എച്ച്പി പുതിയൊരു കരുത്തൻ ലാപ്ടോപ്പ് കൂടി ഇന്ത്യയിൽ അവതരിപ്പിച്ചു, വില 1,19,999 രൂപ

എച്ച്പി സ്‌പെക്ടർ എക്സ്360 14: വിലയും ലഭ്യതയും

എച്ച്പി സ്‌പെക്ടർ എക്സ്360 14 ലാപ്ചോപ്പിന്റെ ബേസ് വേരിയന്റിന് ഇന്ത്യയിൽ 1,19,999 രൂപയാണ് വില. ലാപ്ടോപ്പിന്റെ ഒ‌എൽ‌ഇഡി ഡിസ്പ്ലേയും ഇന്റൽ കോർ ഐ7 പ്രോസസറുമുള്ള ടോപ്പ്-സ്പെസിഫൈഡ് മോഡലിന് 1,74,999 രൂപ വിലയുണ്ട്. എച്ച്പി സ്‌പെക്ടർ എക്സ്360ന്റെ രണ്ട് വേരിയന്റുകളും എച്ച്പി വേൾഡ് സ്റ്റോറുകൾ, എച്ച്പി ഓൺലൈൻ സ്റ്റോർ, ആമസോൺ പോലുള്ള വലിയ റീട്ടെയിലർമാർ എന്നിവയിലൂടെ നിങ്ങൾക്ക് സ്വന്തമാക്കാം. ഈ ലാപ്ടോപ്പിന് ലഭിക്കുന്ന ഓഫറുകളുമായി ബന്ധപ്പെട്ട കാര്യങ്ങൾ നിലവിൽ വ്യക്തമല്ല.

എച്ച്പി സ്‌പെക്ടർ എക്സ്360 14: സവിശേഷതകൾ

എച്ച്പി സ്‌പെക്ടർ എക്സ്360 14 ലാപ്ടോപ്പിന് ജെം-കട്ടും ഡ്യുവൽ ചാംഫർ ആംഗുലാർ ഡിസൈനാണ് ഉള്ളത്. മികച്ച ക്വാളിറ്റിയുള്ള അലുമിനിയം സി‌എൻ‌സി ഉപയോഗിക്കുന്ന ഈ ലാപ്ടോപ്പിൽ 13.5 ഇഞ്ച് ഡിസ്‌പ്ലേയാണ് ഉള്ളത്. 90 ശതമാനം സ്ക്രീൻ-ടു-ബോഡി റേഷിയോ, 3കെ റെസല്യൂഷൻ, 400നീറ്റ്സ് പീക്ക് ബ്രൈറ്റ്‌നസ് എന്നിവയുള്ള എൽസിഡി ഒലെഡ് ഡിസ്പ്ലേയും ഈ ലാപ്ടോപ്പിൽ ഉണ്ട്. 3: 2 അസ്പാക്ട് റേഷിയോ ഉള്ള ആദ്യത്തെ കൺവേർട്ടബിൾ ലാപ്‌ടോപ്പാണ് ഇതെന്ന് എച്ച്പി അവകാശപ്പെടുന്നു.

ഇന്റൽ ഐറിസ് Xe ഗ്രാഫിക്സും 4.7GHz പീക്ക് സിപിയു ക്ലോക്ക് സ്പീഡുമുള്ള ഇന്റൽ കോർ ഐ7-1165G7 ക്വാഡ് കോർ പ്രോസസറാണ് ഈ ലാപ്ടോപ്പിന് കരുത്ത് നൽകുന്നത്. ലാപ്‌ടോപ്പിൽ 16 ജിബി എൽപിഡിഡിആർ 4 റാമും 1 ടിബി പിസിഐഇ എസ്എസ്ഡിയും ഉണ്ട്. ഇതൊരു ഇന്റൽ ഇവോ സർട്ടിഫൈഡ് ലാപ്‌ടോപ്പാണ്. മികച്ച ബാറ്ററി ലൈഫും വൈഫൈ 6 പോലുള്ള വേഗത്തിലുള്ള കണക്റ്റിവിറ്റി സവിശേഷതകളും ലാപ്ടോപ്പിൽ എച്ച്പി നൽകിയിട്ടുണ്ട്. 40 ജിബിപിഎസ് ഡാറ്റ ട്രാൻസ്ഫർ സ്പീഡുകളുള്ള എച്ച്പി സ്‌പെക്ടർ എക്സ്360 ലാപ്ടോപ്പ് തണ്ടർബോൾട്ട് 4 സപ്പോർട്ടുമായിട്ടാണ് വരുന്നത്.

രണ്ട് പേഴ്സണൽ 4കെ ഡിസ്പ്ലേകൾ വരെ കണക്ട് ചെയ്ത് ഉപയോഗിക്കാൻ തണ്ടർബോൾട്ട് 4 സപ്പോർട്ട് സഹായിക്കും. ഡിവൈസുകളിലേക്ക് വയർലെസ് ഡാറ്റ കൈമാറ്റത്തിനുള്ള സപ്പോർട്ട് കമ്പ്യൂട്ടർ എച്ച്പി ക്വിക്ക് ഡ്രോപ്പിനൊപ്പം നൽകിയിട്ടുണ്ട്. എല്ലായിപ്പോഴും പോലെ എച്ച്പി ഈ പുതിയ ലാപ്ടോപ്പിലും പ്രീമിയം ഡിസൈനും സവിശേഷതകളും നൽകിയിട്ടുണ്ട്. ഡിസൈനിലും മറ്റും പഴയ എച്ച്പി ലാപ്ടോപ്പ് മോഡലുകളുമായി സാമ്യത തോന്നുമെങ്കിലും ഡിസ്പ്ലെയുടെ കാര്യത്തിലുള്ള മാറ്റം ശ്രദ്ധേമാണ്. 3:2 അസ്പാക്ട് റേഷിയോ ഉള്ള ഡിസ്പ്ലെ ശ്രദ്ധേയമാണ്. സാധാരണ വൈക്കോൽ, ബീറ്റ്റൂട്ട് പൾപ്പ്, ഗാർഹിക മാലിന്യങ്ങൾ തുടങ്ങിയ കാർഷിക മാലിന്യങ്ങൾ പോലുള്ള പ്രകൃതിദത്തവും പുനരുപയോഗിക്കാവുന്നതുമായ വസ്തുക്കളിൽ നിന്നാണ് കീബോർഡ് സിസേഴ്സ് നിർമ്മിച്ചതെന്ന് എച്ച്പി അവകാശപ്പെടുന്നുണ്ട്.