ഗൂഗിൾ പ്ലേ സ്റ്റോറിലെ വ്യാജ ആപ്പുകളെ തിരിച്ചറിയാനുള്ള 6 വഴികൾ

|

ഇത് അപ്ലിക്കേഷനുകളുടെ ലോകമാണ്. നമ്മുടെ നിത്യ ജീവിതത്തിൽ നാം ഉപയോഗിക്കുന്ന ആപ്പുകളുടെ എണ്ണം എത്രയെന്ന് ആലോചിച്ചാൽ ഞെട്ടിപ്പോകും. ജീവിതത്തിന്റെ സകല മേഖലകളിലും നമ്മെ സഹായിക്കാൻ ആപ്പുകൾ ഉണ്ട്. സ്മാർട്ട്‌ഫോണുകൾ മുതൽ സ്മാർട്ട് വാച്ചുകൾ, ലാപ്‌ടോപ്പുകൾ, ടിവി എന്നിവ വരെ എല്ലാ സ്മാർട്ട് ഉപകരണങ്ങളിലും നാം ആപ്പുകൾ ഉപയോഗിക്കുന്നുണ്ട്. ഈ ഡിവൈസുകളെ ഉപയോഗപ്രദമാക്കുന്നത് തന്നെ ആപ്പ് ഇക്കോ സിസ്റ്റമാണ് എന്ന് നിസംശയം പറയാം. ഷോപ്പിങ്, ടാക്സി ബുക്കിങ് വിനോദം, ഡേറ്റിങ് എന്നിങ്ങനെ പല തരം ആവശ്യങ്ങൾക്ക് നമ്മൾ ആപ്പുകൾ ഉപയോഗിക്കുന്നുണ്ട്. ഉപകാരപ്പെടുന്ന ആപ്പുകൾക്ക് ഒപ്പം പലപ്പോഴും വ്യാജ ആപ്പുകളും കാണാറുണ്ട്.

വ്യാജ അപ്ലിക്കേഷനുകൾ
 

വ്യാജ അപ്ലിക്കേഷനുകൾ കണ്ടെത്താനും നീക്കംചെയ്യാനും ഗൂഗിൾ പ്ലേ സ്റ്റോറിൽ നിരവധി സുരക്ഷാ പരിശോധനകൾ നിലവിലുണ്ട്. എന്നിരുന്നാലും ചില വ്യാജ അപ്ലിക്കേഷനുകൾ ഇപ്പോഴും പ്ലേ സ്റ്റോറിലേക്ക് പ്രവേശിക്കുന്നുണ്ട്. ഇത്തരം ആപ്പുകൾ റിപ്പോർട്ട് ചെയ്യുമ്പോൾ നീക്കം ചെയ്യുന്നുണ്ടെങ്കിലും ഇപ്പോഴും നിരവധി ആപ്പുകൾ പ്ലേ സ്റ്റോറിൽ തുടരുന്നു എന്നതാണ് യാഥാർത്ഥ്യം.

വ്യാജ അപ്ലിക്കേഷനുകൾ എന്തിന്

വ്യാജ അപ്ലിക്കേഷനുകൾ എന്തിന്

വ്യാജ ആപ്പുകൾ മിക്കവയും അനുമതി ഇല്ലാത്ത വിധത്തിലുള്ള പരസ്യങ്ങൾ പ്രദർശിപ്പിക്കുന്നവയാണ്. ചിലത് ഇത്തരം ശല്യപ്പെടുത്തുന്ന ബാനർ പരസ്യങ്ങൾ പ്രദർശിപ്പിക്കുമ്പോൾ മറ്റുചിലത് ഗുരുതരമായ സുരക്ഷാ ഭീഷണി ഉയർത്തുന്നു. കോൺ‌ടാക്റ്റുകൾ‌, മെസേജുകൾ എന്നിങ്ങനെയുള്ള ഡാറ്റ ഹാക്ക് ചെയ്യാൻ ചില ഹാക്കർമാർ വ്യാജ ആപ്പുകൾ ഉപയോഗിക്കുന്നുണ്ട്. ചില ആപ്പുകൾ ഫോണിലെ സ്റ്റോറേജ്, ക്യാമറ എന്നിങ്ങനെയുള്ളവയിലേക്ക് ആക്സസ് നേടിയെടുക്കുന്നു. ബാങ്ക് വിവരങ്ങൾ പോലും ചോർത്തുന്ന ആപ്പുകളും ഉണ്ട്. ഇത്തരം വ്യാജ ആപ്പുകളെ എങ്ങനെ തടയാം എന്ന് നോക്കാം.

കൂടുതൽ വായിക്കുക: ഫേസ്ബുക്ക് ആൻഡ്രോയിഡ് ആപ്പിലും ഡാർക്ക് മോഡ് എത്തുന്നു

പ്ലേ സ്റ്റോറിലെ വ്യാജ അപ്ലിക്കേഷനുകൾ കണ്ടെത്തുന്നതെങ്ങനെ

പ്ലേ സ്റ്റോറിലെ വ്യാജ അപ്ലിക്കേഷനുകൾ കണ്ടെത്തുന്നതെങ്ങനെ

ഘട്ടം 1: നിങ്ങൾ പ്ലേ സ്റ്റോറിൽ ഒരു അപ്ലിക്കേഷനായി തിരയുമ്പോൾ സമാന പേരിലുള്ള ഒന്നിലധികം അപ്ലിക്കേഷനുകൾ കാണാം. അവ തമ്മിലുള്ള വ്യത്യാസം സാധാരണയായി പേരിലും വിവരണത്തിലുമുള്ള അക്ഷരങ്ങളിലെ മാറ്റങ്ങളാണ്. ഡൗൺലോഡുചെയ്യുന്നതിനുമുമ്പ് ഈ അക്ഷരങ്ങളിലെ മാറ്റങ്ങൾ കണ്ടെത്തുന്നതിന് അപ്ലിക്കേഷനെക്കുറിച്ചുള്ള വിവരണം വായിക്കുക.

ഘട്ടം 2
 

ഘട്ടം 2: അപ്ലിക്കേഷന്റെ ഡിസിക്രിപ്ഷൻ പേജ് പരിശോധിക്കുമ്പോൾ തനിപ്പകർപ്പ് അപ്ലിക്കേഷനുകളാകാനുള്ള സാധ്യത കുറവായതിനാൽ "എഡിറ്റേഴ്സ് ചോയ്‌സ്", "ടോപ്പ് ഡെവലപ്പർ" പോലുള്ള ടാഗുകൾ ഉണ്ടോ എന്ന് പരിശോധിക്കുക. ഡൌൺ‌ലോഡ് ചെയ്യുന്നതിനുമുമ്പ് കൂടുതൽ‌ ശ്രദ്ധാപൂർ‌വ്വം പബ്ലിഷർ വെബ്‌സൈറ്റ് സന്ദർശിക്കാനും നിങ്ങൾക്ക് കഴിയും.

ഘട്ടം 3

ഘട്ടം 3: വാട്സ്ആപ്പ്, ഫേസ്ബുക്ക്, പബ്ജി മൊബൈൽ തുടങ്ങിയ ജനപ്രിയ ആപ്ലിക്കേഷനുകൾക്കുള്ള ഡൌൺലോഡ് എണ്ണം തീർച്ചയായും കൂടുതലായിരിക്കും. ഒരു അപ്ലിക്കേഷന് അയ്യായിരമോ അതിൽ കുറവോ ഡൗൺലോഡുകൾ ഉണ്ടെങ്കിൽ അത് ഒരു വ്യാജ ആപ്ലിക്കേഷനായിരിക്കാനുള്ള സാധ്യത കൂടുതലാണ്.

കൂടുതൽ വായിക്കുക: വാട്സ്ആപ്പിന് പകരക്കാരനാവാൻ കേന്ദ്ര സർക്കാരിന്റെ സ്വന്തം ജിംസ്

ഘട്ടം 4

ഘട്ടം 4: ഒരു അപ്ലിക്കേഷൻ വ്യാജമല്ലെന്ന് ഉറപ്പാക്കാനുള്ള മറ്റൊരു മാർഗം സ്‌ക്രീൻഷോട്ടുകൾ പരിശോധിക്കുക എന്നതാണ്. ഒരു വ്യാജ അപ്ലിക്കേഷന്റെ സ്‌ക്രീൻഷോട്ടുകളിൽ വിചിത്രമായ ടെക്റ്റുകളും വിചിത്ര ഫോട്ടോകളും ഉണ്ടാകാൻ സാധ്യതയുണ്ട്. അതുപോലെ റിവ്യൂസും റേറ്റിംഗും പരിശോധിക്കുന്നത് ഡൌൺലോഡ് ചെയ്ത് ഉപയോഗിച്ചതിന് ശേഷം ഉപയോക്താക്കൾ ആപ്പിനെ എങ്ങനെ വിലയിരുത്തുന്നു എന്നത് സംബന്ധിച്ച വിവരങ്ങൾ നൽകും.

ഘട്ടം 5

ഘട്ടം 5: അപ്ലിക്കേഷൻ പബ്ലിഷ് ചെയ്ത തീയതി നോക്കുക. ഇത് ഒരു ജനപ്രിയ കമ്പനിയുടെ പുതിയ അപ്ലിക്കേഷനാണെങ്കിൽ, അതിൽ പബ്ലിഷ്ഡ് ഡേറ്റ് ഉണ്ടായിരിക്കും. പഴയ ആപ്പുകൾക്ക് അപഡേറ്റ് ചെയ്ത തിയ്യതിയാണ് ഉണ്ടാവുക. എന്നാൽ മിക്കവാറും വ്യാജ അപ്ലിക്കേഷനുകൾക്ക് സമീപകാലത്ത് പബ്ലിഷ് ചെയ്ത തിയ്യതി ഉണ്ടാകും.

ഘട്ടം 6

ഘട്ടം 6: വ്യാജ ആപ്ലിക്കേഷനുകൾ കണ്ടെത്താനുള്ള സുപ്രധാനമായ വഴി, അപ്ലിക്കേഷൻ ആവശ്യപ്പെടുന്ന പെർമിഷനുകൾ നോക്കുക എന്നാണ്. നിങ്ങൾ ഒരു തേർഡ് പാർട്ടി മെസേജിങ് അപ്ലിക്കേഷൻ ഡൗൺലോഡ് ചെയ്തിട്ടുണ്ടെന്ന് കരുതുക. ഇതിന് ഫോൺ ബുക്ക്, ഡയലർ, ബാക്കപ്പിനായി സ്റ്റോറേജ് എന്നിവയ്ക്ക് അനുമതി ആവശ്യമാണ്. ക്യാമറ, ഓഡിയോ എന്നിവയ്‌ക്കും അതിലേറെ കാര്യങ്ങൾക്കുമായി ഇത് അനുമതി ചോദിക്കുകയാണെങ്കിൽ അത് മിക്കവാറും വ്യാജ ആപ്പ് ആയിരിക്കും.

കൂടുതൽ വായിക്കുക: മെട്രോയിൽ യാത്ര ചെയ്യുന്നവർക്ക് കാർപൂളിങ് സേവനവുമായി റെഡ്ബസ്

സ്വകാര്യ ഡാറ്റ

വ്യാജ ആപ്പുകൾ കണ്ടത്താനുള്ള ഈ ആറ് കാര്യങ്ങൾ ശ്രദ്ധിച്ചാൽ നമ്മുടെ സ്മാർട്ട്ഫോണുകളിലും മറ്റ് ആൻഡ്രോയിഡ് ഡിവൈസുകളിലുമുള്ള ഡാറ്റ സുരക്ഷിതമായി വയ്ക്കാൻ സാധിക്കും. സൈബർ ലോകത്തെ സുരക്ഷ പ്രധാനപ്പെട്ട കാര്യമാണ്. സ്വകാര്യ ഡാറ്റ വളരെ വിലപിടിപ്പുള്ളതുമാണ്. അതുകൊണ്ട് തന്നെ മേൽപ്പറഞ്ഞ കാര്യങ്ങൾ ശ്രദ്ധിച്ച് ആപ്പുകൾ ഇൻസ്റ്റാൾ ചെയ്യാം.

Most Read Articles
Best Mobiles in India

Read more about:
English summary
Google has added a number of security checks in the Play Store to spot and remove counterfeit apps. Yet, there are times when imposter apps still make their way to the Play Store. Time and again, whenever such apps are reported, Google removes them. But some still remain undetected.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X