2999 രൂപയ്ക്ക് കിടിലൻ സ്മാർട്ട് വാച്ച്; ഫയർ ബോൾട്ട് നിൻജ കോൾ 2 ഇന്ത്യയിലെത്തി

ഫയർ ബോൾട്ട് നിൻജ കോൾ 2: വില, ലഭ്യത

ഫയർ ബോൾട്ട് നിൻജ കോൾ 2 സ്മാർട്ട് വാച്ചിന്റെ ഇന്ത്യയിലെ വില 2,999 രൂപയാണ്. ഈ വെയറബിൾ ഫ്ലിപ്പ്കാർട്ട് വഴി വാങ്ങാൻ ലഭ്യമാണ്. കമ്പനി വെബ്‌സൈറ്റിലും വിൽപ്പന നടക്കുന്നുണ്ട്. കറുപ്പ്, നീല, ഗോൾഡ്, ചുവപ്പ്, സിൽവർ എന്നീ നിറങ്ങളിൽ ഈ സ്മാർട്ട് വാച്ച് ലഭ്യമാകും. 3000 രൂപയിൽ താഴെ വില വരുന്ന സ്മാർട്ട് വാച്ചുകളുടെ വിഭാഗത്തിൽ ഫയർ ബോൾട്ട് നിൻജ കോൾ 2 വിജയം നേടുമെന്ന കാര്യം ഉറപ്പാണ്. ഈ സ്മാർട്ട് വാച്ച് വാങ്ങാൻ ഫ്ലിപ്പ്കാർട്ട് ആക്സിസ് ബാങ്ക് ക്രഡിറ്റ് കാർഡ് ഉപയോഗിക്കുന്ന ആളുകൾക്ക് 5 ശതമാനം ക്യാഷ്ബാക്ക് ലഭിക്കും. ഇഎംഐ ഓപ്ഷനുകളും ലഭ്യമാണ്.

ഫയർ ബോൾട്ട് നിൻജ കോൾ 2: സവിശേഷതകൾ

240x280 പിക്‌സൽ റെസല്യൂഷനോട് കൂടിയ 1.7 ഇഞ്ച് കർവ്ഡ് ഡിസ്‌പ്ലേയാണ് ഫയർ ബോൾട്ട് നിൻജ കോൾ 2 സ്മാർട്ട് വാച്ചിൽ നൽകിയിട്ടുള്ളത്. ഇത് 200ൽ അധികം വാച്ച് ഫെയ്‌സുകൾ നൽകുന്നു. വാച്ചിന്റെ വലതുവശത്ത് ഒരു ക്രൌൺ നൽകിയിട്ടുണ്ട്. ബ്ലൂടൂത്ത് കോളിങ് ഫീച്ചറുമായിട്ടാണ് ഫയർ-ബോൾട്ട് നിൻജ കോൾ 2 വരുന്നത്. ഈ വെയറബിളിൽ ഇൻബിൽറ്റ് മൈക്രോഫോണും സ്പീക്കറും ഉണ്ട്. ക്വിക്ക് ഡയൽ പാഡ് വഴി കോളുകൾ വിളിക്കാനും കോൾ ഹിസ്റ്ററി കാണാനും കോൺടാക്റ്റ് സേവ് ചെയ്യാനും ഇതിലൂടെ സാധിക്കും. ഈ വില വിഭാഗത്തിൽ സാധാരണ ലഭ്യമാകാത്ത ഫീച്ചറുകളാണ് ഇവ.

ഫയർ ബോൾട്ട് നിൻജ കോൾ 2 സ്മാർട്ട് വാച്ചിൽ നിരവധി ആരോഗ്യ സംബന്ധിയായ ഫീച്ചറുകളും നൽകിയിട്ടുണ്ട്. എസ്പിഒ2 മോണിറ്ററിങ്, 24 മണിക്കൂർ ഹൃദയമിടിപ്പ് നിരീക്ഷണം, സ്ലീപ്പ് ട്രാക്കിങ് എന്നിവയാണ് സ്മാർട്ട് വാച്ചിൽ നൽകിയിട്ടുള്ള പ്രധാന ഹെൽത്ത് ഫീച്ചറുകൾ. ഒരു ബ്രീത്ത് മോഡും ഇതിൽ ഉണ്ട്. സ്‌പോർട്‌സ് ഫീച്ചറുകളുടെ കാര്യത്തിലും ഈ സ്മാർട്ട് വാച്ച് ഒട്ടും പിന്നിലല്ല. ഈ വെയറബിൾ ബാഡ്മിന്റൺ, ക്ലൈംബിംഗ്, സൈക്ലിംഗ്, ഓട്ടം, നടത്തം എന്നിവ ഉൾപ്പെടെ 27 സ്‌പോർട്‌സ് മോഡുകൾ നൽകുന്നു.

ഫയർ ബോൾട്ട് നിൻജ കോൾ 2 പൊടിയും വെള്ളവും പ്രതിരോധിക്കാനുള്ള IP67 റേറ്റിങുമായിട്ടാണ് വരുന്നത്. കമ്പനി പറയുന്നതനുസരിച്ച് 2048, തണ്ടർ ബാറ്റിൽഷിപ്പ്, യംഗ് ബേർഡ് തുടങ്ങിയ പ്രീലോഡഡ് ഗെയിമുകളും ഫയർ-ബോൾട്ട് നിൻജ കോൾ 2 സ്മാർട്ട് വാച്ചിലൂടെ കളിക്കാം. ഈ സ്മാർട്ട് വാച്ച് സാധാരണ ഉപയോഗത്തിൽ 10 ദിവസം വരെയും ബ്ലൂടൂത്ത് കോളിങിൽ അഞ്ച് ദിവസം വരെയും ബാക്ക്അപ്പ് നൽകുമെന്ന് കമ്പനി അവകാശപ്പെടുന്നു.

വിലയും സവിശേഷതകളും പരിശോധിച്ചാൽ ഫയർ-ബോൾട്ട് നിൻജ കോൾ 2 സ്മാർട്ട് വാച്ച് ഇന്ത്യൻ വിപണിയിൽ ലഭ്യമായ മികച്ച ചോയിസ് തന്നെയാണ് എന്ന് വ്യക്തമാകും. ആരോഗ്യ സംബന്ധിയായ ഉപയോഗങ്ങൾക്കും ഫിറ്റ്നസുമായി ബന്ധപ്പെട്ട ഉപയോഗങ്ങൾക്കും ഒരുപോലെ ഫലപ്രദമാണ് ഈ ഫയർ-ബോൾട്ട് നിൻജ കോൾ 2 സ്മാർട്ട് വാച്ച്. കോളിങ് അടക്കമുള്ള ഫീച്ചറുകൾ വരുന്നതിനാൽ തന്നെ മികച്ചൊരു ചോയിസ് ആയിരിക്കും ഈ സ്മാർട്ട് വാച്ച് എന്ന കാര്യത്തിൽ സംശയമില്ല.