കൂടുതൽ ചാർജ് നിൽക്കുന്ന ഫോൺ വേണോ?, 10,000 രൂപയിൽ താഴെ വിലയുള്ള മികച്ച സ്മാർട്ട്ഫോണുകൾ

ഇന്ത്യൻ വിപണിയിലെ 6000 എംഎഎച്ച് ബാറ്ററിയുള്ള സ്മാർട്ട്ഫോണുകളാണ് ഈ ലേഖനത്തിൽ ഉൾപ്പെടുത്തിയിരിക്കുന്നത്. അതും ഇന്ത്യയിൽ ഏറ്റവും കൂടുതൽ ഉപയോക്താക്കൾ ഉള്ള 10,000 രൂപയിൽ താഴെ വിലയുള്ള വിഭാഗത്തിലെ ഡിവൈസുകൾ മാത്രമേ ഇതിൽ പട്ടികപ്പെടുത്തിയിട്ടുള്ളു. ഓൺലൈൻ ക്ലാസുകളും മറ്റുമായി കുട്ടികൾക്ക് അടക്കം പതിയ സ്മാർട്ട്ഫോൺ വാങ്ങുന്ന ഈ സന്ദർഭത്തിൽ മികച്ച ബാറ്ററിയുളള ഈ ഡിവൈസുകൾ പരിഗണിക്കാം.

സാംസങ് ഗാലക്സി എഫ്12

സാംസങിന്റെ വലിയ ബാറ്ററിയുള്ള ഡിവൈസുകളിൽ ഒന്നാണ് ഗാലക്സി എഫ്12. ഈ ഡിവൈസിൽ 6000എംഎഎച്ച് ബാറ്റിയാണ് ഉള്ളത്. 9,999 രൂപ വിലയുള്ള ഈ സ്മാർട്ട്ഫോണിൽ 90Hz റിഫ്രഷ് റേറ്റുള്ള 6.5 ഇഞ്ച് ഡിസ്പ്ലെ, ഒക്ടാകോർ എക്സിനോസ് 8എൻഎം പ്രോസസർ, 4ജിബി റാം, 48എംപി + 5എംപി + 2എംപി + 2എംപി ക്വാഡ് റിയർ ക്യാമറകൾ, 8 എംപി ഫ്രണ്ട് ക്യാമറ എന്നീ സവിശേഷതകൾ ഉണ്ട്.

ഷവോമി റെഡ്മി 9 പവർ

റെഡ്മി 9 പവർ സ്മാർട്ട്ഫോണിൽ 6000 എംഎഎച്ച് ബാറ്റിയാണ് ഉള്ളത്. ഈ ഡിവൈസിന് 9,999 രൂപയാണ് വില. ഒക്ടാകോർ സ്നാപ്ഡ്രാഗൺ 662 പ്രോസസറിന്റെ കരുത്തിൽ പ്രവർത്തിക്കുന്ന ഈ ഡിവൈസിൽ 4ജിബി റാമുണ്ട്. 6.53 ഇഞ്ച് ഐപിഎസ് എൽസിഡി ഡിസ്പ്ലെയാണ് ഡിവൈസിൽ ഉള്ളത്. 48എംപി + 8എംപി + 2എംപി + 2എംപി ക്വാഡ് ക്യാമറ സെറ്റപ്പ്, 8 എംപി ഫ്രണ്ട് ക്യാമറ എന്നിവയും ഈ ഡിവൈസിൽ നൽകിയിട്ടുണ്ട്.

റിയൽമി നാർസോ 30എ

8,880 രൂപ വിലയുള്ള റിയൽമി നാർസോ 30എ സ്മാർട്ട്ഫോണിൽ 6000 എംഎഎച്ച് ബാറ്റിയാണ് ഉള്ളത്. ഫാസ്റ്റ് ചാർജിങ് സപ്പോർട്ടും ഈ ഡിവൈസിൽ നൽകിയിട്ടുണ്ട്. ഒക്ടാകോർ മീഡിയടെക് ഹെലിയോ ജി85 എസ്ഒസിയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്. 3 ജിബി റാമും ഡിവൈസിൽ ഉണ്ട്. 6.5 ഇഞ്ച് ഐപിഎസ് എൽസിഡി ഡിസ്പ്ലെയുള്ള ഡിവൈസിൽ 13 എംപി+ 2 എംപി പിൻക്യാമറകളും 8എംപി മുൻക്യാമറയുമാണ് ഉള്ളത്.

മോട്ടോ ജി10 പവർ

9,999 രൂപ വിലയുള്ള മോട്ടോ ജി10 പവർ സ്മാർട്ട്ഫോണിൽ 6000 എംഎഎച്ച് ബാറ്ററിയാണ് നൽകിയിട്ടുള്ളത്. ഒക്ടാകോർ സ്നാപ്ഡ്രാഗൺ 460 പ്രോസസറിന്റെ കരുത്തിൽ പ്രവർത്തിക്കുന്ന ഈ ഡിവൈസിൽ 4 ജിബി റാം ഉണ്ട്. 6.5 ഇഞ്ച് ഐപിഎസ് എൽസിഡി ഡിസ്പ്ലെയാണ് ഡിവൈസിൽ ഉള്ളത്. 48എംപി + 8എംപി + 2എംപി + 2എംപി ക്വാഡ് ക്യാമറ സെറ്റപ്പുള്ള ഡിവൈസിൽ 8 എംപി സെൽഫി ക്യാമറയും ഉണ്ട്.

റിയൽമി നാർസോ 20

9,999 രൂപ വിലയുള്ള നാർസോ 20 സ്മാർട്ട്ഫോണിലും 6,000 എംഎഎച്ച് ബാറ്ററിയാണ് ഉള്ളത്. ഈ ഡിവൈസിന് കരുത്ത് നൽകുന്നത് ഒക്ടാകോർ മീഡിയടെക് ഹെലിയോ ജി85 എസ്ഒസിയാണ്. 4ജിബി റാമും ഈ ഡിവൈസിൽ ഉണ്ട്. 6.5 ഇഞ്ച് ഐപിഎസ് ഡിസ്പ്ലെയാണ് ഈ ഡിവൈസിൽ ഉള്ളത്. 48എംപി + 8എംപി + 2എംപി + 2എംപി ക്വാഡ് ക്യാമറ സെറ്റപ്പുള്ള ഈ ഡിവൈസിൽ 8എംപി ഫ്രണ്ട് ക്യാമറയും നൽകിയിട്ടുണ്ട്.