റിയൽമിയുടെ സബ് ബ്രാന്റായ ഡിസോ ഇന്ത്യയിൽ എത്തി, ആദ്യ പ്രൊഡക്ട് ഇയർഫോൺ

ഡിസോ ഗോപോഡ്സ് ഡി: വില, വിൽപ്പന

ഡിസോ ഗോപോഡ്സ് ഡിയുടെ വില 1,599 രൂപയാണ്. ജൂലൈ 14ന് ഉച്ചയ്ക്ക് 12 മണി മുതൽ ഈ ഡിവൈസ് ഫ്ലിപ്പ്കാർട്ടിലൂടെ വിൽപ്പനയ്ക്ക് എത്തും. ആദ്യ വിൽപ്പനയിൽ തന്നെ നിങ്ങൾ ഈ ട്രൂലി വയർലെസ് ഇയർബഡ്സ് വാങ്ങുകയാണെങ്കിൽ, നിങ്ങൾക്ക് വെറും 1,399 രൂപയ്ക്ക് ഇത് സ്വന്തമാക്കാം. ഈ വില നോക്കിയാൽ ഇന്ത്യയിലെ ഏറ്റവും വിലകുറഞ്ഞ വയർലെസ് ഇയർബഡ്സിലൊന്നായി ഗോപോഡ്സ് ഡി മാറും. ഈ ഇയർബഡ്സ് വെള്ള, കറുപ്പ് എന്നീ നിറങ്ങളിൽ ലഭ്യമാകും.

ഡിസോ വയർലെസ്: വിലയും വിൽപ്പനയും

1,499 രൂപയാണ് ഡിസോ വയർലെസിന്റെ വില. ഫ്ലിപ്പ്കാർട്ടിലെ ആദ്യ വിൽപ്പനയിലൂടെ ഈ ഡിവൈസ് നിങ്ങൾക്ക് 1,299 രൂപയ്ക്ക് ലഭിക്കും. ഡിസോയുടെ ഈ നെക്ക്ബാൻഡ് ഇയർഫോണുകൾ നാല് നിറങ്ങളിൽ ലഭ്യമാകും. ജൂലൈ 7ന് ഉച്ചയ്ക്ക് 12 മണി ഡിവൈസ് വിൽപ്പനയ്ക്ക് എത്തും. കുറഞ്ഞ വിലയിൽ പ്രൊഡക്ടുകൾ നൽകുക എന്ന തന്ത്രമാണ് റിയൽമിയുടെ വിജയത്തിന് കാരണം. ഇത് തന്നെയാണ് ഡിസോയുടെ കാര്യത്തിലും കാണുന്നത്.

ഡിസോ ഗോപോഡ്സ് ഡി: സവിശേഷതകൾ

പരമാവധി ബാസ് ഉൽ‌പാദിപ്പിക്കുന്നതിന് ബാസ് ബൂസ്റ്റ് + അൽ‌ഗോരിതം ഉപയോഗിച്ച് പ്രവർത്തിക്കുന്ന 10 എംഎം വലിയ ബാസ് ഡ്രൈവറുകളാണ് ഡിസോ ഗോപോഡ്സ് ഡിയിൽ നൽകിയിട്ടുള്ളത്. ഈ ഇയർബഡ്സിലെ ഓഡിയോ നിലവാരം ശക്തമാണെന്നും അവയിൽ പാട്ടുകൾ കേൾക്കുന്നത് മികച്ച അനുഭവം ആയിരിക്കുമെന്നും ഡിസോ അവകാശപ്പെട്ടു. ഇൻ‌-ഇയർ ഡിസൈനാണ് ഇതിലുള്ളത്. ചെവികളിൽ സുഖമമായി ഇരിക്കാൻ സിലിക്കൺ ഇയർടിപ്സും ഇതിൽ ഉണ്ട്. കറുപ്പും വെളുപ്പും നിറങ്ങളിൽ റേഡിയൽ മെറ്റാലിക് ടെക്സ്ചറോടെയാണ് ഇത് വരുന്നത്.

ഡിസോ ഗോപോഡ്സ് റിയൽ‌മി ലിങ്ക് ആപ്പ് സപ്പോർട്ട് ചെയ്യുന്നു. അതുകൊണ്ട് തന്നെ ഇയർബഡ്സ് സോഫ്റ്റ്‌വെയർ അപ്‌ഡേറ്റ് ചെയ്യാനും മറ്റ് സെറ്റിങ്സിനും ഇത് ഉപയോഗിക്കാം. ചാർജിംഗ് കേസോടെ മൊത്തം 20 മണിക്കൂർ പ്ലേബാക്ക് ടൈം നൽകുന്ന ഡിവൈസിൽ 400mAh ബാറ്ററിയാണ് ഉള്ളത്. ഓരോ ഇയർബഡിനും 40mAh ബാറ്ററിയും ഉണ്ട്. മിനിമം ലാഗ് 110 മീറ്റർ ലേറ്റൻസിയുള്ള ഗെയിം മോഡും ഉണ്ട്. ഡിസോ ഗോപോഡ്സ് ഡി ഗൂഗിളിന്റെ ഫാസ്റ്റ് പെയർ സാങ്കേതികവിദ്യയും സപ്പോർട്ട് ചെയ്യുന്നു.

ഡിസോ വയർലെസ്: സവിശേഷതകൾ

ഇയർഫോണുകളിൽ മിക്ക ആളുകൾക്കും ഇഷ്ടപ്പെടുന്ന നെക്ക്ബാൻഡ് ടൈപ്പാമ് ഡിസോ വയർലെസ്. രണ്ട് ഇയർബഡുകളെ ബന്ധിപ്പിക്കുന്ന ഒരു വയറോടെയാണ് ഇത് വരുന്നത്. വലതുവശത്ത് പ്ലേബാക്ക് കൺട്രോളുകൾ നൽകിയിട്ടുണ്ട്. 23.1 ഗ്രാം ഭാരമുള്ള ഈ ഡിവൈസിൽ സിലിക്കൺ ഇയർ ടിപ്പുകളാണ് ഉള്ളത്. മാഗ്നെറ്റിക് ഫാസ്റ്റ് പെയർ (എം‌എഫ്‌പി) സാങ്കേതികവിദ്യയും ഇതിൽ നൽകിയിട്ടുണ്ട്.

ഡിസോ വയർലെസിന് 11.2 എംഎം വലിയ ഡ്രൈവറും ബാസ് ബൂസ്റ്റ് + അൽഗോരിതവും ഉണ്ട്. നെക്ക്ബാൻഡ് ഇയർഫോൺസിൽ 88 മീറ്റർ സൂപ്പർ ലാറ്റൻസി ഗെയിം മോഡും നൽകിയിട്ടുണ്ട്. നോയിസ് ക്യാൻസലേഷൻ, 150 എംഎഎച്ച് ബാറ്ററി എന്നിവയാണ് ഈ ഡിവൈസിന്റെ മറ്റ് സവിശേഷതകൾ. ഇതിലുള്ള ബാറ്ററി മൊത്തം 17 മണിക്കൂർ പ്ലേബാക്ക് ടൈം നൽകുന്നു. 2 മണിക്കൂർ കൊണ്ട് ഇത് ചാർജ് ചെയ്യാം.