ഗൂഗിൾ അക്കൗണ്ട് കൂടുതൽ സുരക്ഷിതമാക്കാൻ ടു-സ്റ്റെപ്പ് വെരിഫിക്കേഷൻ ചെയ്യേണ്ടത് എങ്ങനെ

|

ഇമെയിൽ അക്കൌണ്ട് എന്നത് ഇന്ന് മെയിലുകൾ അയയ്‌ക്കാനോ സ്വീകരിക്കാനോ മാത്രമായിട്ടുള്ളതല്ല. ഉപയോക്താക്കൾ അവരുടെ സെൻസിറ്റീവ് ഡാറ്റകൾ ഇമെയിൽ അക്കൌണ്ടിൽ സ്റ്റോർ ചെയ്ത് വെക്കുന്നുണ്ട്. നിങ്ങളുടെ ഡാറ്റ സുരക്ഷിതമാക്കി വെക്കാൻ ഇ-മെയിൽ അക്കൌണ്ട് സുരക്ഷിതമാക്കേണ്ടത് അത്യാവശ്യമാണ്. മറ്റാർക്കെങ്കിലും നമ്മുടെ മെയിൽ ഐഡിയിലേക്ക് ആക്സസ് ലഭിക്കുന്നത് നമ്മുടെ ഡാറ്റ നഷ്ടപ്പെടുന്നതും ദുരുപയോഗം ചെയ്യുന്നതുമായ കാര്യങ്ങളിലേക്ക് നയിക്കുന്നു.

 

ജിമെയിൽ

നിങ്ങൾ ഒരു സ്വകാര്യ ഇമെയിൽ സേവനമായാണ് ജിമെയിൽ ഉപയോഗിക്കുന്നതെങ്കിൽ അതിന്റെ സുരക്ഷയ്ക്കായി നിങ്ങൾക്ക് ടു-സ്റ്റെപ്പ് വെരിഫിക്കേഷൻ (രണ്ട്-ഘട്ട പരിശോധന) ഉപയോഗിക്കാം. ഇത് നിങ്ങളുടെ അക്കൗണ്ടിന് ഒരു അധിക സുരക്ഷ നൽകുന്നു. വാട്സ്ആപ്പിലും മറ്റും ടു സ്റ്റെപ്പ് വെരിഫിക്കേഷൻ ഉപയോഗിച്ചിട്ടുള്ള ആളുകൾക്ക് ഈ സുരക്ഷാ രീതിയുടെ ഗുണം തിരിച്ചറിയാൻ സാധിക്കും. ഗൂഗിൾ അക്കൗണ്ടിന്റെ സുരക്ഷാ ഫീച്ചറുകളിലും ടു-സ്റ്റെപ്പ് വെരിഫിക്കേഷൻ നൽകിയിട്ടുണ്ട്.

ടോറന്റിങിനുള്ള മികച്ച വിപിഎൻ ഏത്: വേഗത, സ്വകാര്യത, സപ്പോർട്ട് എന്നിവ അടക്കം അറിയേണ്ടതെല്ലാംടോറന്റിങിനുള്ള മികച്ച വിപിഎൻ ഏത്: വേഗത, സ്വകാര്യത, സപ്പോർട്ട് എന്നിവ അടക്കം അറിയേണ്ടതെല്ലാം

ഗൂഗിൾ അക്കൌണ്ട്

ഗൂഗിൾ അക്കൌണ്ടിലെ ടു-സ്റ്റെപ്പ് വെരിഫിക്കേഷൻ അക്കൗണ്ടിലേക്ക് സുരക്ഷയുടെ ഒരു അധിക ലെയർ ചേർക്കുന്നു. ഗൂഗിൾ അക്കൗണ്ട് ആക്‌സസ് ചെയ്യുന്നതിന് ഒരു യൂസർ നെയിമും പാസ്‌വേഡും ആവശ്യമാണ്. എന്നിരുന്നാലും, നിങ്ങളുടെ രജിസ്റ്റർ ചെയ്ത മൊബൈൽ നമ്പറിൽ വരുന്ന ടു-സ്റ്റെപ്പ് വെരിഫിക്കേഷൻ ഓണായിരിക്കുമ്പോൾ പാസ്‌വേഡിനൊപ്പം ഒരു ഒടിപി പാസ്‌വേഡും ആവശ്യമാണ്. ഗൂഗിൾ+, ജിമെയിൽ, ഹാങ്ഔട്ട്സ് മുതലായവ പോലുള്ള ഗൂഗിളിന്റെ എല്ലാ കണക്‌റ്റുചെയ്‌ത ആപ്പുകളെും ഈ ഫീച്ചർ സുരക്ഷിതമാക്കുന്നു.

ചെയ്യേണ്ടത് ഇത്രമാത്രം
 

ചെയ്യേണ്ടത് ഇത്രമാത്രം

• ഇതിനായി ആദ്യം നിങ്ങളുടെ ഗൂഗിൾ അക്കൗണ്ട് തുറക്കണം.

• അതിനുശേഷം, മുകളിൽ വലതുവശത്തുള്ള നിങ്ങളുടെ ഫോട്ടോയിൽ ക്ലിക്കുചെയ്യുക.

• ഇവിടെ നിങ്ങൾ നിങ്ങളുടെ ഗൂഗിൾ അക്കൗണ്ട് മാനേജ് ചെയ്യാനുള്ള എന്ന ഓപ്ഷൻ തിരഞ്ഞെടുക്കണം.

• നാവിഗേഷൻ പാനലിൽ സെക്യൂരിറ്റി എന്ന ഓപ്ഷൻ കാണാം. ഇത് തിരഞ്ഞെടുക്കണം

• പുതിയ പേജിലെ സൈനിംഗ് ഇൻ ഗൂഗിൾ ഓപ്ഷനിൽ 2 സ്റ്റെപ്പ് വെരിഫിക്കേഷൻ തിരഞ്ഞെടുക്കുക.

• നിങ്ങളുടെ അക്കൗണ്ട് പാസ്‌വേഡ് നൽകണം.

ഒന്നിൽ കൂടുതൽ ചിത്രങ്ങൾ ഒറ്റ പിഡിഎഫ് ആക്കാംഒന്നിൽ കൂടുതൽ ചിത്രങ്ങൾ ഒറ്റ പിഡിഎഫ് ആക്കാം

ടു സ്റ്റെപ്പ് വേരിഫിക്കേഷൻ

• സൈനിംഗ് ഇൻ ഗൂഗിൾ ഓപ്ഷനിൽ പ്രോംപ്റ്റ്, സെക്യൂരിറ്റി കീസ്, ടെക്‌സ്‌റ്റ് മെസേജസ്, വോയ്‌സ് കോൾസ് എന്നിങ്ങനെ സൈൻ ഇൻ ചെയ്യാനുള്ള മറ്റ് നിരവധി ഓപ്‌ഷനുകളും കാണാം. ഇതിൽ നിങ്ങൾക്ക് ഏതെങ്കിലും തിരഞ്ഞെടുക്കാം.

• ഈ കാര്യങ്ങൾ പൂർത്തിയാക്കിയ ശേഷം, നിങ്ങളുടെ മൊബൈൽ നമ്പർ നൽകുക.

• കുറച്ച് സമയത്തിന് ശേഷം, നിങ്ങളുടെ ഫോണിൽ ഒരു ഒടിപി വരും. അത് നിങ്ങൾ ബോക്സിൽ പൂരിപ്പിച്ച് ടേൺ ഓൺ എന്ന ഓപ്ഷനിൽ ക്ലിക്കുചെയ്യുക.

• ഇത്രയും ചെയ്ത് കഴിഞ്ഞാൽ ബാക്കപ്പ് കോഡുകൾ, ഓതന്റിക്കേറ്റർ ആപ്പ്, സുരക്ഷാ കീ (എക്സ്ട്രാ ബാക്കപ്പ് സ്റ്റെപ്സ്) എന്നിവയും ആക്റ്റിവേറ്റ് ചെയ്യാൻ കഴിയുന്ന ഒരു പുതിയ പേജിലേക്ക് എത്തും.

• ഈ സ്റ്റെപ്സ് ചെയ്താൽ നിങ്ങളുടെ ഗൂഗിൾ അക്കൗണ്ടിൽ ടു സ്റ്റെപ്പ് വെരിഫിക്കേഷൻ നിങ്ങൾക്ക് എളുപ്പത്തിൽ പ്രവർത്തനക്ഷമമാക്കാം. ഇത് നിങ്ങളുടെ ഗൂഗിൾ അക്കൗണ്ട് സുരക്ഷിതമാക്കും.

ജിമെയിലിലെ അനാവശ്യ മെയിലുകൾ ഒറ്റയടിക്ക് ഡിലീറ്റ് ചെയ്യുന്നത് എങ്ങനെ എന്ന് നോക്കാം

ജിമെയിലിലെ അനാവശ്യ മെയിലുകൾ ഒറ്റയടിക്ക് ഡിലീറ്റ് ചെയ്യുന്നത് എങ്ങനെ എന്ന് നോക്കാം

• ജിമെയിൽ ഓപ്പൺ ചെയ്യുക, നിങ്ങളുടെ ഇമെയിൽ ഐഡിയും പാസ്‌വേഡും നൽകുക.

• ഇൻബോക്സിലേക്ക് പോയാൽ സോഷ്യൽ മീഡിയയിൽ നിന്നുള്ള മെയിലുകൾക്കും പ്രമോഷണൽ ഇമെയിലുകൾക്കുമായി പ്രത്യേക ടാബുകൾ കാണാം ഇവയെല്ലാം മിക്കപ്പോഴും അനാവശ്യമായിരിക്കും.

• നിങ്ങൾ ഡിലീറ്റ് ചെയ്യാൻ ആഗ്രഹിക്കുന്ന മെയിലുകൾ പ്രമോഷണൽ ആയാലും സോഷ്യൽ ആയാലും അവയുടെ ടാബ് ഓപ്പൺ ചെയ്യുക.

• സെലക്ട് ഓൾ ഓപ്ഷൻ നോക്കുക, അത് മുകളിൽ ഇടതുവശത്തുള്ള ഒരു ബോക്സാണ്.

• "ഡിലീറ്റ് ഓൾ ഫ്രം ദാറ്റ് കാറ്റഗറി" എന്ന ഒരു ഓപ്ഷൻ കാണാം

• ഈ ഓപ്ഷൻ തിരഞ്ഞെടുക്കുക.

• ഡിലീറ്റ് ഓപ്ഷൻ സ്ഥിരീകരിക്കാൻ ഓകെ ക്ലിക്കുചെയ്യുക, ഇമെയിലുകൾ ഇല്ലാതാക്കാൻ കുറച്ച് സമയമെടുത്തേക്കാം.

വാട്സ്ആപ്പ് പേ ഉപയോഗിക്കുന്നതെങ്ങനെ; അറിയേണ്ടതെല്ലാംവാട്സ്ആപ്പ് പേ ഉപയോഗിക്കുന്നതെങ്ങനെ; അറിയേണ്ടതെല്ലാം

Best Mobiles in India

English summary
Two-step verification adds an extra layer of security to a Google Account. Let's see how to do two-step verification on Google Account.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X