വൺപ്ലസ് വാച്ച് ഹാരി പോട്ടർ എഡിഷൻ ഇന്ത്യയിൽ ഉടനെ അവതരിപ്പിച്ചേക്കും

വൺപ്ലസ് വാച്ച് ഹാരി പോട്ടർ എഡിഷൻ റിലീസ് ഇന്ത്യയിൽ

വൺപ്ലസ് വാച്ച് ഹാരി പോട്ടർ എഡിഷൻ നിലവിൽ പരിമിതമായ വിപണികളിൽ ലഭ്യമാണ്. ഇപ്പോൾ, വൺപ്ലസ് വാച്ച് ഹാരി പോട്ടർ എഡിഷൻ വരും ആഴ്ചകളിൽ ഇന്ത്യൻ വിപണിയിൽ എത്തുമെന്ന് 91 മൊബൈൽ റിപ്പോർട്ടിൽ ടിപ്സ്റ്റർ ഇഷാൻ അഗർവാൾ വെളിപ്പെടുത്തി. എന്നാൽ, ഈ സ്മാർട്ട് വാച്ച് കൃത്യമായി എപ്പോൾ അവതരിപ്പിക്കുമെന്ന കാര്യം ഇതുവരെ സൂചിപ്പിച്ചിട്ടില്ല. വൺപ്ലസ് ഉടൻ തന്നെ ഈ സ്പെഷ്യൽ എഡിഷൻ സ്മാർട്ട് വാച്ചിനെ കുറിച്ച് സൂചനകൾ നൽകുവാൻ തുടങ്ങുമെന്ന് ടിപ്സ്റ്റർ പറയുന്നു.

ഇന്ത്യയിൽ വൺപ്ലസ് വാച്ച് ഹാരി പോട്ടർ എഡിഷന് പ്രതീക്ഷിക്കുന്ന വില

യഥാർത്ഥ വൺപ്ലസ് വാച്ച് ഇന്ത്യൻ വിപണിയിൽ 14,999 രൂപയ്ക്കാണ് അവതരിപ്പിച്ചത്. വൺപ്ലസ് വാച്ച് കോബാൾട്ട് ലിമിറ്റഡ് എഡിഷനും കമ്പനി 19,999 രൂപയ്ക്ക് പുറത്തിറക്കി. ഇപ്പോൾ, വൺപ്ലസ് വാച്ച് ഹാരി പോട്ടർ എഡിഷൻ ഉടൻ വരുന്നു. വൺപ്ലസ് വാച്ച് ഹാരി പോട്ടർ എഡിഷൻറെ വില മുകളിൽ സൂചിപ്പിച്ച വിലയിൽ കുറയാം അല്ലെങ്കിൽ യഥാർത്ഥ വൺപ്ലസ് വാച്ചിന് തുല്യമാകാം എന്നാണ് ഇതുവരെയുള്ള നിഗമനം.

വൺപ്ലസ് വാച്ച് ഹാരി പോട്ടർ എഡിഷൻറെ സവിശേഷതകൾ

വൺപ്ലസ് വാച്ച് ഹാരി പോട്ടർ എഡിഷൻ സ്മാർട്ട് വാച്ചിൽ ഹോഗ്വാർട്ട്സ്, ഹോഗ്വാർട്ട്സ് സീൽ, ഗ്രിഫിൻഡോർ, സ്ലിതറിൻ, ഹഫ്ൾപഫ്, റാവൻക്ലോ എന്നിവ ഉൾപ്പെടുന്നു. വീട്ടുപേരുകളുള്ള വാച്ച് ഫെയ്സുകളിൽ വീടിൻറെ പതാകയും അതിൻറെ നിറവും നൽകിയിട്ടുണ്ട്. ഇതിനുപുറമെ, വൺപ്ലസ് വാച്ച് ഹാരി പോട്ടർ എഡിഷൻറെ മിക്ക സവിശേഷതകളും യഥാർത്ഥ മോഡലുമായി സാമ്യത പുലർത്തും. ഇത് എച്ച്ഡി റെസല്യൂഷനോടുകൂടിയ 1.39 ഇഞ്ച് അമോലെഡ് ഡിസ്പ്ലേയുമായി വരും. ആൻഡ്രോയ്‌ഡ് ഓപ്പറേറ്റിംഗ് സിസ്റ്റത്തെ അടിസ്ഥാനമാക്കിയുള്ള ആർടിഒഎസിൽ പ്രവർത്തിക്കും. അതേ 402 എംഎഎച്ച് ബാറ്ററി വൺപ്ലസ് വാച്ച് ഹാരി പോട്ടർ എഡിഷനിൽ ഉണ്ടാകും, ഇത് 14 ദിവസം വരെ നിലനിൽക്കുമെന്ന് അവകാശപ്പെടുന്നു. വൺപ്ലസ് വാച്ച് ഹാരി പോട്ടർ എഡിഷൻ തീർച്ചയായും ഹാരി പോട്ടർ ആരാധകർക്ക് ഒരു വാർത്ത തന്നെയായിരിക്കും. മൈക്രോഫോൺ, സ്പീക്കർ, കോൾ സപ്പോർട്ട് എന്നിവയുൾപ്പെടെയുള്ള ഒരു സാധാരണ സ്മാർട്ട് വാച്ചിൻറെ എല്ലാ സവിശേഷതകളും പ്രത്യേക വാച്ച് ഫെയ്‌സുകളുമായി വരുന്നു.