റൊട്ടേറ്റിങ് സ്ക്രീനുമായി സാംസങ് സെറോ 4കെ ക്യുഎൽഇഡി ടിവി ഇന്ത്യൻ വിപണിയിലെത്തി

സാംസങ് സെറോ: വില

കഴിഞ്ഞ വർഷം ദക്ഷിണ കൊറിയയിൽ പുറത്തിറങ്ങിയ സാംസങ് സെറോ ടിവിയുടെ 43 ഇഞ്ച് സ്‌ക്രീൻ ഓപ്ഷനാണ് ഇന്ത്യയിൽ അവതരിപ്പിച്ചിരിക്കുന്നത്. ഈ ടിവിക്ക് 1,24,990 രൂപയാണ് വില. ഈ ടിവിയുടെ സവിശേഷമായ ഡിസൈനാണ് ഇത്രയും വില വർധിക്കാൻ കാരണമായത്. ടിവിക്ക് ഹോറിസോണ്ടലായിരിക്കെ തന്നെ റോട്ടേഷൻ സവിശേഷ ഉപയോഗിച്ച് വെർട്ടിക്കലായി മാറാൻ സാധിക്കും. സ്മാർട്ട്‌ഫോണിലെ ലാൻഡ്‌സ്‌കേപ്പ്, പോർട്രെയിറ്റ് മോഡുകൾക്ക് സമാനമായി ഇത് പ്രവർത്തിക്കും.

സാംസങ് സെറോ: സവിശേഷതകൾ

സിംഗിൾ ഡിസ്പ്ലേ സൈസ് ഓപ്ഷനിൽ മാത്രമാണ് സാംസങ് സെറോ ടിവി ഇന്ത്യയിൽ എത്തിച്ചിരിക്കുന്നത്. 43 ഇഞ്ച് വലിപ്പമുള്ള ഈ ടിവി സ്ക്രീനിന് 3,840x2,160 പിക്‌സൽ റെസല്യൂഷനാണ് ഉള്ളത്. അൾട്രാ എച്ച്ഡി ക്യുഎൽഇഡി സ്‌ക്രീനുള്ള ടിവി എച്ച്ഡിആർ 10+ ഫോർമാറ്റ് വരെ സപ്പോർട്ട് ചെയ്യുന്നു. ഇത് ഒന്നിലധികം ഓറിയന്റേഷനുകളിൽ ഉപയോഗിക്കാനും കഴിയും.

സ്‌ക്രീൻ തിരിക്കാനുള്ള ഫീച്ചർ ടെലിവിഷന്റെ ഏറ്റവും വലിയ സവിശേഷതയാണ്. ഇത് സോഷ്യൽ മീഡിയ ടിവി സ്ക്രീൻ വച്ച് ഉപയോഗിക്കുന്നതും അതിലുള്ള വീഡിയോകൾ കാണുന്നതോ കൂടുതൽ രസകരമാക്കുന്നു. സ്മാർട്ട്‌ഫോൺ സ്‌ക്രീനുകളിൽ വെർട്ടിക്കലായി ഉപയോഗിക്കാറുള്ള ഇൻസ്റ്റാഗ്രാം, ട്വിറ്റർ പോലുള്ള വെർട്ടിക്കൽ സ്‌ക്രോളിംഗ് അപ്ലിക്കേഷനുകൾ അടക്കമുള്ളവ വലിയ സ്‌ക്രീൻ ഉപയോഗിച്ച് ആസ്വദിക്കാം എന്നതാണ് സാംസങ് സിറോയുടെ ഏറ്റവും വലിയ സവിശേഷത.

സ്മാർട്ട്‌ഫോൺ വീഡിയോകൾ മിക്കപ്പോഴും പോർട്രെയിറ്റ് മോഡിലായിരിക്കും റെക്കോർഡ് ചെയ്തിരിക്കുന്നത്. ഇത് സാധാരണ ടിവിയിൽ ഹോറിസോണ്ടലായി കാണുമ്പോൾ വളരെ കുറച്ച് ഭാഗത്ത് മാത്രം സ്ക്രീനും ബാക്കിയുള്ള ഭാഗത്ത് കറുപ്പ് നിറവുമാണ് ഉണ്ടാകാറുള്ളത്. ഇത് ഒഴിവാക്കി ടിവിയുടെ സ്ക്രീൻ തന്നെ തിരിച്ച് വെർട്ടിക്കലായി തന്നെ വീഡിയോ വലിയ സ്ക്രീനിൽ കാണാൻ പുതിയ ടിവി സഹായിക്കും.

4.1-ചാനൽ ഫ്രണ്ട്-ഫയറിംഗ് ഓഡിയോ സിസ്റ്റത്തിലൂടെ സാംസങ് സീറോ 60W ഓഡിയോ ഔട്ട്പുട്ട് നൽകുന്നു. ടൈസൺ ബേസ്ഡ് ഓപ്പറേറ്റിംഗ് സിസ്റ്റത്തിലാണ് ഈ സ്മാർട്ട് ടിവി പ്രവർത്തിക്കുന്നത്. ആപ്പിൾ എയർപ്ലേ 2, ബിക്‌സ്ബി, ആമസോൺ അലക്‌സ എന്നിവയും സാംസങ് സെറോ ടിവിയിൽ സപ്പോർട്ട് ചെയ്യുന്നു. ടെലിവിഷൻ വിപണിയുടെ സ്വഭാവം മാറ്റാൻ പോന്ന മോഡലാണ് ഇതെന്ന് നിസംശയം പറയാം. ടെലിവിഷൻ എന്ന ആശയത്തെ തന്നെ ഈ മോഡൽ പുതുക്കുന്നു.