ആൻഡ്രോയിഡ് ഫോണുകളിൽ നോട്ടിഫിക്കേഷനുകൾ നിയന്ത്രിക്കുന്നതെങ്ങനെ

ആൻഡ്രോയിഡ് ഡിവൈസുകൾ ഉപയോഗിക്കുന്ന ആളുകൾ ശരാശരി 15 മുതൽ 25 വരെ ആപ്പുകൾ ഇൻസ്റ്റാൾ ചെയ്ത് ഉപയോഗിക്കുന്നവരായിരിക്കും. ഈ ആപ്പുകളിൽ നിന്നെല്ലാമുള്ള നോട്ടിഫിക്കേഷൻ പലപ്പോഴും ശല്യമായി മാറാറുണ്ട്. ഇത്തരം നോട്ടിഫിക്കേഷനുകളെ നിയന്ത്രിക്കാൻ ഉപയോക്താവിന് സൌകര്യമൊരുക്കിയിരിക്കുകയാണ് ആൻഡ്രോയിഡ്. ഏത് ആപ്പിലെയും നോട്ടിഫിക്കേഷനുകൾ ഉപയോക്താവിന് കസ്റ്റമൈസ് ചെയ്യാൻ സാധിക്കുന്ന വിധത്തിലാണ് ഈ സവിശേഷത നൽകിയിരിക്കുന്നത്.

ആൻഡ്രോയിഡിലെ ആപ്പുകളിൽ നിന്നുള്ള നോട്ടിഫിക്കേഷനുകൾ നിയന്ത്രിക്കുന്നതിന് ലളിതമായ ചില മാർഗങ്ങളുണ്ട്. ഈ സംവിധാനം പ്രത്യേക സമയത്തേക്ക് നോട്ടിഫിക്കേഷനുകൾ ഓഫ് ചെയ്ത് ഇടാൻ സഹായിക്കും. തിരഞ്ഞെടുക്കുന്ന ആപ്പുകളിലെ നോട്ടിഫിക്കേഷനുകൾ നിശ്ചിത സമയത്തേക്ക് മ്യൂട്ട് ചെയ്തിടാനുള്ള സംവിധാനത്തിലൂടെ ഉപയോക്താവ് തിരഞ്ഞെടുക്കുന്ന സമയത്ത് യാതൊരു വിധ ശല്യങ്ങളും ഉണ്ടാവുന്നില്ല. ആൻഡ്രോയിഡിൽ നോട്ടിഫിക്കേഷൻ മ്യൂട്ട് ചെയ്തിടുന്നത് എങ്ങനെയെന്ന് നോക്കാം.

ഘട്ടം 1: ആദ്യം പ്ലേ സ്റ്റോറിലേക്ക് പോയി നിങ്ങളുടെ ആൻഡ്രോയിഡ് ഡിവൈസിൽ 'ഫിൽട്ടർബോക്സ്' അപ്ലിക്കേഷൻ ഡൌൺലോഡ് ചെയ്ത് ഇൻസ്റ്റാൾ ചെയ്യുക.

ഘട്ടം 2: ഫിൾട്ടർബോക്സ് ഇൻസ്റ്റാൾ ചെയ്ത ശേഷം, അപ്ലിക്കേഷന് 'നോട്ടിഫിക്കേഷൻ ആക്സസ്' പെർമിഷൻ നൽകുക.

ഘട്ടം 3: എല്ലാ നോട്ടിഫിക്കേഷനുകളും സ്ക്രീനിൽ കാണും

ഘട്ടം 4: 'ഫിൽട്ടർ' ഓപ്ഷനിൽ ക്ലിക്കുചെയ്യുക.

ഘട്ടം 5: മറ്റൊരു അപ്ലിക്കേഷൻ ചേർക്കാൻ '+' ഐക്കണിൽ ക്ലിക്കുചെയ്യുക.

ഘട്ടം 6: പുതിയ റൂളിന് ഒരു പേര് നൽകുക. 'ഫ്രം ആപ്പ്' എന്ന ഓപ്ഷന് കീഴിൽ നിന്ന് ആവശ്യമായ ആപ്ലിക്കേഷൻ തിരഞ്ഞെടുത്ത് നോട്ടിഫിക്കേഷൻ മ്യൂട്ട് ചെയ്യേണ്ട സമയം തിരഞ്ഞെടുക്കുക.

ഘട്ടം 7: ടെക്സ്റ്റ് വഴിയുള്ള നോട്ടഫിക്കേഷൻ മ്യൂട്ട് ചെയ്യാനോ ഒഴിവാക്കാനോ 'കണ്ടെയിൻ ടെക്സ്റ്റ്' ടാപ്പുചെയ്യുക.

ഘട്ടം 8: ഫേസ്ബുക്ക് നോട്ടിഫിക്കേഷൻ, വാട്ട്‌സ്ആപ്പ് നോട്ടിഫിക്കേഷൻ മുതലായവയിൽ അടക്കം 'മ്യൂട്ട്', 'ഡിസ്മിസ്', 'പോസ്റ്റ്പോൺ' എന്നിവയിൽ ആവശ്യമായവ തിരഞ്ഞെടുക്കാൻ സാധിക്കും.

നിങ്ങൾക്ക് ശല്യമായി തോന്നുന്ന ആപ്പ് നോട്ടിഫിക്കേഷനുക8 ഒഴിവാക്കാനും പ്രത്യേക സമയത്ത് നോട്ടിഫിക്കേഷനുകൾ വരുന്നത് തടയാനുമെന്നാം ഈ വഴിയിലൂടെ സാധിക്കും. എളുപ്പത്തിൽ ലഭിക്കുന്ന ഫിൽട്ടർബോക്സ് ആപ്പ് സുരക്ഷിതമാണ്. ഈ ആപ്പ് പ്ലേസ്റ്റോർ വഴി തന്നെ ഇൻസ്റ്റാൾ ചെയ്യുക. മറ്റ് സൈറ്റുകളിൽ നിന്ന് ഏതൊരു ആപ്പ് ഇൻസ്റ്റാൾ ചെയ്യുന്നതും സുരക്ഷിതമല്ല.