മാക്‌ബുക്കിൻറെ രൂപകൽപ്പനയിൽ വരുന്ന റിയൽമി ബുക്ക് സ്ലിം ഇന്ത്യയിൽ അവതരിപ്പിക്കും

റിയൽമി ബുക്ക് സ്ലിം സവിശേഷതകൾ

റിയൽമി അതേ ദിവസം തന്നെ ചൈനയിൽ റിയൽമി ബുക്ക് ലാപ്‌ടോപ്പ് അവതരിപ്പിക്കുകയും ഡിസ്പ്ലേ സവിശേഷതകൾ സ്ഥിരീകരിക്കുന്ന ഒരു ടീസർ ചിത്രം പോസ്റ്റ് ചെയ്യുകയും ചെയ്തു. ചൈനയിലെ റിയൽമി ബുക്ക് ഇന്ത്യയിലെ റിയൽമി ബുക്ക് സ്ലിം ആയിരിക്കാം, പക്ഷേ രണ്ടും തികച്ചും വ്യത്യസ്തമായ മോഡലുകളാകാനുള്ള സാധ്യതയുണ്ട്. റിയൽ‌മി ബുക്കിൽ 2160 x 1440 പിക്‌സൽ റെസല്യൂഷനോടുകൂടിയ 2K ഡിസ്പ്ലേ, 3: 2 ആസ്പെക്റ്റ് റേഷിയോ, 100 ശതമാനം എസ്ആർജിബി കളർ ഗാമറ്റ് എന്നിവ ഉണ്ടാകും.

ഈ ലാപ്ടോപ്പിന് ഒരു വലിയ ട്രാക്ക്പാഡ്, മുകളിൽ ബെസലിൽ ഒരു വെബ്ക്യാം, താഴെ ബെസലിൽ റിയൽമി ലോഗോ എന്നിവയുണ്ടെന്ന് പ്രൊമോഷണൽ ചിത്രങ്ങൾ കാണിക്കുന്നു. ഡിസ്പ്ലേയ്ക്ക് ചുറ്റും മെലിഞ്ഞ ബെസലുകളും വലത് ഭാഗത്തായി 3.5 എംഎം ഓഡിയോ ജാക്കും യുഎസ്ബി എ പോർട്ടും ഉണ്ട്. അലുമിനിയം ബോഡി, സിൽവർ കളർ ഓപ്‌ഷനിൽ വരുന്ന ഇവയുടെ ഡിസൈൻ പ്രധാനമായും ആപ്പിൾ മാക്ബുക്കുകളിൽ നിന്ന് പ്രചോദനം ഉൾക്കൊണ്ടാണ് നിർമ്മിച്ചിരിക്കുന്നത്.

റിയൽമി ബുക്ക് സ്ലിം 14 ഇഞ്ച് 2 കെ ഡിസ്‌പ്ലേയിൽ 300 നിറ്റസ് പീക്ക് ബ്രൈറ്റ്‌നെസ് വരുന്നു. ഇന്റൽ എക്‌സ്ഇ ഗ്രാഫിക്സ്, 16 ജിബി റാം, 512 ജിബി പിസിഐഇ സ്റ്റോറേജ് എന്നിവയുള്ള ഇലവൻത്ത് ജനറേഷൻ കോർ i5-1135G7 ടൈഗർ ലേക്ക് പ്രോസസ്സറാണ് ഇതിന് കരുത്ത് പകരുന്നത്. ബോർഡിലെ പോർട്ടുകളിൽ യുഎസ്ബി 3.2 ജെൻ 1, 2x യുഎസ്ബി C 3.1 പോർട്ടുകൾ, 3.5mm ഓഡിയോ ജാക്ക്, ഫിംഗർപ്രിന്റ് സെൻസർ എന്നിവ ഉൾപ്പെടുന്നു. ഈ ലാപ്‌ടോപ്പിന് 1.3 കിലോഗ്രാം ഭാരമുണ്ടെന്നും 65W ഫാസ്റ്റ് ചാർജിംഗിന് സപ്പോർട്ടുള്ള 54Wh ബാറ്ററിയും ലഭിക്കുമെന്ന് പറയപ്പെടുന്നു.