YouTube Trick: യൂട്യൂബ് വീഡിയോ ബാഗ്രൌണ്ടിൽ പ്ലേ ചെയ്യാനുള്ള എളുപ്പവഴി ഇതാണ്

|

വെബ്‌സൈറ്റ് പതിപ്പായാലും ആപ്ലിക്കേഷനായാലും ധാരാളം ആളുകൾ യൂട്യൂബിനെ പാട്ടുകൾ കേൾക്കാനായി ഉപയോഗിക്കാറുണ്ട്. പ്ലാറ്റ്ഫോം വാഗ്ദാനം ചെയ്യുന്ന വിശാലമായ കണ്ടന്റ് ലൈബ്രറിയാണ് ഇതിന് പ്രധാന കാരണം. ഇഷ്‌ടാനുസൃത റീമിക്സുകളും അവരുടെ പ്രിയപ്പെട്ട ആർട്ടിസ്റ്റുകളുടെ കവറുകളും സഹിതം സ്‌ട്രീം ചെയ്യുന്നതിന് സൌജന്യമായി തന്നെ ഉപയോഗിക്കാവുന്ന പ്ലാറ്റ്ഫോമാണ് യൂട്യൂബ്. മെബൈൽ ഫോണിലെ യൂട്യൂബിൽ പാട്ടുകൾ കേൾക്കുമ്പോൾ ഉള്ള പ്രധാന പ്രശ്നം മറ്റ് ആപ്പുകൾ ഉപയോഗിക്കാനോ സ്ക്രീൻ ലോക്ക് ചെയ്യാനോ സാധിക്കുന്നില്ല എന്നതാണ്.

യൂട്യൂബ് ആപ്ലിക്കേഷൻ
 

യൂട്യൂബ് ആപ്ലിക്കേഷൻ ബാഗ്രൌണ്ടിൽ പ്രവർത്തിപ്പിക്കുന്നതിന് ധാരാളം മാർഗങ്ങളുണ്ടെങ്കിലും അവയ്ക്കെല്ലാമായി നിങ്ങളുടെ ഫോൺ റൂട്ട് ചെയ്യേണ്ടതുണ്ട്. ഇത്തരത്തിൽ റൂട്ട് ചെയ്യാതെ തന്നെ ഏത് ആൻഡ്രോയിഡ് സ്മാർട്ട്‌ഫോണിലും യൂട്യൂബ് ബാഗ്രൌണ്ടായി പ്രവർത്തിപ്പിക്കുന്നതിന് ഒരു മാർഗ്ഗം ഉണ്ട്. ഇതിനായി വളരെ ലളിതമായ കാര്യങ്ങൾ മാത്രമേ ചെയ്യേണ്ടതുള്ളു. ഇതിനായി ആവശ്യമുള്ളത് പ്ലേസ്റ്റോറിൽ ലഭ്യമായിട്ടുള്ള വിഎൽസി മീഡിയ പ്ലയർ മാത്രമാണ്. സൈസ് കുറഞ്ഞ ഒരു ആപ്പാണ് ഇത്. വളരെ എളുപ്പത്തിൽ ഡൌൺലോഡ് ചെയ്ത് ലഭിക്കും.

വിഎൽസി മീഡിയ പ്ലെയർ വഴി യൂട്യൂബ് വീഡിയോ പ്ലേ ചെയ്യാം

വിഎൽസി മീഡിയ പ്ലെയർ വഴി യൂട്യൂബ് വീഡിയോ പ്ലേ ചെയ്യാം

ഘട്ടം 1: നിങ്ങളുടെ ഫോണിൽ വി‌എൽ‌സി മീഡിയ പ്ലെയർ ഇല്ലെങ്കിൽ ഗൂഗിൾ സ്റ്റോറിലേക്ക് പോയി അപ്ലിക്കേഷൻ ഡൌൺ‌ലോഡുചെയ്യുക.

ഘട്ടം 2: നിങ്ങൾക്ക് വി‌എൽ‌സി ലഭിച്ചുകഴിഞ്ഞാൽ യൂട്യൂബ് തുറന്ന് നിങ്ങൾ പ്ലേ ചെയ്യാൻ ആഗ്രഹിക്കുന്ന വീഡിയോയിലേക്ക് പോകുക.

ഘട്ടം 3: നിങ്ങളുടെ ചങ്ങാതിമാരുമായും മറ്റും വീഡിയോ പങ്കിടാൻ നിങ്ങൾ സാധാരണയായി ഉപയോഗിക്കുന്ന ഷെയർ ബട്ടൺ ക്ലിക്കുചെയ്യുക. ഓപ്ഷനുകളുടെ ലിസ്റ്റ് താഴേക്ക് സ്ക്രോൾ ചെയ്ത് 'പ്ലേ വിത്ത് വിഎൽസി' എന്ന ഓപ്ഷൻ തിരഞ്ഞെടുക്കുക.

ഘട്ടം 4: വി‌എൽ‌സി പ്ലെയർ വഴി സ്ട്രീമിംഗ് ആരംഭിച്ചുകഴിഞ്ഞാൽ ചുവടെ വലതുവശത്തുള്ള ത്രീ-ഡോട്ട് മെനു ടച്ച് ചെയ്ത് 'പ്ലേ ആസ് ഓഡിയോ' എന്ന ഓപ്ഷൻ തിരഞ്ഞെടുക്കുക.

യൂട്യൂബ് വീഡിയോ

ഇത്രമാത്രം ചെയ്തുകൊണ്ട് നിങ്ങളുടെ സ്മാർട്ട്ഫോണിൽ യൂട്യൂബ് വീഡിയോ ഒരു ഓഡിയോ ഫയലായി പ്ലേ ചെയ്യാൻ സാധിക്കും. ഇതിനർത്ഥം ഇത് മറ്റേതൊരു ഓഡിയോ പ്ലെയറിനെയും പോലെ (സ്‌പോട്ടിഫൈ, ജിയോസാവ്, ഗാന അല്ലെങ്കിൽ നിങ്ങളുടെ ഫോണിന്റെ മ്യൂസിക് പ്ലെയർ) പ്രവർത്തിക്കുമെന്നാണ്. നിങ്ങൾക്ക് ഓഡിയോ പ്ലേ ചെയ്തുകൊണ്ട് മറ്റ് ആപ്പുകൾ ഉപയോഗിക്കാനും സക്രീൻ ലോക്ക് ചെയ്യാനും സാധിക്കും, ഈ അവസരങ്ങളിൽ ഓഡിയോ തടസമില്ലാതെ പ്ലേ ചെയ്തുകൊണ്ടിരിക്കും.

നോട്ടിഫിക്കേഷൻ
 

വിഎൽസി വഴി യൂട്യൂബ് വീഡിയോ ഓഡിയോ ആയി പ്ലേ ചെയ്യുമ്പോൾ ഉള്ള മറ്റൊരു സവിശേഷത നോട്ടിഫിക്കേഷൻ പാനലിൽ നിങ്ങൾക്ക് വിഎൽസിയുടെ മ്യൂസിക്ക് കൺട്രോൾ പാനൽ ലഭിക്കും എന്നതാണ്. നിങ്ങൾ പ്ലേ ചെയ്യാൻ ആഗ്രഹിക്കുന്ന ഭാഗങ്ങളിലേക്ക് വീഡിയോയിലൂടെ എളുപ്പത്തിൽ സ്‌ക്രബ് ചെയ്യാൻ ഇത് നിങ്ങളെ അനുവദിക്കും. മറ്റ് ആപ്ലിക്കേഷനുകൾക്കൊപ്പം ഒരു പോപ്പ്-അപ്പ് പ്ലെയറിൽ വീഡിയോ കാണണമെങ്കിൽ വി‌എൽ‌സിയിലെ ‘പോപ്പ്-അപ്പ് പ്ലെയർ' എന്ന ഓപ്ഷൻ തിരഞ്ഞെടുക്കാം.

Most Read Articles
Best Mobiles in India

Read more about:
English summary
While there are a bunch of ways to get the YouTube app itself running in the background, they all require your phone to have root access. However, here is a quick hack to get the YouTube audio running in the background that will work on any Android smartphone and takes a few seconds to execute. All you need is VLC Media Player, a lightweight media player application on the Play Store, that most of us already have.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X