ബി‌എസ്‌എൻ‌എൽ ലാൻഡ്‌ലൈൻ ബിൽ ഓൺ‌ലൈനായി അടയ്ക്കുന്നതെങ്ങനെ; അറിയേണ്ടതെല്ലാം

ബി‌എസ്‌എൻ‌എൽ ലാൻഡ്‌ലൈൻ ബിൽ ഓൺ‌ലൈനായി അടയ്ക്കാം

സാങ്കേതിക വിദ്യ പുരോഗമിച്ചതോടെ വീട്ടിലിരുന്ന് തന്നെ ബില്ലുകൾ അടയ്ക്കുന്നത് മുതൽ സാധനങ്ങൾ വാങ്ങുന്നത് വരെ സാധ്യമായിരിക്കുകയാണ്. ഇത്തരമൊരു അവസരത്തിലാണ് ബി‌എസ്‌എൻ‌എൽ ലാൻഡ്‌ലൈൻ ബിൽ ഓൺലൈനായി അടയ്ക്കാനുള്ള സംവിധാനങ്ങൾ ഒരുക്കിയിരിക്കുന്നത്. ബിഎസ്എൻഎൽ ഔദ്യോഗിക വെബ്‌സൈറ്റ്, മൊബൈൽ അപ്ലിക്കേഷൻ, തേർഡ് പാർട്ടി പ്ലാറ്റ്ഫോമുകൾ എന്നിവ വഴി ബിഎസ്എൻഎൽ ലാന്റ്ലൈൻ കണക്ഷന്റെ ബില്ല് അടയ്ക്കാൻ സാധിക്കും.

ഔദ്യോഗിക വെബ്‌സൈറ്റ് വഴി ബിൽ അടയ്‌ക്കാം

ഔദ്യോഗിക വെബ്സൈറ്റ് വഴി ബി‌എസ്‌എൻ‌എൽ ലാൻഡ്‌ലൈൻ ബിൽ അടയ്‌ക്കാനായി ചുവടെ കൊടുത്തിരിക്കുന്ന കാര്യങ്ങൾ ചെയ്താൽ മതി.

• ആദ്യം, https://www.portal2.bsnl.in/myportal/cfa.do എന്ന ഔദ്യോഗിക വെബ്സൈറ്റിൽ കയറുക

• ലാൻഡ്‌ലൈൻ നമ്പർ അടക്കമുള്ള ആവശ്യമുള്ള വിവരങ്ങൾ നൽകി സബ്കമിറ്റ് ചെയ്യുക

• സ്ക്രീനിൽ കാണുന്ന വിശദാംശങ്ങൾ പരിശോധിച്ച് പേ അമർത്തുക

• പേയ്‌മെന്റ് മോഡും പേയ്‌മെന്റ് ഗേറ്റ്‌വേയും സെലക്ട് ചെയ്യുക

• പേയ്‌മെന്റ് ഗേറ്റ്‌വേ തിരഞ്ഞെടുത്ത ശേഷം ബിൽ തുക പരിശോധിച്ച് പേയ്‌മെന്റ് നടത്തുക

• നിങ്ങളുടെ വേരിഫൈഡ് മൊബൈൽ‌ നമ്പറിൽ‌ ഒരു ഒ‌ടി‌പി ലഭിക്കും

മൈ ബിഎസ്എൻഎൽ അപ്ലിക്കേഷൻ വഴി ലാൻഡ്‌ലൈൻ ബിൽ അടയ്‌ക്കാം

മൈ ബിഎസ്എൻഎൽ ആപ്പ് വഴി ബി‌എസ്‌എൻ‌എൽ ലാൻഡ്‌ലൈൻ ബിൽ പേയ്‌മെന്റ് നടത്താൻ താഴെ കൊടുത്തിരിക്കുന്ന കാര്യങ്ങൾ ചെയ്താൽ മതി.

• നിങ്ങളുടെ മൊബൈലിൽ മൈ ബിഎസ്എൻഎൽ (MyBSNL) അപ്ലിക്കേഷൻ ഡൗൺലോഡുചെയ്യുക

• മെനുവിലേക്ക് പോയി അക്കൌണ്ടിൽ ക്ലിക്കുചെയ്യുക

• നിങ്ങളുടെ ലാൻഡ്‌ലൈൻ നമ്പർ ആഡ് ചെയ്ത് സേവ് ചെയ്യുക

• ഹോംപേജിലേക്ക് പോയി ബിൽ പേ ഓപ്ഷൻ തിരഞ്ഞെടുക്കുക

• ബിൽ വിവരങ്ങൾ പരിശോധിച്ച് ഇഷ്ടപ്പെട്ട പേയ്‌മെന്റ് രീതിയും ഗേറ്റ്‌വേയും തിരഞ്ഞെടുക്കുക

• വിശദാംശങ്ങളിൽ പരിശോധിച്ച് കൺഫോം അമർത്തുക

• രജിസ്റ്റർ ചെയ്ത മൊബൈൽ നമ്പറിൽ നിങ്ങൾക്ക് ഒടിപി ലഭിക്കും. ഇത് വച്ച് പേയ്‌മെന്റ് നടത്തുക

തേർഡ് പാർട്ടി റീചാർജിങ് പോർട്ടലുകളിലും ഡിജിറ്റൽ വാലറ്റുകളിലുമെല്ലാം ബി‌എസ്‌എൻ‌എൽ ലാൻഡ്‌ലൈൻ ബിൽ പേയ്‌മെന്റ് ഓപ്ഷനിലേക്ക് നാവിഗേറ്റ് ചെയ്യുന്നതിനുള്ള ഓപ്ഷനുകൾ ഉണ്ടാകും. ഇത് വഴി നിങ്ങൾക്ക് ബിൽ തുക പരിശോധിച്ച് പേയ്‌മെന്റ് നടത്താനാകും. ഏറ്റവും സുരക്ഷിതമായ മാർഗം ബിഎസ്എൻഎല്ലിന്റെ സ്വന്തം വെബ്സൈറ്റിലോ ആപ്പിലോ പേയ്മെന്റ് നടത്തുന്നതാണ്.