8 ചാനൽ പിപിജി ഹാർട്ട് റേറ്റ് സെൻസറുള്ള ഹോണർ വാച്ച് ജിഎസ് 3 അവതരിപ്പിച്ചു

ഹോണർ വാച്ച് ജിഎസ് 3 യുടെ സവിശേഷതകൾ

ഹോണർ വാച്ച് ജിഎസ് 3 കഴിഞ്ഞ വർഷം പുറത്തിറക്കിയ ഹോണർ വാച്ച് ജിഎസ് പ്രോയുടെ പിൻഗാമിയായി വരുന്നു. ഈ സ്മാർട്ട് വാച്ച് മുൻ മോഡലിൽ അവതരിപ്പിച്ച വൃത്താകൃതിയിലുള്ള ഡിസൈനുമായാണ് വരുന്നത്. പക്ഷേ, ഒരു വലിയ മാറ്റമെന്നത് ഈ പുതിയ വാച്ചിൽ എട്ട് ചാനൽ പിപിജി സെൻസർ ഉണ്ട്. ഇത് കൂടുതൽ കൃത്യമായ ഹാർട്ട് റേറ്റ് മോണിറ്ററിങ് നൽകാൻ ആർട്ടിഫിഷ്യൽ ഇന്റലിജൻസ് (AI) സപ്പോർട്ടുള്ള അൽഗോരിതങ്ങൾ ഉപയോഗിച്ചിരിക്കുന്നു.

ഈ വാച്ച് ധരിച്ചുകൊണ്ട് ഒരാൾ കഠിനമായ വ്യായാമം ചെയ്യുമ്പോൾ ഹൃദയമിടിപ്പ് നീരിക്ഷിക്കുവാൻ സഹായിക്കുന്ന ഫ്രീക്വൻസി ട്രാക്കിംഗ് അൽഗോരിതം ആണ് പിപിജി സെൻസർ ഉപയോഗിക്കുന്ന പ്രധാന അൽഗോരിതം. മൊത്തത്തിൽ, മികച്ച ഹാർട്ട്റേറ്റ് ട്രാക്കിംഗിനായി സോഫ്റ്റ്‌വെയറും ഹാർഡ്‌വെയർ സപ്പോർട്ടും ഉപയോഗിക്കാനാണ് ഹോണർ വാച്ച് ജിഎസ് 3 രൂപകൽപ്പന ചെയ്തിരിക്കുന്നതെന്ന് ചൈനീസ് കമ്പനി അറിയിച്ചു. ഹോണർ വാച്ച് ജിഎസ് 3 യിൽ രണ്ട് ഫിസിക്കൽ ബട്ടണുകളും ഉണ്ട്, കൂടാതെ ടച്ച്‌സ്‌ക്രീനും ഉണ്ട്. ഈ സ്മാർട്ട് വാച്ചിൻറെ വിശദമായ സവിശേഷതകൾ ഇതുവരെ വെളിപ്പെടുത്തിയിട്ടില്ല.

ഹോണർ വാച്ച് ജിഎസ് 3 യുടെ കൂടുതൽ സവിശേഷതകൾ അറിയുവാൻ ഇപ്പോൾ ആരാധകർ കാത്തിരിക്കുകയാണ്, നിലവിൽ ഈ ഹോണർ വാച്ച് ജിഎസ് 3 പ്രഖ്യാപിച്ചെങ്കിലും ഇതിൻറെ വിലയോ മറ്റുള്ള ഓഫറുകളോ ഒന്നും തന്നെ വ്യക്തമാക്കിയിട്ടില്ല. ഈ കഴിഞ്ഞ വ്യാഴാഴ്ച്ച നടന്ന ഇവന്റിലാണ് ഈ സ്മാർട്ട് വാച്ച് ഹോണർ അവതരിപ്പിച്ചത്. ഈ ഇവന്റിൽ സ്മാർട്ട് വാച്ചിനൊപ്പം 120 ഹെർട്സുള്ള ഹോണർ ടാബ് വി7 പ്രോയും ലോഞ്ച് ചെയ്തിട്ടുണ്ട്.