നിരവധി കളർ ഓപ്ഷനുകളിൽ വരുന്ന എം 2 ചിപ്‌സെറ്റുള്ള മാക്ബുക്ക് എയറിൻറെ സവിശേഷതകൾ ചോർന്നു

എം 2 ചിപ്പ്, പുതിയ കളർ ഓപ്ഷനുകളിൽ വരുന്ന മാക്ബുക്ക് എയർ ഡിസൈൻ റെൻഡർ ചോർന്നു

ഈ വർഷം അവസാനം ആപ്പിൾ 2021 മാക്ബുക്ക് എയർ പുറത്തിറക്കുമെന്ന് പറയുന്നു. ലോഞ്ച് ചെയ്യുന്നതിന് മുൻപുതന്നെ ഈ ലാപ്ടോപ്പ് ഡിസൈൻ റെൻഡറുകൾ ചോർന്നിരുന്നു. ആപ്പിളിൽ നിന്നും വരാനിരിക്കുന്ന "എയർ" മാക്ബുക്കിൻറെ ഡിസൈനിനെ കുറിച്ചുള്ള ഏകദേശ വിവരം ലഭിക്കുമെന്ന് പ്രോസ്സർ ചോർത്തിയ റെൻഡറുകൾ വെളിപ്പെടുത്തുന്നു. എയർ മോഡലിൽ കൂടുതൽ ഫ്ലാറ്റ് ഡിസൈനിന് അനുകൂലമായി വെഡ്ജ് ആകൃതിയിലുള്ള ഡിസൈൻ ആപ്പിളിന് ഒഴിവാക്കാനാകും. ഇതിന് നേർത്തതും ഭാരം കുറഞ്ഞതുമായ ഡിസൈൻ ഉണ്ടാകും. ലാപ്‌ടോപ്പിൻറെ ഇരുവശത്തുമായി രണ്ട് യുഎസ്ബി ടൈപ്പ്-സി പോർട്ടുകൾ ഉണ്ടാകും. വരാനിരിക്കുന്ന മാക്ബുക്ക് മോഡലുകളിൽ ആപ്പിൾ മാഗ് സേഫ് ചാർജിംഗ് സാങ്കേതികവിദ്യ വീണ്ടും അവതരിപ്പിക്കുമോ എന്ന കാര്യം ഇതുവരെ വ്യക്തമല്ല.

മുൻവശത്ത്, ഡിസ്പ്ലേയ്ക്ക് ചുറ്റും കട്ടിയുള്ള വെളുത്ത ബെസെലുകൾ ഉണ്ടാകും. കീബോർഡിന് വെള്ള നിറം നൽകുമെന്ന് പ്രോസ്സർ പറയുന്നു. ഡിസ്‌പ്ലേയുടെ വലിപ്പം നിലവിൽ വ്യക്തമാക്കിയിട്ടില്ല. എയർ മോഡലിലെ ബെസെലുകൾ കുറച്ചുകൊണ്ട് ആപ്പിൾ 14 ഇഞ്ച് മോഡൽ അവതരിപ്പിക്കുമെന്ന് മുൻ റിപ്പോർട്ടുകൾ സൂചിപ്പിക്കുന്നു. 12.9 ഇഞ്ച് ഐപാഡ് പ്രോയിൽ ആപ്പിൾ അവതരിപ്പിച്ച മിനി എൽഇഡി ഡിസ്‌പ്ലേയുമായാണ് ഇത് വിപണിയിൽ വരുന്നത്.

വരാനിരിക്കുന്ന എയർ മോഡൽ ഏഴ് കളർ ഓപ്ഷനുകൾ ലഭ്യമാകുമെന്ന് പ്രോസർ വെളിപ്പെടുത്തുന്നു. ടിപ്പ്സ്റ്റർ നീല, പച്ച നിറങ്ങളിൽ ലാപ്ടോപ്പ് റെൻഡറുകൾ പ്രദർശിപ്പിച്ചു. മാക്ബുക്ക് മോഡലുകൾ ഈ വർഷാവസാനം വിപണിയിലെത്തുമെന്ന് പ്രതീക്ഷിക്കുന്നു. വരാനിരിക്കുന്ന പുതിയ ആപ്പിൾ മാക്ബുക്കുകളെക്കുറിച്ചുള്ള കൂടുതൽ വിശദാംശങ്ങൾ നിങ്ങൾക്ക് ഉടനെ അറിയുവാൻ സാധിക്കുന്നതാണ്.