2021ൽ വിപണിയിലെത്തിയ ഏറ്റവും മികച്ച സ്മാർട്ട് വാച്ചുകൾ

2021ൽ ഇന്ത്യൻ വിപണിയിൽ അവതരിപ്പിച്ച മികച്ച സ്മാർട്ട് വാച്ചുകളാണ് നമ്മളിന്ന് പരിചയപ്പെടുന്നത്. ഇതിൽ ആപ്പിൾ, റിയൽമി, ഷവോമി, സാംസങ് തുടങ്ങിയ ബ്രാന്റുകളുടെ ഡിവൈസുകളാണ് ഉള്ളത്. മികച്ച ഫീച്ചറുകളുമായിട്ടാണ് ഈ സ്മാർട്ട് വാച്ചുകൾ വിപണിയിലെത്തിയത്. ഈ സ്മാർട്ട് വാച്ചുകളും അവയുടെ സവിശേഷതകളും വിശദമായി നോക്കാം.

ആപ്പിൾ വാച്ച് സീരീസ് 7

കഴിഞ്ഞ വർഷം ഏറ്റവും മികച്ച സ്മാർട്ട് വാച്ചുകളിലൊന്നായി ജനപ്രിതി നേടിയ ആപ്പിൾ വാച്ച് സീരീസ് 6നെക്കാൾ മികച്ച ഫീച്ചറുകളുമായിട്ടാണ് ആപ്പിൾ വാച്ച് സീരീസ് 7 പുറത്തിറങ്ങിയത്. ഈ വർഷത്തെ ആപ്പിൾ വാച്ച് മോഡലുകൾ വലുപ്പത്തിലും മുന്നിലാണ്. ഫാസ്റ്റ് ചാർജിങ് സപ്പോർട്ടും ഈ ഡിവൈസിൽ ഉണ്ട്. ഈ ഫാസ്റ്റ് ചാർജിങ് ഇന്ത്യയിൽ പുറത്തിറക്കിയ മോഡലുകളിൽ ഇല്ല. വ്യത്യസ്ത കേസിങ് മെറ്റീരിയലുകളിലും ഒന്നിലധികം കളർ ഓപ്ഷനുകളിലും ഈ ഡിവൈസ് ലഭ്യമാണ്. ജിപിഎസ് ഓൺലി, സെല്ലുലാർ-എനേബിൾഡ് മോഡലുകളാണ് ഈ വാച്ചിൽ ലഭ്യമാകുന്നത്. ഇന്ത്യയിൽ 41,900 രൂപ മുതലാണ് ഈ സ്മാർട്ട് വാച്ചുകളുടെ വില ആരംഭിക്കുന്നത്.

ഷവോമി എംഐ വാച്ച് റിവോൾവ് ആക്റ്റീവ്

ഷവോമി എംഐ വാച്ച് റിവോൾവ് 2020ൽ ഏറ്റവും മികച്ച സ്മാർട്ട്ഫോണുകളുടെ പട്ടികയിൽ ഇടം പിടിച്ച സ്മാർട്ട് വാച്ചാണ്. 2021ൽ കമ്പനി എംഐ വാച്ച് റിവോൾവ് ആക്റ്റീവാണ് വിപണിയിലെത്തിച്ചത്. ഈ സ്മാർട്ട് വാച്ചിന് ഫൈബർ-റൈൻഫോഴ്‌സ്ഡ് പോളിമൈഡ് കെയ്‌സ് ആണ് ഉള്ളത്. ഇതിൽ വലിയ 1.39 ഇഞ്ച് അമോലെഡ് ഡിസ്‌പ്ലേയും ഉണ്ട്. ഈ വാച്ചിന്റെ ഭാരം വെറും 35 ഗ്രാം ആണ്. അതുകൊണ്ട് തന്നെ വാച്ച് ധരിക്കുമ്പോൾ യാതൊരു വിധ ബുദ്ധിമുട്ടുകളും ഉണ്ടാകുന്നില്ല. എംഐ വാച്ച് റിവോൾവ് ആക്റ്റീവ് ഷവോമി എസ്പിഒ2 ട്രാക്കിംഗ് ചേർത്തിട്ടുണ്ട്. ഈ സ്മാർട്ട് വാച്ചിന്റെ ഇന്ത്യയിലെ വില ആരംഭിക്കുന്നത് 9,999 രൂപ മുതലാണ്.

മോട്ടോ ജി31, മോട്ടോ ജി51 സ്മാർട്ട്ഫോണുകൾക്ക് 3000 രൂപ വരെ വർധിപ്പിച്ചു

റിയൽമി വാച്ച് 2 പ്രോ

റിയൽമി വാച്ച് 2 പ്രോയ്ക്ക് വലിയ 1.75 ഇഞ്ച് ഡിസ്‌പ്ലേയാണ് ഉള്ളത്. ഇൻ-ബിൽറ്റ് ജിപിഎസ്, എസ്പിഒ2 ലെവലുകൾ ട്രാക്ക് ചെയ്യാനുള്ള കഴിവ് എന്നിവയും ഈ സ്മാർട്ട്വാച്ചിനുണ്ട്. ഇത് വില കുറഞ്ഞൊരു സ്മാർട്ട് വാച്ചാണ്. ഇതിന് ഐഫോണുകളുമായും ആൻഡ്രോയിഡ് സ്‌മാർട്ട്‌ഫോണുകളുമായും ജോടിയാക്കാനും ഒന്നിലധികം കസ്റ്റമൈസേഷൻ ഓപ്‌ഷനുകൾ നൽകാനും കഴിയും. റിയൽമി വാച്ച് 2 പ്രോ ഭാരം കുറഞ്ഞതും ധരിക്കാൻ സൗകര്യപ്രദവുമാണ്. റിയൽമി വാച്ച് 2 പ്രോയുടെ ഇന്ത്യയിലെ വില ആരംഭിക്കുന്നത് 4,999 രൂപ മുതലാണ്. കുറഞ്ഞ വിലയുള്ള സ്മാർട്ട് വാച്ച് വാങ്ങാൻ ആഗ്രഹിക്കുന്നവർക്ക് മികച്ച ചോയിസാണ് റിയൽമി വാച്ച് 2 പ്രോ.

സാംസങ് ഗാലക്സി വാച്ച് 4

വെയർ ഒഎസ് പുനരുജ്ജീവിപ്പിക്കാനായി സാംസങും ഗൂഗിളും ഒരുമിച്ച് പ്രവർത്തിച്ചതിന്റെ ഫലമാണ് സാംസങ് ഗാലക്സി വാച്ച് 4. ഇതിൽ സമാനമായ രണ്ട് മോഡലുകളുണ്ട്, ഗാലക്‌സി വാച്ച് 4, ഗാലക്‌സി വാച്ച് 4 ക്ലാസിക്. ഈ വാച്ചുകൾ മികച്ച രീതിയിൽ രൂപകൽപ്പന ചെയ്‌തിരിക്കുന്നു, അവ എക്സിനോസ് W920 എസ്ഒസിയുടെ കരുത്തിലാണ് പ്രവർത്തിക്കുന്നത്. ഗാലക്‌സി വാച്ച് 4 അലുമിനിയം കൊണ്ടാണ് നിർമ്മിച്ചിരിക്കുന്നത്, ഗാലക്‌സി വാച്ച് 4 ക്ലാസിക് സ്റ്റെയിൻലെസ് സ്റ്റീൽ ഉപയോഗിക്കുന്നു. സാംസങ് ഗാലക്‌സി വാച്ച് 4ന്റെ വില ആരംഭിക്കുന്നത് 23,999 രൂപ മുതലാണ്.

ഒരു യുഗം കൂടി അവസാനിക്കുന്നു, ബ്ലാക്ക്ബെറി പൂർണ്ണമായും ഔദ്യോഗികമായി അടച്ചുപൂട്ടുന്നു