7 ദിവസത്തെ ബാറ്ററി ലൈഫുമായി ഗോക്യുഐഐ വൈറ്റൽ 4 ഫിറ്റ്നസ് ബാൻഡ് ഇന്ത്യയിൽ അവതരിപ്പിച്ചു

ഗോക്യുഐഐ വൈറ്റൽ 4 ഇന്ത്യയിലെ വിലയും, വിൽപ്പനയും

പുതിയ ഗോക്യുഐഐ വൈറ്റൽ 4 സ്മാർട്ബാൻഡിന് ഇന്ത്യയിൽ 4,999 രൂപയാണ് വില വരുന്നത്. ഈ സ്മാർട്ബാൻഡ് ആമസോൺ, ഗോക്യുഐഐ ഓൺലൈൻ സ്റ്റോറുകളിൽ വിൽപ്പനയ്ക്കായി ലഭ്യമാക്കിയിട്ടുണ്ട്. ബ്ലാക്ക്, പർപ്പിൾ, റെഡ് സിലിക്കൺ തുടങ്ങിയ കളർ ഓപ്ഷനുകളിൽ ഈ സ്മാർട്ട്ബാൻഡ് വിപണിയിൽ വരുന്നു.

ഗോക്യുഐഐ വൈറ്റൽ 4 സവിശേഷതകൾ

സ്മാർട്ട്‌ഫോണിലും പേഴ്‌സണൽ കോച്ചിംഗിലും വിശദമായ ഡാറ്റ നൽകുന്നതിനായി ഗോക്യുഐഐ അപ്ലിക്കേഷനുമായി പുതിയ ഗോക്യുഐഐ വൈറ്റൽ 4 സ്മാർട്ബാൻഡ് വരുന്നു. ഇതിൽ നിങ്ങളുടെ രക്തചംക്രമണം, സംയോജിത പൾസ് ഓക്സിമീറ്റർ (SpO2), തത്സമയ ഹൃദയമിടിപ്പ് മോണിറ്റർ, രക്തസമ്മർദ്ദം, രക്തത്തിലെ ഗ്ലൂക്കോസ് അളവ് എന്നിവ അളക്കുന്നു. നടത്തം, ഓട്ടം, വ്യായാമം, സൈക്ലിംഗ്, വോളിബോൾ, ടെന്നീസ്, ടേബിൾ ടെന്നീസ്, നൃത്തം, ബാസ്കറ്റ് ബോൾ, ക്രിക്കറ്റ്, യോഗ, വിശ്രമം, സിറ്റപ്പുകൾ, സോക്കർ, ക്ലൈംബിംഗ്, എയ്റോബിക്സ്, ജമ്പിംഗ് റോപ്പ് എന്നിങ്ങനെ 17 വ്യായാമ മോഡുകൾ ഇവിടെയുണ്ട്. എല്ലാ പ്രവർത്തനങ്ങളും വൈറ്റൽ 4 സ്മാർട്ബാൻഡിൽ 3 മുതൽ 4 ദിവസം വരെ നീണ്ടുനിൽക്കുമെന്നും തുടർച്ചയായ ഹൃദയമിടിപ്പും താപനില നിരീക്ഷണവും സ്വിച്ച് ചെയ്തുകൊണ്ട് നിങ്ങൾക്ക് 7-8 ദിവസം വരെ പ്രവർത്തനസമയം നീട്ടാൻ കഴിയുമെന്നും കമ്പനി 7 ദിവസം വരെ ബാറ്ററി ലൈഫ് നൽകുമെന്നും അവകാശപ്പെടുന്നു.

ഗോക്യുഐഐ വൈറ്റൽ 4ൽ 120x120 പിക്‌സൽ റെസല്യൂഷനോടുകൂടിയ ഒരു അമോലെഡ് കളർ ഡിസ്‌പ്ലേയുണ്ട്. ഇത് ഐപി 68 വാട്ടർ ആൻഡ് ഡസ്റ്റ് റെസിസ്റ്റൻസ് വരുന്നു, ഒപ്പം മ്യൂസിക് ഫൈൻഡർ, ഫോൺ ഫൈൻഡർ, സന്ദേശങ്ങൾ, കോളുകൾ, ചാറ്റ് അപ്ലിക്കേഷനുകൾ എന്നിവയ്ക്കുള്ള നോട്ടിഫിക്കേഷനുകളും ലഭിക്കും. സമയബന്ധിതമായ അപ്‌ഡേറ്റുകൾ, അലാറങ്ങൾ, റിമൈൻഡറുകൾ എന്നിവ ക്രമീകരിക്കുന്നതിനുമുള്ള ഓപ്‌ഷനുകളുണ്ട്. ഗോക്യുഐഐ അപ്ലിക്കേഷൻ നിരവധി വാച്ച് ഫെയ്‌സുകളും ഇതിൽ നൽകിയിട്ടുണ്ട്.