ഐ‌പി‌എൽ ലൈവ് എങ്ങനെ സൌജന്യമായി ഓൺ‌ലൈനിൽ കാണാം

ഡിസ്നി+ ഇന്ത്യയിൽ ഹോട്ട്സ്റ്റാറുമായി ചേർന്ന് പ്രവർത്തനം ആരംഭിച്ചത് മുതൽ തന്നെ എല്ലാ പ്രമുഖ ടെലിക്കോം കമ്പനികളും തങ്ങളുടെ പ്ലാനുകൾക്കൊപ്പം ഡിസ്നി+ ഹോട്ട്സ്റ്റാർ സബ്ക്രിപ്ഷൻ നൽകുന്ന പ്ലാനുകൾ അവതരിപ്പിച്ചിരുന്നു. ഐപിഎൽ സീസൺ അടുക്കുന്നതോടെ ഡിസ്നി+ ഹോട്ട്സ്റ്റാർ സബ്ക്രിപ്ഷൻ ആവശ്യമുള്ളവരുടെ എണ്ണം വർധിക്കുമെന്ന് ഉറപ്പാണ്. അധികം പണം ചിലവഴിക്കാതെ ഐപിഎൽ ഡിസ്നി+ ഹോട്ട്സ്റ്റാറിലൂടെ കാണാനുള്ള വഴികളാണ് നമ്മളിന്ന് പരിശോധിക്കുന്നത്.

ഡിസ്നി+ ഹോട്ട്സ്റ്റാർ സബ്ക്രിപ്ഷൻ

ഡിസ്നി+ ഹോട്ട്സ്റ്റാർ വിഐപി സബ്ക്രിപ്ഷൻ, ഡിസ്നി+ ഹോട്ട്സ്റ്റാർ പ്രീമിയം എന്നിങ്ങനെ രണ്ട് പായ്ക്കുകളും ഡിസ്നി + ഹോട്ട്സ്റ്റാർ നൽകുന്നുണ്ട്. ഇതിൽ ആദ്യത്തെ പ്ലാനിന് 399 രൂപയാണ് വില. പ്രീമിയം പ്ലാനിന് 1,499 രൂപ വിലയുണ്ട്. ഡിസ്നി+ ഹോട്ട്സ്റ്റാർ സബ്ക്രിപ്ഷൻ എടുക്കാൻ പണം മുടക്കാൻ താല്പര്യമില്ലെങ്കിൽ നിങ്ങൾക്ക് ടെലിക്കോം ഓപ്പറേറ്റർമാർ നൽകുന്ന ചില പ്ലാനുകളിലൂടെ ഡിസ്നി+ ഹോട്ട്സ്റ്റാർ സേവനം സൌജന്യമായി നേടുകയും ഐപിഎൽ ആസ്വദിക്കുകയും ചെയ്യാം.

എയർടെൽ ഉപയോക്താക്കൾക്ക് ഐപിഎൽ കാണാം

എയർടെല്ലിന്റെ 401 രൂപ പ്രീപെയ്ഡ് പ്ലാൻ ഉപയോക്താക്കൾക്ക് 28 ദിവസത്തേക്ക് ഡിസ്നി + ഹോട്ട്സ്റ്റാർ ആക്സസും 30 ജിബി ഡാറ്റയും നൽകുന്നുണ്ട്. 448 രൂപയുടെ പ്ലാൻ 84 ജിബി ഡാറ്റ, സൌജന്യ കോളിങ്, വിങ്ക് മ്യൂസിക്, ഫാസ് ടാഗിൽ 150 രൂപ കിഴിവ്, ഡിസ്നി + ഹോട്ട്സ്റ്റാർ ആക്സസ്, ഷാ അക്കാദമിയിൽ നിന്ന് സൌജന്യ കോഴ്സുകൾ എന്നിവ 28 ദിവസത്തേക്ക് നൽകുന്നു. 599 രൂപ പ്ലാൻ 56 ദിവസത്തേക്ക് 112 ജിബി ഡാറ്റയും ഡിസ്നി+ ഹോട്ട്സ്റ്റാർ സബ്സ്ക്രിപ്ഷനും ലഭിക്കും. 2,698 രൂപയുടെ പ്ലാൻ 730 ജിബി ഡാറ്റയാണ് നൽകുന്നത്. 365 ദിവസം വാലിഡിറ്റിയും അൺലിമിറ്റഡ് കോളിങും ഡിസ്നി+ ഹോട്ട്സ്റ്റാർ സബ്ക്രിപ്ഷനും നൽകുന്നു.

ജിയോ ഉപയോക്താക്കൾക്ക് ഐപിഎൽ കാണാം

റിലയൻസ് ജിയോയുടെ 401 രൂപ പ്ലാൻ ഉപയോക്താക്കൾക്ക് ഡിസ്നി+ ഹോട്ട്സ്റ്റാർ സബ്ക്രിപ്ഷനും 90 ജിബി ഡാറ്റയും അൺലിമിറ്റഡ് കോളിങും 100 മെസേജുകളും 28 ദിവസത്തേക്ക് നൽകുന്ന പ്ലാനാണ്. 598 രൂപയുടെ ജിയോ പ്ലാൻ ദിവസവും 2 ജിബി ഡാറ്റയും 56 ദിവസത്തേക്ക് 100 മെസേജുകളും ഡിസ്നി+ ഹോട്ട്സ്റ്റാർ സബ്ക്രിപ്ഷൻും നൽകുന്നു. 777 രൂപ പ്ലാൻ 131 ജിബി ഡാറ്റ, അൺലിമിറ്റഡ് കോളിങ്, 84 ദിവസം വാലിഡിറ്റി, 100 മെസേജുകൾ ഡിസ്നി+ ഹോട്ട്സ്റ്റാർ സബ്ക്രിഷൻ എന്നിവ നൽകും. 499 പ്ലാൻ 56 ദിവസത്തേക്ക് 84 ജിബി ഡാറ്റ നൽകുന്നു. 2,599 രൂപ പ്ലാൻ 740 ജിബി ഡാറ്റയും 365 ദിവസം വാലിഡിറ്റിയും വോയിസ് കോളിങും നൽകുന്ന പ്ലാനാണ്.