ഇന്ത്യയിലെ സ്മാർട്ട് ടിവി വിപണി പിടിച്ചെടുക്കാൻ റെഡ്മി, പുതിയ സ്മാർട്ട് ടിവിയുടെ വില 15,999 രൂപ മുതൽ

എംഐ ടിവി സീരിസുമായിട്ടാണ് ഷവോമി ഇന്ത്യയിലെ സ്മാർട്ട് ടിവി വിപണിയിലേക്ക് കടന്നത്. ഈ വർഷം കമ്പനി രാജ്യത്ത് റെഡ്മി ടിവികൾ എത്തിച്ച് തുടങ്ങി. പുതിയ റെഡ്മി ടിവിയുടെ പ്രധാന സവിശേഷത ഇത് ആൻഡ്രോയിഡ് 11 ഒഎസിൽ പ്രവർത്തിക്കുന്ന ടിവിയാണ് എന്നതാണ്. ബിൽറ്റ്-ഇൻ ക്രോം കാസ്റ്റ് ഫീച്ചറും ഈ സ്മാർട്ട് ടിവിക്ക് ഉണ്ട്. ഗൂഗിൾ അസിസ്റ്റന്റ് സപ്പോർട്ടുള്ള റെഡ്മി സ്മാർട്ട് ടിവി ഡ്യുവൽ ബാൻഡ് വൈഫൈ, 20W സ്പീക്കറുകൾ, ഡോൾബി ഓഡിയോ എന്നിവയും സപ്പോർട്ട് ചെയ്യുന്നു.

റെഡ്മി സ്മാർട്ട് ടിവി: വില

ഇന്ത്യയിൽ റെഡ്മി സ്മാർട്ട് ടിവിയുടെ 32 ഇഞ്ച് വേരിയന്റിന് 15,999 രൂപയാണ് വില. 43 ഇഞ്ച് സ്ക്രീൻ വലിപ്പമുള്ള മോഡലിന് ഇന്ത്യയിൽ 25,999 രൂപയാണ് വില. റെഡ്മി സ്മാർട്ട് ടിവിയുടെ കൃത്യമായ വിൽപ്പന തീയതി ഷവോമി ഇതുവരെ പ്രഖ്യാപിച്ചിട്ടില്ല. ദീപാവലിയോട് അടുത്തായിരിക്കും ഈ ടിവിയുടെ വിൽപ്പന. എംഐ, ആമസോൺ എന്നിവയിലൂടെ ടിവി വിൽപ്പനയ്ക്ക് എത്തും. ആമസോൺ ഗ്രേറ്റ് ഇന്ത്യൻ ഫെസ്റ്റിവൽ സെയിലിന്റെ ഭാഗമായിട്ടായിരിക്കും ടെലിവിഷൻ വിൽപ്പനയ്ക്ക് എത്തിക്കുക. ഉത്സവ സീസണിൽ ഒരു പ്രത്യേക ഓഫർ വിലയിൽ ഈ ടിവി ലഭ്യമാകും. ഈ വില ഇതുവരെ പ്രഖ്യാപിച്ചില്ല.

റെഡ്മി സ്മാർട്ട് ടിവി: സവിശേഷതകൾ

മുകളിൽ സൂചിപ്പിച്ചത് പോലെ റെഡ്മി സ്മാർട്ട് ടിവി 32 ഇഞ്ച്, 43 ഇഞ്ച് എന്നിങ്ങനെ രണ്ട് സ്ക്രീൻ വലുപ്പങ്ങളിലാണ് ലഭ്യമാകുന്നത്. 32 ഇഞ്ച് വേരിയന്റിൽ എച്ച്ഡി ഡിസ്പ്ലേയും 43 ഇഞ്ച് വേരിയന്റിൽ ഫുൾ എച്ച്ഡി ഡിസ്പ്ലേയുമാണ് ഉള്ളത്. കസ്റ്റമൈസബിൾ പിക്ച്ചർ കൺട്രോൾസുമായിട്ടാണ് റെഡ്മിയുടെ ഈ പുതിയ സ്മാർട്ട് ടിവികൾ വരുന്നത്. ടിവിയിലെ കണക്റ്റിവിറ്റി ഓപ്ഷനുകളിൽ എച്ച്ഡിഎംഐ, 3.5mm ജാക്ക്, യുഎസ്ബി, എവി, ഇഥർനെറ്റ്, ആന്റിന പോർട്ടുകൾ എന്നിവയാണ് ഉള്ളത്.

റെഡ്മി സ്മാർട്ട് ടിവി ആൻഡ്രോയിഡ് 11 ബേസ്ഡ് പാച്ച്വാൾ യുഐ 4ൽ പ്രവർത്തിക്കുന്നു. ഈ കസ്റ്റം സ്കിന്നുമായി വരുന്ന ആദ്യത്തെ സ്മാർട്ട് ടിവിയല്ല ഇത്. എംഐ ടിവി 5എക്സിൽ ഷവോമി ഈ ആൻഡ്രോയിഡ് 11 ബേസ്ഡ് പാച്ച്വാൾ യുഐ 4 ആണ് നൽകിയിട്ടുള്ളത്. റെഡ്മി സ്മാർട്ട് ടിവിയിലെ ഒഎസ് IMDb ഇന്റഗ്രേഷനുമായിട്ടാണ് വരുന്നത്. ഇത് കണ്ടന്റ് പേജിൽ നിന്ന് നേരിട്ട് സിനിമകളുടെയും ഷോകളുടെയും റേറ്റിങുകൾ പരിശോധിക്കാൻ ആളുകളെ സഹായിക്കുന്നു.

ഡോൾബി ഓഡിയോ സപ്പോർട്ടുള്ള 20W സ്പീക്കറുകളുമായിട്ടാണ് റെഡ്മി സ്മാർട്ട് ടിവി വരുന്നത്. ഓഡിയോ സിസ്റ്റത്തിൽ സറൗണ്ട് സൌണ്ടിനായി ഡിടിഎസ് വെർച്വൽ: എക്സും നൽകിയിട്ടുണ്ട്. റെഡ്മി സ്മാർട്ട് ടിവിയിലെ മറ്റ് സവിശേഷതകളിൽ ഡ്യുവൽ ബാൻഡ് വൈഫൈ, ബ്ലൂടൂത്ത് 5.0, ഓട്ടോ ലോ ലാറ്റൻസി മോഡ് എന്നിവയാണ് ഉള്ളത്. ഡിസ്പ്ലേയിൽ വിവിഡ് പിക്ചർ എഞ്ചിനാണ് റെഡ്മി ഉപയോഗിക്കുന്നത്. ഷവോമിയുടെ മെയ്ക്ക് ഇൻ ഇന്ത്യ പ്രൊജക്ടുകലുടെ ഭാഗമായാണ് ഈ ടിവി വരുന്നത്. അതുകൊണ്ട് തന്നെ ഇവ ഇന്ത്യൻ നിർമ്മിച ടിവിയാണ് എന്ന് നിസംശയം പറയാം.