺ സബ്‌സ്‌ക്രിപ്‌ഷനും ഉപയോക്താക്കൾക്ക് നൽകുന്നുണ്ട്. ഗൂഗിൾ വൺ 100ജിബി ക്ലൗഡ് സ്റ്റോറേജ്, ഒരു വർഷത്തേക്ക് ഗൂഗിൾ എക്സ്പേർട്സിലേക്കുള്ള ആക്‌സസ്സ്, മറ്റ് എക്‌സ്‌ക്ലൂസീവ് മെമ്പർഷിപ്പ് ആനുകൂല്യങ്ങൾ എന്നിവയും ഈ ലാപ്ടോപ്പ് വാങ്ങുന്ന ഉപയോക്താക്കൾക്ക് ലഭിക്കുന്നു.

ഇന്ത്യയിൽ എച്ച്പി ക്രോംബുക്ക് 11എ: വില, വിൽപ്പന

പുതിയ എച്ച്പി ക്രോംബുക്ക് 11എയുടെ വില ഇന്ത്യയിൽ 21,999 രൂപയാണ് സിംഗിൾ ഇൻഡിഗോ ബ്ലൂ കളർ ഓപ്ഷനിലാണ് ഈ ലാപ്ടോപ്പ് ലഭ്യമാകുന്നത്. ഫ്ലിപ്പ്കാർട്ടിൽ മാത്രമേ ഈ ഡിവൈസ് ലഭ്യമാവുകയുള്ളു. മുകളിൽ സൂചിപ്പിച്ചത് പോലെ 100 ജിബി ക്ലൗഡ് സ്റ്റോറേജ് പോലുള്ള ആനുകൂല്യങ്ങളും മറ്റും നൽകുന്ന ഒരു വർഷത്തെ ഗൂഗിൾ വൺ മെമ്പർഷിപ്പും ഈ ലാപ്ടോപ്പ് വാങ്ങുന്നവർക്ക് ലഭിക്കുന്നു. ഇത് മികച്ചൊരു ഓഫർ തന്നെയാണ്.

എച്ച്പി ക്രോംബുക്ക് 11എ: സവിശേഷതകൾ

എച്ച്പി ക്രോംബുക്ക് 11എ ലാപ്ടോപ്പ് ക്രോം ഒഎസിൽ പ്രവർത്തിക്കുന്നു. ഗൂഗിൾ പ്ലേ സ്റ്റോറിലേക്ക് ആക്സസ് നൽകുന്ന ലാപ്ടോപ്പാണ് ഇത്. ലാപ്‌ടോപ്പിൽ 11.6 ഇഞ്ച് എച്ച്ഡി (1,366x768 പിക്‌സൽ) ഐപിഎസ് ടച്ച് ഡിസ്‌പ്ലേയാണ് നൽകിയിട്ടുള്ളത്. ഈ ഡിസ്പ്ലെയ്ക്ക് 220 നിറ്റ്സ് ബ്രൈറ്റ്നസ് നൽകിയിട്ടുണ്ട്. 45 ശതമാനം കളർ ഗാമറ്റും 73.8 ശതമാനം സ്‌ക്രീൻ-ടു-ബോഡി റേഷിയോവും ഈ ഡിസ്പ്ലെയിൽ എച്ച്പി നൽകിയിട്ടുണ്ട്.

മീഡിയടെക് MT8183 ഒക്ടാ കോർ പ്രോസസറിന്റെ കരുത്തിലാണ് എച്ച്പി ക്രോംബുക്ക് 11എ ലാപ്‌ടോപ്പ് പ്രവർത്തിക്കുന്നത്. 4 ജിബി റാം, 64 ജിബി സ്റ്റോറേജ് എന്നിവയുള്ള ഡിവൈസിൽ ഗൂഗിൾ വൺ ഉപയോഗിച്ച് 100 ജിബി ക്ലൗഡ് സ്റ്റോറേജ് ആക്സസും ലഭിക്കുന്നു. 256 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും ഈ ലാപ്ടോപ്പിൽ നൽകിയിട്ടുണ്ട്. എച്ച്പി ക്രോംബുക്ക് 11 എയുടെ ഭാരം 1.05 കിലോഗ്രാം ആണ്.

ഇത് 37 ഡബ്ല്യുഎച്ച്ആർ ലി-അയോൺ പോളിമർ ബാറ്ററിയുമായിട്ടാണ് വരുന്നത്. ഇത് 16 മണിക്കൂർ വരെ ബാറ്ററി ലൈഫ് വാഗ്ദാനം ചെയ്യുന്നു. യുഎസ്ബി ടൈപ്പ്-എ പോർട്ട്, യുഎസ്ബി ടൈപ്പ്-സി പോർട്ട്, ഓഡിയോ ജാക്ക്, മൈക്രോ എസ്ഡി സ്ലോട്ട്, ബ്ലൂടൂത്ത് വി 5, വൈ-ഫൈ 5 എന്നിവയാണ് എന്നിവയാണ് കണക്റ്റി ഓപ്ഷനുകളായി ഉള്ളത്. 285x192.8x16.8 എംഎം അളവുള്ള ഈ ലാപ്ടോപ്പിൽ എച്ച്പി ട്രൂ വിഷൻ എച്ച്ഡി വെബ്‌ക്യാം, ബിൽറ്റ്-ഇൻ ഗൂഗിൾ അസിസ്റ്റന്റ് സപ്പോർട്ട് എന്നിവയുണ്ട്. ഏറ്റവും വലിയ ആർഷണം മുകളിൽ സൂചിപ്പിച്ച ഗൂഗിൾ വൺ സബ്‌സ്‌ക്രിപ്‌ഷനാണ്.