Smartwatch: നോയ്‌സ് കളർഫിറ്റ് പ്രോ 4, കളർഫിറ്റ് പ്രോ 4 മാക്‌സ് സ്മാർട്ട് വാച്ചുകൾ ഇന്ത്യയിലെത്തി

ജനപ്രിയ വെയറിബിൾ ബ്രാന്റായ നോയ്സ് പുതിയ രണ്ട് സ്മാർട്ട് വാച്ചുകൾ (Smartwatch) ഇന്ത്യയിൽ അവതരിപ്പിച്ചു. നോയ്‌സ് കളർഫിറ്റ് പ്രോ 4, കളർഫിറ്റ് പ്രോ 4 മാക്‌സ് എന്നീ ഡിവൈസുകളാണ് രാജ്യത്ത് ലോഞ്ച് ചെയ്തിരിക്കുന്നത്. രണ്ട് വാച്ചുകളും ഔദ്യോഗിക ഐപി റേറ്റിങ്, ബ്ലൂടൂത്ത് കോളിങ് സപ്പോർട്ട്, 100 സ്‌പോർട്‌സ് മോഡുകൾ എന്നിങ്ങനെയുള്ള മികച്ച ഫീച്ചറുകളുമായി വരുന്നു. ഈ ഏറ്റവും പുതിയ സ്മാർട്ട് വാച്ചുകളുടെ വിലയും സവിശേഷതകളും വിശദമായി നോക്കാം.

നോയിസ് കളർഫിറ്റ് പ്രോ 4: ഫീച്ചറുകളും വിലയും

നോയ്‌സ് കളർഫിറ്റ് പ്രോ 4 സ്മാർട്ട്ഫോണിൽ 311 ppi പിക്സൽ ഡെൻസിറ്റിയും 500 nits ബ്രൈറ്റ്നസും ഉള്ള 1.72 ഇഞ്ച് ഡിസ്പ്ലേയാണ് ഉള്ളത്. മുകളിൽ സൂചിപ്പിച്ചതുപോലെ ഈ വാച്ച് ബ്ലൂടൂത്ത് കോളിങ് സപ്പോർട്ടുമായി വരുന്നു. അതുകൊണ്ട് തന്നെ നിങ്ങളുടെ കൈത്തണ്ടയിൽ നിന്ന് നേരിട്ട് കോൾ എടുക്കാൻ പോലും വാച്ചിലൂടെ സാധിക്കുന്നു. മെനു സ്ക്രോൾ ചെയ്യാനും വോളിയം സെറ്റ് ചെയ്യാനും വാച്ച് ഫെയ്‌സുകൾ മാറ്റാനും സാധിക്കുന്ന വിധത്തിലുള്ള ക്രൌൺ ആണ് ഈ വാച്ചിലുള്ളത്.

നോയ്‌സ് കളർഫിറ്റ് പ്രോ 4ലെ 100 സ്‌പോർട്‌സ് മോഡുകളുമായി വരുന്നു. സൈക്ലിംഗ്, നടത്തം, ഓട്ടം, ഹൈക്കിങ് അടക്കമുള്ളവയെല്ലാം ഈ സ്പോർട്സ് മോഡുകളിൽ ഉൾപ്പെടുന്നു. ഹൃദയമിടിപ്പ് സെൻസർ, സ്ലീപ്പ് മോണിറ്ററിങ്, അലാറം, സ്റ്റോക്ക് മാർക്കറ്റ് അപ്‌ഡേറ്റുകൾ, സ്‌മാർട്ട് നോട്ടിഫിക്കേഷൻ തുടങ്ങിയവയെല്ലാം ഈ വാച്ചിൽ നോയിസ് നൽകിയിട്ടുണ്ട്. ഈ സ്മാർട്ട് വാച്ച് 3499 രൂപയ്ക്ക് ലഭ്യമാകും. ആമസോൺ വഴി ജൂലൈ 4 മുതലാണ് വാച്ചിന്റെ വിൽപ്പന നടക്കുന്നത്. മിന്റ് ഗ്രീൻ, ഡീപ് വൈൻ, റോസ് പിങ്ക്, മിഡ്‌നൈറ്റ് ബ്ലൂ എന്നിങ്ങനെയുള്ള കളർ ഓപ്ഷനുകളിൽ ഈ വാച്ച് ലഭ്യമാകും.

നോയ്‌സ് കളർഫിറ്റ് പ്രോ 4 മാക്‌സ്: ഫീച്ചറുകളും വിലയും

നോയ്‌സ് കളർഫിറ്റ് പ്രോ 4 മാക്‌സിൽ 1.8 ഇഞ്ച് ഡിസ്‌പ്ലേയാണ് ഉള്ളത്. ബ്ലൂടൂത്ത് കോളിങ് ഓപ്ഷൻ ഈ വാച്ചിലും ഉണ്ട്. പ്രോ 4 മോഡലിൽ ഇല്ലാത്ത ബിൽറ്റ്-ഇൻ അലക്സാ വോയ്‌സ് അസിസ്റ്റന്റ് സപ്പോർട്ട് മാക്സ് മോഡലിൽ ഉണ്ട്. ഹൃദയമിടിപ്പ് സെൻസർ, SpO2 സെൻസർ, സ്ലീപ്പ് മോണിറ്ററിങ് എന്നിവയും ഈ വാച്ചിൽ നൽകിയിട്ടുണ്ട്. 150ൽ അധികം വാച്ച് ഫെയ്‌സുകൾ, സ്‌മാർട്ട് നോട്ടിഫിക്കേഷൻസ് എന്നിവയും ഈ വാച്ചിൽ ഉണ്ട്. വാട്ടർ, ഡസ്റ്റ് റസിസ്റ്റൻസ് എന്നിവയ്ക്കായി ഇത് IP68 റേറ്റിങുമായിട്ടാണ് വരുന്നത്.

നോയ്‌സ് കളർഫിറ്റ് പ്രോ 4 മാക്‌സിന് 3,999 രൂപയാണ് വില, ജൂലൈ 4 മുതലാണ് ഈ ഡിവൈസിന്റെ വിൽപ്പന നടക്കുന്നത്. ആമസോൺ ഇന്ത്യ വഴി നടക്കുന്ന വിൽപ്പനയിലൂടെ ജെറ്റ് ബ്ലാക്ക്, വിന്റേജ് ബ്രൗൺ, റോസ് ഗോൾഡ്, സിൽവർ ഗ്രേ, നേവി ഗോൾഡ് കളർ ഓപ്ഷനുകളിൽ ഈ ഡിവൈസ് ലഭ്യമാകും. നിങ്ങൾ ദൈനംദിന ഉപയോഗത്തിനായി ഒരു സ്മാർട്ട് വാച്ച് വാങ്ങണം എന്ന് ആഗ്രഹിക്കുന്നുണ്ട് എങ്കിൽ നോയ്‌സ് കളർഫിറ്റ് പ്രോ 4, കളർഫിറ്റ് പ്രോ 4 മാക്‌സ് എന്നിവ മികച്ച ഓപ്ഷനുകളാണ്.

നോയ്‌സ് കളർഫിറ്റ് പ്രോ 4, കളർഫിറ്റ് പ്രോ 4 മാക്‌സ് എന്നീ സ്മാർട്ട് വാച്ചുകൾ 4000 രൂപയിൽ താഴെ വിലയിൽ സ്വന്തമാക്കാവുന്ന മികച്ച ഡിവൈസുകളാണ്. ഈ വില വിഭാഗത്തിൽ ബ്ലൂട്ടൂത്ത് കോളിങ് ഫീച്ചറുമായി വരുന്ന അപൂർവ്വം സ്മാർട്ട് വാച്ചുകൾ മാത്രമേ ഉള്ളു. അതുകൊണ്ട് തന്നെ നോയ്‌സ് കളർഫിറ്റ് പ്രോ 4, കളർഫിറ്റ് പ്രോ 4 മാക്‌സ് സ്മാർട്ട് വാച്ചുകൾ വിപണിയിൽ വിജയം നേടുമെന്ന് ഉറപ്പാണ്.

ഇത്രയും കളർ ഓപ്ഷനുകൾ നൽകുന്നു എന്നത് ജനപ്രിതി വർധിപ്പിക്കും. ആമസോണിൽ നിലവിൽ ഈ സ്മാർട്ട് വാച്ചിന് ഓഫറുകൾ നൽകുന്നതായി കാണുന്നില്ല. ആദ്യ വിൽപ്പനയിൽ ബാങ്ക് ഓഫറുകൾ ലഭിക്കാൻ സാധ്യതയുണ്ട്. പ്രത്യേക ഓഫറുകൾ ലഭിക്കുന്ന സെയിലുകൾ ആമസോണിൽ വരാനിരിക്കുന്നുണ്ട് എന്നതിനാൽ നിങ്ങൾക്ക് ഇത്തരം സെയിൽ വരെ കാത്തിരിക്കാം.