മൈക്രോസോഫ്റ്റ് സർഫേസ് ലാപ്ടോപ്പ് 4 ഇന്ത്യൻ വിപണിയിൽ എത്തി, വില 102,999 രൂപ മുതൽ

Published: Tuesday, May 25, 2021, 15:22 [IST]

മൈക്രോസോഫ്റ്റ് ഇന്ത്യയിൽ പുതിയ സർഫേസ് ലാപ്ടോപ്പ് 4 പുറത്തിറക്കി. ഈ ലാപ്‌ടോപ്പിലൂടെ കൊമേഴ്ഷ്യൽ, എഡ്യുക്കേഷണൽ ഉപഭോക്താക്കളെയാണ് കമ്പനി ലക്ഷ്യമിടുന്നത്. പുതിയ സർഫേസ് ലാപ്‌ടോപ്പ് 4 ആമസോൺ ഇന്ത്യയിലൂടെയാണ് വിൽപ്പന നടത്തുന്നത്. 13.5 ഇഞ്ച്, 15 ഇഞ്ച് ടച്ച്‌സ്‌ക്രീൻ ഓപ്ഷനുകളിലാണ് പുതിയ സർഫേസ് ലാപ്‌ടോപ്പ് 4 പുറത്തിറക്കിയിരിക്കുന്നത്. 13.5 ഇഞ്ച് പ്രൊഡക്ടിവിറ്റിക്കും പോർട്ടബിലിറ്റിക്കും അനുയോജ്യമാണെന്ന് മൈക്രോസോഫ്റ്റ് പറയുന്നു, 15 ഇഞ്ച് മൾട്ടിടാസ്കിങിന് അനുയോജ്യമായ ലാപ്ടോപ്പാണ്.

മൈക്രോസോഫ്റ്റ് സർഫേസ് ലാപ്ടോപ്പ് 4: വിലയും ലഭ്യതയും

സർഫേസ് ലാപ്ടോപ്പ് 4 ഇന്ത്യയിൽ ആമസോൺ വഴിയാണ് വിൽപ്പനയ്ക്ക് എത്തുന്നത്. റീട്ടെയിൽ സ്റ്റോറുകൾ വഴിയും ഡിവൈസ് ലഭ്യമാകും. യൂസർ എസ്‌കെ‌യു മോഡലുകൾക്ക് പ്രതിമാസം 11,444 രൂപ അടവ് വരുന്ന ഒൻപത് മാസം വരെ നോ കോസ്റ്റ് ഇഎംഐ ഓപ്ഷനും ലഭ്യമാകും. എഎംഡി റൈസൺ, ഇന്റൽ കോർ ഐ 5 ഓപ്ഷനുകളുമായാണ് സർഫേസ് ലാപ്‌ടോപ്പ് 4 വരുന്നത്. എഎംഡി റൈസൺ 5 4680 യു പ്രോസസർ, 8 ജിബി റാം, 256 ജിബി എസ്എസ്ഡി സ്റ്റോറേജ് എന്നിവ ഉള്ള 13.5 ഇഞ്ച് സർഫേസ് ലാപ്‌ടോപ്പ് 4ന് 102,999 രൂപയാണ് വില.

15 ഇഞ്ച് എഎംഡി റൈസൺ 7 4980 യു, 8 ജിബി റാം, 256 ജിബി എസ്എസ്ഡി സ്റ്റോറേജ് മോഡലിന് 134,999 രൂപയാണ് വില. 13.5 ഇഞ്ച് സർഫേസ് ലാപ്‌ടോപ്പ് 4 ഇന്റൽ കോർ ഐ 5-1135 ജി 7 പ്രോസസർ, 16 ജിബി റാം, 512 ജിബി എസ്എസ്ഡി സ്റ്റോറേജ് മോഡലിന് 151,999 രൂപ വിലയുണ്ട്. സർഫേസ് ലാപ്ടോപ്പ് 4 കൊമേഴ്ഷ്യൽ എസ്കെയു മോഡലുകളുടെ വില എഎംഡി റൈസൺ 5 മോഡലിന് 105,499 രൂപയിൽ ആരംഭിക്കുന്നു. കോർ ഐ7 ഓപ്ഷന് 177,499 രൂപ വിലയുണ്ട്.

മൈക്രോസോഫ്റ്റ് സർഫേസ് ലാപ്ടോപ്പ് 4: സവിശേഷതകൾ

13.5 ഇഞ്ച് പിക്‌സൽസെൻസ് ഡിസ്‌പ്ലേയോടുകൂടിയ സർഫേസ് ലാപ്‌ടോപ്പ് 13.5 മോഡലിന് 201 പിപിഐ പിക്‌സൽ ഡെൻസിറ്റി 2256x1504 പിക്‌സൽ സ്‌ക്രീൻ റെസലൂഷൻ എന്നിവ ഉണ്ട്. ഇത് 3: 2 അസ്പാക്ട് റേഷിയോ സപ്പോർട്ട് ചെയ്യുന്നു. 15 ഇഞ്ച് മോഡലിൽ 201 പിപിഐ പിക്‌സൽ ഡെൻസിറ്റി, 2496x1664 പിക്‌സൽ സ്‌ക്രീൻ റെസല്യൂഷൻ എന്നിവയുള്ള 15 ഇഞ്ച് പിക്‌സൽസെൻസ് ഡിസ്‌പ്ലേയാണ് ഉള്ളത്. രണ്ട് ലാപ്ടോപ്പുകളിലും 8 ജിബി, 16 ജിബി, 32 ജിബി എൽപിഡിഡിആർ 4 റാം ഓപ്ഷനുകളുണ്ട്.

സ്റ്റോറേജിന്റെ കാര്യം പരിശോധിച്ചാൽ, സർഫേസ് ലാപ്ടോപ്പ് 4 256 ജിബി, 512 ജിബി, 1 ടിബി സ്റ്റോറേജ് ഓപ്ഷനുകളിൽ ലഭ്യമാകും. 1 യുഎസ്ബി-സി പോർട്ട്, 1 യുഎസ്ബി-എ, 3.5 എംഎം ഓഡിയോ ജാക്ക്, സർഫേസ് കണക്റ്റ് പോർട്ട് എന്നിവയാണ് കണക്റ്റിവിറ്റി ഓപ്ഷനുകൾ. വിൻഡോസ് 10 ഹോമിൽ പ്രവർത്തിക്കുന്ന സർഫേസ് ലാപ്‌ടോപ്പ് 4 അലുമിനിയം കേസിംഗുമായിട്ടാണ് വരുന്നത്. ഈ ലാപ്ടോപ്പുകൾ പ്ലാറ്റിനത്തിൽ അൽകന്റാര മെറ്റീരിയൽ പാം റെസ്റ്റും മെറ്റൽ പാം റെസ്റ്റുള്ള മാറ്റ് ബ്ലാക്ക് കളറിൽ ലഭ്യമാകും. 13.5 ഇഞ്ച് മോഡലിന് 1.2 കിലോഗ്രാം ഭാരവും 15 ഇഞ്ച് മോഡലിന് 1.5 കിലോഗ്രാം ഭാരവുമാണ് ഉള്ളത്.